Jrm. 39:9 - Yus Papí: Shuarja̱i̱ Yus Yamaram Chicham Najanamu

⁹ Tura aents juákaru péprunam matsamia nunasha núnisaṉ aents pisakár nin naṉkaamararmia nunasha jintiá iin armia nuna kapitiántri̱ Napusaratánka achirar Papirúnianam yaruakarmiayi. Nuna tura péprunam aents juákarunka achirar Papirúnianam ashí yaruakarmiayi.

Jrm. 39:9 Iomraidhean Croise

Naṉ. 37:36

Túrasha Matiannumia̱ aents, Jusen Ejiptunam ejeniar Putipiárai̱ surukarmiayi. Putipiársha Ejiptunam akupin Parauṉkan yáintri̱yayi. Núnisaṉ Parauṉka wáinin suntara úuntri̱yayi.

2 Akup. 20:18

Tura núnisaṉ ame shuarumin Papirúnianam ni yarummanka yaruakartatui. Túrawar uchin yajutmachu awajsar peṉkeri̱nkia júrar Papirúnianmaya̱ akupniu takarniúri̱ awajsártatui’” tímiayi.

2 Akup. 25:11

Nuna tura Papirúnianam yarumainiak péprunam juákaru matsamármia nunasha tura niṉki sumamawarmia nunasha núnisaṉ arantaani̱ pujuarmia nunasha irurar úunt akupniu wainniu kapitiántri̱ Napusaratán wáketuk yaruakarmiayi.

Jrm. 10:18

Warí Uunt Yus tíniuiti. Nekaata, ju̱ nuṉkanam matsatainia nú shuarnaka achirma árat tusan yamaikia kaya eṉkear naṉkimtainiam urukniuit nútikiawaran natsa̱a̱rarat tusan wáitkiasartatjai.

Jrm. 16:13

Tuma asakrumin ju̱ nuṉkanmaya̱ṉka jí̱i̱rtatjarme. Túran atumsha tura atumí úuntri̱sha nékashtai̱ nuṉkanam ajapan iniaisattajrume. Nuiṉkia chíkich yus ainia nu tsawai̱sha tura káshisha tikishmátiattrume. Nuiṉkia Wikia peṉké waitnentrashtatjarme.

Jrm. 24:8

Uunt Yus chichaak Jutanmaya̱ úunt akupin Setekíasnaka núnisaṉ úuntri̱ncha tura Jerusaréṉnumia̱ juákaru ju̱ nuṉkanam ikiukiarma áiniana ántsaṉ Ejiptu nuṉkanam pujuinia nunasha ikiu yajauch tí yajauch yúachmin ásarmatai muí̱jkiartatjana nútiksaran yajauch awajsartatjai.

Jrm. 38:19

Tutai akupin Setekías Jirimíasan chicharuk “Jutá shuar Kartíu aentsri̱n pachintraru ainia nu ti wáitkiarsachartatuak tusan sapijmiajai” tímiayi.

Jrm. 40:1

Kame úunt akupniu wainniu kapitiántri̱ Napusaratán aentsun Jerusaréṉnumia̱n tura Jutanmaya̱ncha achir Papirúnianam yarumuk Ramanmaya̱ akuprámia nui̱ Jirimíaska jiruja̱i̱ jiṉkiamu pujan Uunt Yusa chichame̱ tarimiayi.

Jrm. 40:7

Tura ashí suntara uuntri̱ péprunam ayamach pujuarmia nusha núnisaṉ suntarí̱sha Papirúnianmaya̱ úunt akupniuka áishmaṉnasha nuwa̱ncha tura uchincha núnisaṉ peṉké kuítrincha Papirúnianam yaruakcharma juákaru matsatainiam wáinkiarat tusa Ajikma uchirí̱ Jetaríasan nuṉka uuntri̱ awajás ikiukniuiti táman antukarmiayi.

Jrm. 52:26

Nuya̱ṉka úunt akupniu wainniu uuntri̱ Napusaratánka nu aentsun achir Papirúnianmaya̱ úunt akupin pujamunam Rípranam júkiarmiayi.

Jrm. 52:27

Tura Amat nuṉkanam Rípranam Papirúnianmaya̱ úunt akupin íjiuar máwarmiayi. Túrawar Jutanka achirar ni nuṉke̱ya̱ yajá júkiarmiayi.

Tan. 2:14

Tuma asamtai Taniarsha Papirúnianmaya̱ neka ainia nu maatá tusar akupniu suntari̱ uuntri̱ Ariuk akupkámuya̱ nuna péṉker enentáimtur áujsamiayi.

Riw. 26:33

Atumniaka ashí nuṉkanam tsakiṉmaktatjarme. Túram Winia puya̱run atumín ukuitkiattajrume. Nuya̱ṉka atumí nuṉke̱nka aya jú̱nik ajasármatai atumí pépruri̱ṉkia ashí itiarak ajasártatui.

Muis. 4:27

Nuyá̱ Uunt Yus tsakiṉmamtikramkakrumin ashí nuṉkanam wétatrume. Túrunarum ishichik juákrum Uunt Yus tui̱ apujtamsattarum nui̱ pujustatrume.