Jrm. 39:16 - Yus Papí: Shuarja̱i̱ Yus Yamaram Chicham Najanamu

¹⁶ “Wetá túram Itiupíanmaya̱ Ewitmirík chichasta ‘tura Ashí Akupin Uunt Yus Israera Yusri̱ jú̱nis túramui titiá. “Nekaata Winia chichamprun umíajai ju̱ pepru yajauchiji̱a̱i̱ tura nu tsawantini̱ṉ ame pujamunam uminkiattawai.

Jrm. 39:16 Iomraidhean Croise

YKan. 92:11

Tura winia jí̱ruka winia nemasrun núpetman íistatui. Winia kuíshruka yajauchin túrin charaatum ajainiamun anturkattui.

Jrm. 26:15

Túrasha ju̱ péṉker nekaatarum. Winia mántakrumka atumíin tura ju̱ péprunmasha núnisaṉ aents ju̱i̱ matsatainia nui̱sha umitmákcha numpé peṉké antra ukartatrume. Warí wi étserma atumsha ¿atumí kuishiji̱a̱i̱ṉ antukcharmek? Núnaka tu etserkata tusa Uunt Yus nekas akuptúkuiti” Jirimías tímiayi.

Jrm. 26:18

“Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12

Jrm. 26:20

Túrasha Kiriat Jearímnumia̱ áishmaṉ Semayása uchirí̱ Urías Uunt Yusa náari̱n pachis etsermiayi. Tura ju̱ nuṉka tura ju̱ pepru ukunam túrunattana nuna Jirimíasja̱i̱ métek etsermiayi.

Jrm. 34:22

Pai, yamaikia mesetan iniaisarma nu suntarnaka ju̱ péprunam wi atak taartí tusan akupkáttajai. Tura mánaikiar utsantua jiji̱a̱i̱ ekemákartatui. Tura Jutá nuṉkanmaya̱ pepru írunna nuna emeskan pujuschamnia awajsartatjai.’ Wi Uunt Yus asan tajai” tímiayi.

Jrm. 35:17

Tuma asamtai Ashí Akupin Uunt Yus Israera Yusri̱ jú̱nis tawai. Jutancha tura Jerusaréṉnum matsatainia nú aentsnaka ashí ni yajauchiri̱n wáitkiasartatjai tusan ujakáruitjiai. Núja̱i̱sha anturtukcharmai. Untsukarmajai túramaitiat ái̱rkacharmai” tímiayi.

Jrm. 36:31

Ni yajauchiri̱ni̱ṉ ni takarniúri̱ncha ni shuari̱ncha tura nincha asutiáttajai. Nincha tura Jerusaréṉnum matsatainia nunasha núnisaṉ Jutanmaya̱ aentsnasha wáitsatniun akuptúkartatjai. Kame timiaj núnaka anturtukcharu ásarmatai nuka túrunattawai”’” Uunt Yus tímiayi.

Jrm. 40:3

Tuma asa Uunt Yusak jú̱tikiayi. Tura ni chichame̱nka ashí umikiai. Warí átumka tunáa túrakrum ni chichame̱nka peṉké anturkachuitrume. Tuma asarum átumka jú̱nikiurme.

Jrm. 44:27

‘Ju̱sha nekaata. Kame niṉkia Wi wainiainiajai túrasha péṉker árat tusancha antsu emeskartajtsan. Jutanmaya̱ shuar Ejiptunam ashí matsatáinia nuka chikichkisha juáka̱i̱ṉ tusar mesetja̱i̱ tura tsukaja̱i̱ amú amú awajnásartatui.

Jrm. 5:14

Tuma asamtai Ashí Akupin Uunt Yus chichaak “Tu chichaku asakmin yamaikia ju̱yá̱ núnisaṉ Winia chichamprun ame wene̱mín ikiuajai. Ju̱ aents nakashua ánin átatui tura ji ju̱ aentsun amuktatui” tawai.

Tan. 9:12

Warí, yaunchu ii akuptámin uuntri̱ armia nunasha nuyá̱ iincha turammiaj núnaka nekas umiktatjai tíniuiti. Tuma asa ti yajauch awajtámkaji. Kame Jerusaréṉ túrunania timianú yajauchikia yáunchusha ju̱ nuṉkanmaṉka túrunachuiti.

Sak. 1:6

Túrasha Winia chichamprun tura akupkámurun Wíniana nuna etserniurja̱i̱ jintíamajna núnaka ¿atumí we̱a̱trí̱ṉkia antukcharmakia? Tuma ásar ataksha enentáimprar chichainiak ‘Ashí Akupin Uunt Yus ii túramuja̱i̱ tura wekasamuja̱i̱ métek asutiámji’” tiármiayi.

Mat. 24:35

Nuṉkasha nayaimpisha amuukartatui antsu winia chichamur amuukashtatui.