Jrm. 4:11 - Yus Papí: Shuarja̱i̱ Yus Yamaram Chicham Najanamu

¹¹ Nu tsawantinkia ju̱ péprunka tura Jerusaréṉnasha chicharainiak “Kampuntin atsunum naint irunainia nuyá̱ nase tsue̱r ii pépruri̱ nawantri̱ pujuinia nuní̱ winiawai. Nusha awa̱jtiur péṉker iwiarkattsaṉka winiatsui tunattawai.

Jrm. 4:11 Iomraidhean Croise

YKan. 11:6

Yusan enentáimtichu ainia nuna jinia kaí̱ri̱n núnisaṉ ji kean tura asuprin nuyá̱ kakaram nase iniantar ashí áeskartatui.

Isa. 41:16

Núnaka nase awajtiur yaruaktatui tura uunt nase tsakiṉmaktatui. Túram ámeka Jiuwái̱ warastatme, warí, Israera Yusri̱ Tunaari̱ncha nu shiir awajsattame.

Jrm. 13:24

Tuma ásarmatai tsakiṉmakartatjai. Puusmach wáinmena nuka Wini̱ya̱ wainme tura wáitian chichainia nu enentáimtakum Wíniaka kajinmátrukniuitme. Tuma asakmin pushirminkia yápimia tímianai takurtiatjame túram natsanmai̱ ajaktatme. Ame tsanirmatairmeka peṉké yajauchiti. ¡Jerusaréṉká anearta! ¿Urutáik Winia enentáimturkumsha imiatkincha ajasmesh pujustam?

Jrm. 14:17

Ame chicharainiakum ‘Káshisha tsawai̱sha iniaitsuk úttiarum. Warí Wi shuar natsa nawantrua núnis ti kakaram awatramu asa ni kuímiari̱sha ti najaimtikiawarmatai yajauch awajsamuiti.

Jrm. 23:19

Uunt Yusa kajetáiri̱ naseya núnis ti kakaram winittiawai. Auka nu nase péper péper ajakí̱ ti kakaram ajas Yusan umircha ainia nuna muuke̱n iniantrartatui.

Jrm. 4:12

Antsu nase nuna naṉkaamas kakaram Wini̱i̱ya̱ winiawai. Tura yamaikia Wisha núnisnak nekasa nuja̱i̱ métek niṉkia sumamtikiawartatjai.

Jrm. 8:19

Pai yamaikia Wi shuara nawantri̱ yajá pujá winiak untsumui. ¿Nuikia Uunt Yuska Seúnnumka pujatsuk? ¿Kame ni úunt akupniuri̱ṉkia nui̱ṉkia atsawak? ¿Urukamtai nakumkamu yusja̱i̱ tura yajaya̱ itiamu ántar áiniana núja̱i̱sha akajtukuram?

Jrm. 9:1

Wi shuara nawantri̱ kaji̱ṉkiáru enentáimtusar káshisha tura tsawai̱sha úttinniasha ¿yaki entsa akaana nútikruat winia muukrui̱sha tura winia nea̱jkirnasha yaki púkuni jiinia nútikruat winia ji̱rui̱sha?

Jrm. 9:7

Tuma asamtai Ashí Akupin Uunt Yus chichaak “Pai yamaikia kuri unuikiar aya kúrik awajsatniua áitkiasan nekapsartatjai. Túrachkuncha Wi shuara nawantri̱ncha ¿warí itiurkatjak?

Ukan. 2:11

Úu útkuan nea̱jkirka kukach ajasmatai kuntuts enentáimkiun jakamnia nekapeajai. Winia péprur ashí emesnaku asamtai ti kúntuts jakamnia nekaajai. Warí, uchisha kuírchich muntsúaku ínianana nusha jáiniak pepru páasarin tepetar ajainiawai.

Ukan. 3:48

Winia pépruru nawantri̱ wáitiainiakui ji̱rui̱ṉkia nea̱jkirka entsa tímianu jiiniainiawai.

Use. 13:15

Kame Eprain Israer shuarja̱i̱ pampaakuisha Úunt Yusai̱ya̱ kampuntin atsú nuṉkanmaya̱ nase tarí ni entsari̱ncha tura púkuniri̱ncha kukach awajtúsartatui. Túrunamtai ni nemasri̱ káutkar ni kuítri̱ncha tura ni wariri̱ncha ashí yarurkartatui.

Use. 13:3

Tuma ásar Eprain shuarka káshik yuraṉkim nuṉká utsanar nuyá̱ sanamák meṉkana tura nase kakaram iniar tsuátan umpuí yarumna nuyá̱ jinia mukuintiuri̱ jíiniana núnis wárik meṉkakartatui.

Awa. 1:11

Túrasha uunt nase naṉkaamana núnisaṉ naṉkaamastatui. Kame ni kakarmari̱n yusri̱ya tímiatrus enentáimta asa niṉki makumartatui” tímiayi Uunt Yus.

Awa. 1:6

Pai, nekaata. Yamaikia Kartíu aentsun akuptúkartatjai. Kame nu aentska tí kajen waitnenkartutsuk maṉkartin áiniawai. Tuma ásar aents matsatainian ataṉkí̱ níniuchunak nérentin ajastai tusar nuṉkan enetak yujainiawai.

Mat. 3:12

Arusa nere̱ja̱i̱ túruinia áintsaṉ átatui. Awa̱jtiutairi̱n achikiuiti tura nuja̱i̱ saepe̱n awa̱jtittiawai. Tura nere̱n péṉker ikiustatui antsu saepe̱nka jinium apeattawai. Nu jisha tuke kaji̱nchaiti.” Tú timiayi Juaṉ.

Ruk. 3:17

Tura shuar arusan awa̱jtia núnisaṉ, nusha yajauch ana nuna ajapa aya péṉkernak júuktatui. Neren ikiustatui tura yajauchinkia ji tuke kaji̱nchatainiam apeattawai” tímiayi.