Jrm. 39:8 - Yus Papí: Shuarja̱i̱ Yus Yamaram Chicham Najanamu

⁸ Tura Kartíu aents armia nu úunt akupniu je̱e̱n ekemátkarmiayi tura péprunam je̱a̱ iruniarmia núnaka tura núnisaṉ Jerusaréṉka tanishri̱ncha sá̱a̱kiarmiayi.

Jrm. 39:8 Iomraidhean Croise

2 Akup. 25:8

Tura úunt akupin Napukutunusúrka tiasinuíwi uwí Papirúnianmaya̱ akupin ajas pujái̱ seṉku nantu tsawantka siátitin úunt akupniu wáinin suntara uuntri̱ Napusaratán úunt akupniu yaintri̱ Jerusaréṉnum támiayi.

Neem. 1:3

Tutai achirar yaruakma juákaru ni nuṉke̱n waketrarua nuka tí waitkiasma wishiktai̱ pujuiniawai. Tura Jerusaréṉka wenuke̱sha sá̱a̱rmaiti núnisaṉ wáitiri̱sha áestukmaiti” tu ujatkarmai.

YKan. 79:7

Warí ni áiniawai Jakupa shuari̱nkia amukar ni pépruri̱ncha emestukar aya jú̱nik awajsaruiti.

Isa. 5:9

Uunt Yus nekas túrattajai tusa winia chichartak “Uunt je̱a̱sha péṉker iwiarkamu áiniayataṉ pujuschamu ártatui. Tura uunt aja ajamprumsha nuyá̱ núkap arakmarmesha peṉké ishichik juurmattarme.

Jrm. 21:10

Warí Uunt Yus chichaak ‘Ju̱ pépruka péṉker túrawarti tátsujai antsu yajauch túrawarat tusan kajerkarjai. Tuma asamtai Papirúnianmaya̱ úunt akupin ekemakti tusan íktusjai.’

Jrm. 32:29

“Tura Papirúnianmaya̱ aents Jerusaréṉkan mesetan juruinia nuka nui̱ utsantuawar je̱a̱ taṉkiri̱n Páaran tura chíkich najankamu yusan wíniuja̱i̱ ukatrar núnisaṉ kuṉkuinian áestuiniak Winia kajetáirun e̱a̱karma núurtiuk jiji̱a̱i̱ áeskartatui.

Jrm. 34:2

“Wi Uunt Yus Israera Yusri̱ asan akupeajme. Setekías Jutanmaya̱ úunt akupin werim ujakum ‘Uunt Yus jú̱nis túramui timi ikiuta. Nekaata Wi ju̱ péprun ekemakat tusan Papirúnianmaya̱ úunt akupniui̱ íktusan iniaiyajai.

Jrm. 34:22

Pai, yamaikia mesetan iniaisarma nu suntarnaka ju̱ péprunam wi atak taartí tusan akupkáttajai. Tura mánaikiar utsantua jiji̱a̱i̱ ekemákartatui. Tura Jutá nuṉkanmaya̱ pepru írunna nuna emeskan pujuschamnia awajsartatjai.’ Wi Uunt Yus asan tajai” tímiayi.

Jrm. 37:10

Wats átum Kartíu aentsri̱ ashí nupetkarmesha tura mesetnum ni suntari̱ aya ishichik juákarua nuka nuap je̱e̱n ashí akaṉma ajasárusha aṉkant aṉkant ni je̱e̱ya̱ jíintrar jú̱ peprunka ekemákarainti” tímiayi.

Jrm. 38:18

Antsu Papirúnianmaya̱ akupniu suntari̱n surumachkumni̱ṉkia ju̱ pépruka Kartíu aentsri̱n surukma átatui. Tura ekemákartatui. Nuyá̱ amesha níya̱ṉka peṉké uwemprashtatme’” tímiayi.

Jrm. 5:10

Átumka uwa arakma áiniana nu warukrum emeskatarum. Túrasha ashikia amukairap. Kame Úunt Yusnachu ásarmatai aya kánaweṉ asantratarum.

Jrm. 7:20

Tuma asa Uunt Yus chichaak “Nekaatarum jú̱ nuṉkanam aentsnumash yajasmanumash tura ashí numi kampunniunam tura ashí yuraṉ írunna nui̱sha Winia kajetáirun tura Wi suir kaje̱ntkamurun ukartatjai. Tura keekka peṉké kajinkiashtatui” tawai.

Ukan. 1:10

Tura nemassha Ame Je̱e̱min ashí shíirmach írunna nuna kasamak yaruakarai. Tura Winia Shiir Awajtai̱ Je̱a̱rui̱ waya̱charti Ame tímiam nui̱ uunt mátsatkamunmaya̱ ainia wáinian Jerusaréṉsha wainkiayi.

Ukan. 2:2

Jiuwá ni kajekmari̱ji̱a̱i̱ tsaṉkurtsuk Jakupa nuap je̱e̱nka ashí emestukmai. Jutá nawantri̱n wenukri̱n sá̱a̱rar nuṉká utsaṉtamiayi. Tura akupeamuri̱nkia uchirí̱miak kakarmachu awajsarmiayi.

Ukan. 2:7

Uuntka aestutairi̱ncha nakitramiayi Ni Shiir Awajtai̱ Je̱a̱ncha muí̱jkiamiayi. Tura úunt akupin pujutai̱ je̱a̱runcha a̱a̱ya̱ tanishri̱nkia ni nemasri̱n íiktus iniaisarmiayi. Tura nampertin urukin ainia núnisar Jiuwá je̱e̱ncha charaatum ajarmiayi.

Ams. 2:5

Tuma asamtai Jutanka jiji̱a̱i̱ akupniu je̱e̱ Jerusaréṉnum ainia nunasha ekemátrartatjai”.