Jrm. 4:1 - Yus Papí: Shuarja̱i̱ Yus Yamaram Chicham Najanamu

¹ Waketkitin wakerakmeka Wini̱i̱ṉ waketkitia Israerá tawai Uunt Yus. Wi íimmianumash ame mui̱jmiai̱ túrutairam iniaisámka tura náṉkamsam chichaachkumka

Jrm. 4:1 Iomraidhean Croise

Naṉ. 35:2

Tura Jakupka nuna antuk ni shuari̱n tura niji̱a̱i̱ írutra armia nuna chicharainiak “Átum najanamu yus achíakrumna nuka utsaṉtarum túrarum imiatkírtichu ajasrum atumí entsatái̱ri̱ yapaji̱átarum.

2 Akup. 23:24

Núnisaṉ akupkámu chicham najanamu papí áarman Yúsnan pujurin Irkías Uunt Yusa Je̱e̱n aan wainkiamia nuna umíak uwishniuncha jaká wakaní̱n untsuuncha tura nekamniuncha ántsaṉ aents chikichik chikichik ni yusri̱n takaru armia nunasha nuyá̱ najankamu yus ti yajauch ásar mui̱jmiai̱ armia nunasha Jusíaska ashí amukmiayi.

Jrm. 15:19

Tuma asamtai Uunt Yus chichaak “Winí̱ ame wáketkumni̱ṉkia Wisha núnisnak awaiṉkitiajme túram Winí̱i̱ eem wajastatme. Kame yajauchinmaya̱ṉka aya tí shiirmachia nuke akankámka antsu nui̱ṉkia Winia chichampru iniaṉkain átatme. Nekaska ni amiin waketrarti antsu ámeka niṉkia waketrukiaraip.

Jrm. 18:11

Kame yamaikia Jutanam tura Jerusaréṉnum aents pujuiniana nu chicharainiakum Uunt Yus chichaak “Nekaatarum yajauchiji̱a̱i̱ átum wáitsatniun iwiarturan Wi tesarájrume. Tuma asamtai yamaikia aṉkant aṉkant atumí yajauch túrutairi̱ṉkia iniaisarum seertarum tawai tiartá” tímiayi.

Jrm. 24:9

Tura ashí nuṉkanam akupniu nuṉké̱ áiniamunam Wi akuprartatjana nuiṉkia Israer shuar túrunawarma enentáimsar sapijmiatai tura natsan awajtai̱ núnisaṉ métektaku chichamja̱i̱ chichartai̱ áitkiasrik wishiktai̱ nuyá̱ yumiṉtai awajsartatjai.

Jrm. 25:5

Warí Yúsnan etserin chichainiak ‘Atumí netse enentáimtairi̱sha tura yajauch túrutairi̱sha iniaisatarum. Túrakrumka Uunt Yus atumín tura atumí úuntri̱n nuṉkan amasuítrumna nui̱ iniaṉnatsuk tuke matsamsattarme.

Jrm. 3:1

Nuwa̱ ajapamu waketki̱ niniurtukua nu ataksha ní áishri̱ni̱ṉ waketkiti ¿tíminkiait? ¿Nu mátsatkamusha takamtsuk mui̱jmiai̱ ajatsuk? Núnisam ámeka kayá yus tikishmátraitme túmakum nuwa̱ untsurí áishmaṉja̱i̱ tsanirma núnisam tsanirmaitme. Túmayatmekek ¿Amiini̱ṉ waketkittiaj túrutam? túramui Uunt Yus.

Jrm. 3:12

Weme winia chichamur étserkum arakaani̱ íimsam chichaakum ‘Yusan enentáimtichu Israerá Wini̱i̱ṉ waketkitia. Túramka waitnenkartin asamtai Winia kajetái̱rka wáinkiashtatme. Ántsanak kajeknásha túkeka pujuschattajai.

Jrm. 3:14

Uunt Yus chichaak “Umichu uchi kajentírmesha Wikia atumí Uuntri̱ asamtai Wini̱i̱ṉ waketratarum tawai Uunt Yus. Kame péprunmaya̱ṉka chikichkiniak tura nuamtak shuarnumia̱nka jímiarchiniak júkiaran Seúnnum itiartatjai.

Jrm. 3:22

Ántichu kajen uchí Wini̱i̱n waketratarum. Túrawakrumni̱ṉkia kajen ántichuitrumna nuya̱ṉka péṉker awajsattajrume. Pai, yamaikia Ámeka Uunt Yus ii Yusri̱ asakmin Aminí̱ wininiaji.

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 36:3

Jutá shuarnaka ashí Wi yajauch awajsartaj nuna antuk nekaawar ni yajauch wekatai̱ ikiukchartimpiash. Núja̱i̱ṉkia ni yajauch túrutairi̱n tura ni tunaari̱n tsaṉkuraraintjiai.”

Jrm. 4:4

Uunt Yusai̱ tsupirnaktarum. Aentsu aya̱shi̱ tsupirnaktinia ántsarum Jutanmaya̱ shuartirmesha tura Jerusaréṉnum matsatutirmesha atumí enentái̱n tsupirnaktarum. Túrachkurmiṉkia átum yajauch túramunam Winia kajetair jiya núnin jiinkí̱ atumín ekemátmakairum. Túrunamtaikia yaaksha nuna ikiajniáktinkia atsuinti” tíniuiti. Rum. 2:28-29

Jrm. 7:3

Kame Ashí Akupin Uunt Yus Israer shuara Yusri̱ jú̱nis tawai. Atumí enentái̱n iwiarnartarum tura atumí túrutairi̱sha eseeratarum. Túrakrumni̱ṉkia nuiṉ pujustinian tsaṉkatkattajrume.

Jrm. 7:5

Warí atumí enentái̱n iwiarnarum tura atumí túrutairi̱sha eseerarum nekas enentáiji̱a̱i̱ iniaisarum nuamtak áentsja̱i̱sha nekasa nuja̱i̱ métek túrakrum

Jrm. 7:7

ju̱ nuṉkan atumí úuntri̱n yáunchuk tuke susamiaj nui̱ṉ atumniaka apujsattajrume.

Isk. 18:13

tura patasam awaṉturkimnium tusa kuítian ikiamniusha tura pátasrik awaṉtamsha achinia nu uchisha ¿iwiaaku pujustatuak? Atsá, iwiaaku pujuschattawai. Kame, nu mui̱jmiai̱ áiniana nuna ashí tura asa tí nekas jákatniukete. Warí ímia niṉki makumaruiti.

Isk. 43:9

Tura yamaikia ni najankamu yusri̱ ni akupniúri̱ji̱a̱i̱ métek jákaru ainia nuja̱i̱ tsanirmatairi̱ncha iniaisarti. Túrawarmatai Wikia niin tuke pujursartatjai.

Use. 14:1

¡Maa Israerá, atumí Yusri̱ Úunt Yusai̱ni̱ṉ waketkitiarum! Warí atumí tunaari̱ji̱a̱i̱ṉ ti yajauch ajasurme.

Use. 2:2

“Atumí nukurí̱ súmamtikiakrumka sumamtikiatarum. Warí yamaikia winia nuá̱rchaiti tura wisha ni áishri̱sh áishri̱nchuitjiai. Tura tsanirmatainkia iniaisati tura tsaniri̱n netsepnum awaṉ tsanirmatainkia iniaisati.

Juir 2:12

Tuma asamtai Uunt Yus chichaak “Yamaikia atumí nekas kúntuts enentái̱ji̱a̱i̱ ijiarma útrum Winí̱ waketkitiarum” tawai.

Sak. 1:4

Atumí we̱a̱trí̱ya̱ núnin áirap. Yaunchu Winia chichamprun etserin armia nu atumí we̱a̱tri̱n etserkar Ashí Akupin Uunt Yus jú̱nis tawai. ‘Atumí yajauch enentáimtairi̱ tura yajauch túrutairmesha iniaisatarum’ tuíniamaitiatan nékachu ajasár peṉké anturtukcharmiayi.

Muis. 27:15

‘Yaaksha imintrar najanamu yusan nuíchuka ántar yus numiji̱a̱i̱ nakumkar aents najanamua nuna Uunt Yus muí̱jiamun u̱u̱k takakuka yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.

Muis. 4:30

Nuyá̱ ukunam ashí ju̱na tájarmena nu wáinkiuram tura ti waitsa pujakrum atumí Uunt Yusri̱ enentáimtustatrume. Túrakrum ni chichame̱ umirkattarme.

Jus. 24:14

Nekas enentáiji̱a̱i̱ ashamakrum Úunt Yusai̱ya̱ kanatsuk nekas umirkatarum. Atumí we̱a̱tri̱ Ejiptunmasha tura Yúpratis entsa pakarí̱ncha matsamsar najankamu yusan tikishmátin armia nuka iniaisarum Uunt Yus nekas enentáimtustarum.

Suma. 10:16

Nuna tiar Israer shuarka chíkich yusan enentáimtiarmia núnaka utsaṉkar Uunt Yusan enentáimtusarmiayi. Túrawarmatai Uunt Yus Israer shuaran wáitiamuri̱n peṉké katsuntrachmin nekapeak ataksha waitnentar yáiṉkiarmiayi.

1 Sam. 7:3

Tuma asamtai Samuirsha ashí Israer shuaran chicharainiak “Atumsha nekas enentáiji̱a̱i̱ Yusai̱ weankurmeka najankamu yus chíkich nuṉkanmaya̱ enentáimtutai̱ ainia nu tura Astarte ainia nusha ajapa iniaisatnuitrume. Nuyá̱ atumí enentái̱ Uunt Yusai̱ iwiararum Niṉki umirkarum surumaktarum. Túrakrumni̱ṉkia atumí nemasri̱ Jiristíu aentsui̱ya̱ uwemtikramprattarme” tímiayi.