Jrm. 39:2 - Yus Papí: Shuarja̱i̱ Yus Yamaram Chicham Najanamu

² Tura Setekías úunt akupin ajas aunse uwí pujái̱ tura nántuka kuatru ámanum tura nantu nuiwi tsawant ajasu ai̱ pepru tanishri̱n sá̱a̱rkiar chiṉkiawarmiayi.

Jrm. 39:2 Iomraidhean Croise

Jrm. 1:3

Núnisaṉ Jusíasa uchirí̱ Juasim Jutanam akupin ajas pujumia nui̱sha tura Jusíasa uchirí̱ Setekías Jutanam akupin ajas aunse uwí pujamunam nu uwí amúamunam nántuka séṉkutin Jerusaréṉnumia̱ aentsun achirar yajá yaruakarmia tímianaisha Yusa chichame̱ Jirimíasan tarimiayi.

Jrm. 32:1

Kame úunt akupin Setekías tias uwí akupin ajas Jutanam pujái̱ Uunt Yus Jirimíasja̱i̱ chichasmiayi. Antsu úunt akupin Napukutunusúrka tiasiúchu uwí akupin ajas pujamunam nuka túrunamiayi.

Jrm. 34:22

Pai, yamaikia mesetan iniaisarma nu suntarnaka ju̱ péprunam wi atak taartí tusan akupkáttajai. Tura mánaikiar utsantua jiji̱a̱i̱ ekemákartatui. Tura Jutá nuṉkanmaya̱ pepru írunna nuna emeskan pujuschamnia awajsartatjai.’ Wi Uunt Yus asan tajai” tímiayi.

Jrm. 37:8

Nuyá̱ Kartíu aentska ju̱ pépruja̱i̱ mánaiktiaj tusa waketrartatui tura utsantua ekemákartatui’ titiá.

Jrm. 5:10

Átumka uwa arakma áiniana nu warukrum emeskatarum. Túrasha ashikia amukairap. Kame Úunt Yusnachu ásarmatai aya kánaweṉ asantratarum.

Isk. 5:2

Tura péprun téntakar matsamtúkar umíamu tsawantinkia intiash menaint akantrámua nu chikichik akankámu achikiam pepru ajapéri̱n áesata. Nuyá̱ chíkich akankámuka puya̱ja̱i̱ awatkim pepru a̱a̱ri̱ téntakta. Tura chíkich akankámuka nasenam naṉkimiam tsakiṉmakta. Túrawakmin nuna úkuri̱ṉ puya̱ja̱i̱ iwiarnatrattajai.

Sup. 1:10

Tura Jiuwá chichaak “Nu tsawantin Namaka Wá̱i̱ti̱a̱i̱ri̱ya̱ nuní̱ wáitiakur untsumma átatui. Tura chíkich wá̱i̱ti̱a̱i̱nmaṉka yajasma najaimiak uutua núnin antuittiawai. Tura naint tépepra nui̱ṉkia ti wáitiamu átatui.

Sak. 8:19

“Jutá shuartiram nantu kuátrutin tura séṉkutin nuyá̱ siátitincha núnisaṉ tiástincha ijiarmáitrumna nuka ti shiir enentáimkiuram warasrum nampermatai ajatrámsattarme. Tuma asarum nekasa nu tura itit awajsachma pujustin aneatarum.