Jrm. 34:3 - Yus Papí: Shuarja̱i̱ Yus Yamaram Chicham Najanamu

³ Ámeka ni uwejé̱ya̱ṉka ú̱mkashtatme antsu ti nekas achintkiattame túrutma ni uwejé̱n súamuitme tura ame jí̱miji̱a̱i̱ Papirúnianmaya̱ úunt akupniu ji̱ wainkiattame tura yapí̱a áujtamsattawai nuyá̱ Papirúnianam waya̱ttame’ titiá.

Jrm. 34:3 Iomraidhean Croise

Jrm. 21:7

Uunt Yus chichaak “Nuyá̱ Jutanmaya̱ úunt akupin Setekíasnaka Papirúnianmaya̱ úunt akupin Napukutunusúra uwejé̱n íktusan iniaisattajai. Nuyá̱ takarniúrtiuk aentsush suṉkursha mesetcha tura tsuka amuumam péprunam juákarma núnaka ni nemasri̱ mátaj tusa e̱a̱inia nuna uwejé̱n íktusan iniaisartatjai. Túramtai puya̱ja̱i̱ máwartatui tura waitnentratniuka peṉké atsuttawai” titiá.’

Jrm. 27:22

‘Yusa Je̱e̱n takakmatai ainia nu Papirúnianam yaruakma ártatui. Tura Wi íistaj tusan wétataj nú tsawant jeatsa̱i̱ṉ nui̱ṉ pujusártatui. Tura nu tsawant jeamtai mash ikiankan awakeartatjai’ tawai Uunt Yus” tímiayi Jirimías.

Jrm. 32:28

Tuma asa Uunt Yus chichaak “Yamaikia ju̱ nuṉkanka Papirúnianmaya̱ akupin Napukutunusúr Kartíu aents mesetja̱i̱ amukarti tusan tsaṉkatkattajai. Túram nérentin ajasártatui” tíniuiti.

Jrm. 32:3

Warí, Jutanmaya̱ úunt akupin Setekías Jirimíasnaka achik chichaak “¿Urukamtai chichaakum ‘Uunt Yus tawai yamaikia nekaata, jú̱ peprunka Papirúnianmaya̱ úunt akupniu uwejé̱n íktusan iniaiyajai. Túram ata̱i̱ttiawai.

Jrm. 32:4

Núnisaṉ Jutanmaya̱ úunt akupin Setekíaska Kartíu aentsai̱ya̱ṉka peṉké uwemprashtatui antsu tí nekas achikiar Papirúnianmaya̱ úunt akupniui̱ surukartatui. Túram niji̱a̱i̱ métek iniaisar chichasártatui.

Jrm. 34:21

Tura Jutá shuara akupniúri̱n Setekíasnaka ashí suntari̱miak núnisaṉ maṉkartin ainia nunasha ni nemasrí̱i̱n íktusartatjai. Núnisan Papirúnianmaya̱ akupniu suntarí̱i̱n mesetan iniaisarmia nui̱ surukartatjai.

Jrm. 34:4

Túmaitiat Setekíasa ámeka Jutanmaya̱ úunt akupniu ju̱ ashí antukta. Warí Uunt Yus jú̱nis túramui ‘Mesetnumka jákashtatme.

Jrm. 37:17

Nuyá̱ úunt akupin Setekías Jirimíasan sepunmaya̱ ji̱i̱ktiarum tusa akupkámiayi. Túramtai ni je̱e̱n Jirimíasan itiamtai u̱u̱k inintrak chicharuk “¿Uunt Yusa chichame̱ áwak?” tutai Jirimías aya̱k “Ee awai” tímiayi. Tura tuke chichaki̱ weak “Papirúnianmaya̱ úunt akupniu uwejé̱e̱n íktuan iniaisattajme” tímiayi.

Jrm. 38:18

Antsu Papirúnianmaya̱ akupniu suntari̱n surumachkumni̱ṉkia ju̱ pépruka Kartíu aentsri̱n surukma átatui. Tura ekemákartatui. Nuyá̱ amesha níya̱ṉka peṉké uwemprashtatme’” tímiayi.

Jrm. 38:23

Tura ashí ame nuwemsha uchirmesha Kartíu aentsnum surunkartatui. Amesha Papirúnianmaya̱ akupniúri̱ya̱ṉka pisarchattame antsu achikma átatme. Núnisaṉ jú̱ pepruka áesamu átatui’ tawai Yus” Jirimías tímiayi.

Isk. 17:16

Atsá, nuka peṉké túrunashtatui. Antsu úunt akupin awajsámiania tura nekas umiktatjai tímiancha nakitiar núnisaṉ chícham najanamuncha iniaisámiania nu péprunmaṉ Papirúnianam jakattawai tawai Uunt Yus. Ejiptunmaya̱ Parauṉsha timiá untsurí suntari̱nniuitiat úunt akupin nu aentsun asutiáttsa winiakuiṉkia yáiṉtinian tujintkiattawai. Warí Uunt Yus chichaak ‘Winia nekarja̱i̱ áreṉkartatjai tura Papirúnianam ikiankan Winia muí̱jrukar nakitruru ásarmatai sumamtikiawartatjai’ titiá” tímiayi.

Isk. 21:25

Tura Israernumia̱ akupniu, netse asam Yusna nú yajauch awajin asakmin Israera amuukatin tsawantri̱ jeakui ame asutniátniusha ímiatmam jeartámtatui.