Jrm. 39:3 - Yus Papí: Shuarja̱i̱ Yus Yamaram Chicham Najanamu

³ Tura Papirúnianmaya̱ úunt akupniu uuntri̱ armia nu ashí utsantuawarmiayi túrawar waiti ajapéri̱n pujursarmiayi. Nerkarsaresér, Samkarnépu, Rapsaris Sarsekím, Rapmak Nerkarsaresér tura nuyá̱ Papirúnianmaya̱ úunt akupniu uuntri̱ ashí armia nui̱m ármiayi.

Jrm. 39:3 Iomraidhean Croise

2 Akup. 17:30

Nuyá̱ Papirúnianmaya̱ aentska Sukutpiniútan tura Kutanmaya̱ṉka Nirkaran nuyá̱ Amatnumia̱ṉka Aseman nakumkar najankarmiayi.

Jrm. 1:15

Tura wi Uunt Yus asan araki̱a̱ akupin ainia nuna ashí untsukartatjai. Nu akupniúsha káunkar Jerusaréṉka wáitiri̱n núnisaṉ wenuke̱ kayaja̱i̱ téntakma ainia nui̱ nuyá̱ Jutanam pepru ainia nui̱sha ni akupkur pujutái̱rtiuk ashí matsamtúkartatui.

Jrm. 21:4

‘Israera Yusri̱ Uunt Yus jú̱nis tawai “Mesetnum mánitiai takakrumna nunak atumniak Wi ipijmiamtikiatajrume. Papirúnianmaya̱ úunt akupniuja̱i̱ mániarmena núnaka Kartíu aentsnasha tanishnum a̱a̱ áreṉka matsatrumna nui̱ Wi jú̱ pepru ajapéri̱n irurtatjai.

Jrm. 38:17

Nuiṉkia Jirimías Setekíasan chicharuk “Ashí Akupin Uunt Yus Israer shuara Yusri̱ya nu chichaak ‘Papirúnianmaya̱ akupniu suntari̱n yamaichik surumakmeka iwiaaku átatme tura péprusha áesnashtatui. Nuiṉkia amesha tura ame shuarumsha iwiaaku pujustatrume.

Jrm. 39:13

Nuya̱ṉka jintiá iinia kapitiántri̱ Napusaratán tura Rapsaris Napusaspánja̱i̱ núnisaṉ Rapmak Nerkarsaresérja̱i̱ nuyá̱ Papirúnianam chíkich uuntri̱ armia nuja̱i̱ ashí iruntrar akupkarmiayi.