Jrm. 39:4 - Yus Papí: Shuarja̱i̱ Yus Yamaram Chicham Najanamu

⁴ Setekías Jutanmaya̱ úunt akupniu wáinkiar áishmaṉ mesetnum mánin armia nuka péprunmaya̱ pisarar kashi jíintrarmiayi úunt akupniu ajari̱ jintia wéamunmaani̱ jimiará tanish waiti Arapá jintianmaani̱ wéarmiayi.

Jrm. 39:4 Iomraidhean Croise

Isa. 29:2

Túrasha Ariernaka Wi wáitkiastatjai. Tura wáitiakur uttai̱ pepru awajsattajai. Nuiṉkia nisha Wí íismaka nekas Arier ajastatui.

Jrm. 32:4

Núnisaṉ Jutanmaya̱ úunt akupin Setekíaska Kartíu aentsai̱ya̱ṉka peṉké uwemprashtatui antsu tí nekas achikiar Papirúnianmaya̱ úunt akupniui̱ surukartatui. Túram niji̱a̱i̱ métek iniaisar chichasártatui.

Jrm. 32:5

Tura Setekíaska achikiar jukimiu Winia chichamur umiimiam wáitkiasma Papirúnianam pujustatui. Wi Uunt Yus asan núnaka tájame. Tura Kartíu aentsja̱i̱ mániakrumsha péṉker jintiurmakchattarme’ tuusha etseram?” tímiayi.

Isk. 12:12

Tura úuntri̱nkia ni waririṉ entsakí̱ tanishnum wa̱a̱ najanamua nuní̱ nuṉkan wáinki̱a̱i̱j tusa yapin nukuk jiinkittiawai. Túrasha Yusai̱ya̱ṉka uwemprashtatui antsu achikiar Papirúnianam jukimiu átatui. Túrasha nú nuṉkanka wáintsuk nuiṉ jakattawai. Kame ni yáintri̱sha tura ashí ni suntarí̱sha tsakiṉmakar puya̱ja̱i̱ apapékma ártatui. Túrasha tui̱ jeawartata nui̱sha ni mui̱jmiai̱ túrawarman etserkarat tusan ishichik aentsun uwemtikrartatjai. Nuya̱ṉka Wikia Úunt Yusaitiaj nuna nekaawartatui.

Isk. 12:4

Kame tsawái̱ ashí aents iimiainiamunam achikiar chíkich nuṉkanam júamua núnikiam ame achíakmena nu jukim jiinkitia. Tura yajá nuṉkanam achikia júamua núnikiam kí̱arai̱ ashí aents iimiainiamunam wetá.

Riw. 26:17

Wisha nuya̱ṉka atumniaka kajerkattajrume túrunawakrumni̱ṉkia atumí nemasri̱sha nupettamkattarme. Átum muí̱jiarmena nuke atumí uuntri̱ ajasártai túrasha átumka apapéachmatiatrumek ántrarum pisattarme.

Riw. 26:36

Atumíya̱ iwiaaku juákaru ni nemasri̱ nuṉke̱n pujuartatna nui̱ṉkia ní enentáinkia tí sapij awajsaram nuka iniak sa̱i̱rit ajak nuke ipisiártatui. Túmakrum maattsa apapéamua tímianu tsékeakrum apapéachmaitiatrumek atumek iniartatrume.

Ams. 2:14

Tura wárik wekainiaitiataṉ pisarchattawai ántsaṉ kakarmancha ni kakarmari̱ṉkia yáiṉchattawai. Núnisaṉ ti kakarmasha ni iwiaakmari̱ uwemtikrashtatui.

Muis. 28:25

Uunt Yus tsaṉkampramkakrumin atumí nemasri̱ nupettamkattarme. Tura iruntrarum ashinkiayatrum nini̱ya̱ṉka tsakiṉmakarum pisaktatrume. Núnisrumek ashí nuṉkanmaya̱ aents yajauch iisma átatrume.