Jrm. 4:13 - Yus Papí: Shuarja̱i̱ Yus Yamaram Chicham Najanamu

¹³ Wats nekaata, yuraṉmia núnis wakattawai tura ni káruri̱ṉkia úunt nasea tímianuiti. Tura kawairi̱ṉkia churuwiaja̱i̱sha naṉkaamas kakaram yujainiawai. ¡Maj ju̱sha iisha urukawartajik. Warí emesnakar aya jú̱nik awajsachmak áiniajⁱ!”

Jrm. 4:13 Iomraidhean Croise

2 Sam. 1:23

Saurka Junatánja̱i̱ṉkia aneetai̱ tura aneṉkratin armai. Jákatniunmasha peṉké kanakcharmai. Kame churuwiaja̱i̱sha naṉkaamas tí warik tura úunt ya̱wa̱ja̱i̱sha naṉkaamas ti kakaram armai.

Isa. 19:1

Uunt Yus Ejiptunam jeayi túrunamtai najankamu yus ainia nuka kurainiawai tura Ejiptunmaya̱ aentssha jakamnia enentáimiainiawai. Núnisaṉ chichaak “Wi Ejiptunmaya̱ aentsnaka aṉkant aṉkant aentsnaka nuamtak aentsnak tura péprunka nuamtak péprunak áitkiasnak akupeamunka nuamtak akupeamunak mámtikiartatjai. Kame Ejiptunka úunt akupin ti yajauch netsen íktusan iniaisattajai. Entsasha ashí ku̱yu̱kartatui túrunamtai árak Nírunam arakma ainia nuka ashí kukakártatui” tímiayi Uunt Yus. Nekamin Parauṉkai̱ pujuinia nuka Uunt Yus awajimtikrarma ásar nampekua núnisar pemperakut ajainiak waurka ajasárai. Ejiptunmaya̱ aentska nuwa̱ núnisar Ashí Akupin Uunt Yusan wáinkiar ashamkartatui. Ejiptunmaya̱ aents íismaka Jutaka tsuumai̱ ashamú ajamai átatui.

Isa. 66:15

Warí nekaatarum Uunt Yuska jiji̱a̱i̱ tura ni káruri̱sha uunt naseya ímiatrus téter winittiawai. Tura naṉkaamas kajek ni kajetáiri̱ji̱a̱i̱ núnisaṉ ji keaja̱i̱ asutkiartuattsa tátatui.

Jrm. 10:19

Maa ju̱sha urukakna jú̱niaj, urukakna mesekaj. Warí, winia akamakmarka peṉké tsuámarchamniaiti. Túrasha wikia chichaakun “Ju̱ka nekas winia suṉkuruiti tuma asan wáitsatniuitji̱a̱i̱” tumammiajai.

Jrm. 4:12

Antsu nase nuna naṉkaamas kakaram Wini̱i̱ya̱ winiawai. Tura yamaikia Wisha núnisnak nekasa nuja̱i̱ métek niṉkia sumamtikiawartatjai.

Jrm. 4:31

Warí nuwa̱ iwia̱i̱ri̱n takustaj tusa jateemá najaimiak ará ará ajana núninian antukjai. Nuka Seuna nawantri̱ jakamnia nekapeak uwejé̱n takuí ‘Maj, wisha urukatjak, winia enentái̱rka maṉkartin ainia nuna wainiak jakamnia nekapeawai’ tusa túmawai” tímiayi.

Jrm. 6:23

Tíshimkiuja̱i̱ naṉkin takarainiawai. Peṉké netse waitnenkartichu áiniawai. Tuma ásar nayants nase wajataam uu ajak téter ajana tímiatmainiawai. Kawainium ekemprar chikichik áishmaṉka núnisar mesetnaka aya ajatrámas winitramui Seuna nawantri̱yá.

Jrm. 9:19

Warí Seúnnumia̱ṉka jakamnia nekapeakur kúntuts enentáimsar ju̱sha tí urutmá emeskamuitiajⁱ. Tí urutmá natsanmai̱ awajnakajⁱ. Urukamtai nuṉkasha utsaṉka ikiukiarajⁱ. Ii je̱e̱ncha urukamtai emesturmakarajⁱ tama ántuwawai.

Isk. 38:9

Tura ámeka winiakum, yumi naseja̱i̱ winiana ímianikiam winittiame. Núnismek ashí ame suntarumji̱a̱i̱ núnisaṉ chíkich nuṉkanmaya̱ suntarja̱i̱ iruntrarum winiakum yuraṉkim nuṉká utsanar nukúa nútikiattame túramui Uunt Yus’ titiá” turutmiai.

Tan. 11:40

Tura nuna tsawantri̱ jeamtai nuṉkaani̱a̱ akupin niji̱a̱i̱ mániattsa utsantuattawai. Túram araki̱a̱ akupniúsha káruja̱i̱ tura aents kawainium eketáiniaja̱i̱sha núnisaṉ untsurí uunt kanuja̱i̱ úunt nasea tímiatrus niji̱a̱i̱ mánaiktinian juárkittiawai. Tura nuṉke̱n utsantuawar áma̱a̱ya ánis ashí enetkar naṉkaamarartatui.

Tan. 7:4

Kame emka yajasmaka úunt ya̱wa̱ ániuitiat churuwia nanape̱n nanapruruyi. Tura nuna ii wajái̱ nanape̱nka akaarar nuṉkaya̱ṉka takuiniar aentsua núnis jimiará náwe̱ntin ajasmai. Túrunamtai aentsua núnis enentáimin awajnásmai.

Awa. 1:8

Ni kawairi̱ṉkia yampiṉkia ya̱wa̱ja̱i̱ naṉkaamas kakaram tséken tura kashi yujá rúpu ya̱wa̱ja̱i̱sha naṉkaamas wari áiniawai. Núnisaṉ tí untsurí ásar kawainium ekemniuri̱sha pinchu kuntinian yuattsa nanaki̱ weruiniana tímiatrusar yajaya̱ ti wárik káutkartatui.

Sak. 6:1

Ataksha paṉkái̱ íimiaj tukamán jimiará naint ámanum ajapéni̱ṉ kuatru karu jiiniainian wainkiamjai. Nu naintkia yaṉkú jirunu armai.

Mat. 24:30

Nui̱kia Wi Aents Ajasuka tátiniur paant átatui. Tura ashí nuṉkanmaya̱ aents Wi winiái̱ wáitkiar asuttiámattaji tusar úttiartatui. Wisha ti kakaram tura Yusa winchari̱ji̱a̱i̱ yuraṉminiam winiái̱ wáitkiartatui.Tan. 7:13

Muis. 28:49

Tura Uunt Yus nuṉka náṉkata ímianian churuwia kuntintri̱ wainiak inianna núnis iniantrámpratniun akuptúrmaktatrume. Tura nu nuṉkanmaya̱ aentsu chichame̱sha peṉké anturkashtatrume.

Apu. 1:7

Wats, Krístuka yuraṉmiji̱a̱i̱ winittiawai. Tan. 7:13-14; Mar. 13:26; Ruk. 21:27; 1 Tis. 4:17 Tura íjiuarmia nushaJṉ. 19:34,37 tura ashí shuarsha nuna wáinkiartatui. Túrawar ashí sapijmiainiak úttiartatui.Sak. 12:10-14; Mat. 24:30 Maa, nekas núnis átatui.