Jrm. 34:1 - Yus Papí: Shuarja̱i̱ Yus Yamaram Chicham Najanamu

¹ Napukutunusúr Papirúnianmaya̱ úunt akupin ashí ni suntari̱ji̱a̱i̱ tura ashí nuṉka Napukutunusúran umirin armia nuja̱i̱ tura nu arantcha ashí niisháa niisháa mátsatkamunmaya̱ aents Jerusaréṉkan núnisaṉ pepru ayatka téntak matsamármia nu mánit wéarmiayi. Nuya̱ṉka Uunt Yusa chichame̱ Jirimíasan tarimiayi.

Jrm. 34:1 Iomraidhean Croise

Jrm. 1:15

Tura wi Uunt Yus asan araki̱a̱ akupin ainia nuna ashí untsukartatjai. Nu akupniúsha káunkar Jerusaréṉka wáitiri̱n núnisaṉ wenuke̱ kayaja̱i̱ téntakma ainia nui̱ nuyá̱ Jutanam pepru ainia nui̱sha ni akupkur pujutái̱rtiuk ashí matsamtúkartatui.

Jrm. 21:2

“Papirúnianmaya̱ úunt akupin Napukutunusúr mesetan iin najatramji. Nu waitneasam iin Uunt Yusai̱ chichamkartukchaintmeash. Kame Uunt Yus aents túrachminian yaunchu ashí túramia núnisaṉ yamaisha iincha túrutmawaintiajtí. Nuna túramtai ii nemasri̱ṉkia iinia̱ṉka kanakiárainti” tímiayi.

Jrm. 32:1

Kame úunt akupin Setekías tias uwí akupin ajas Jutanam pujái̱ Uunt Yus Jirimíasja̱i̱ chichasmiayi. Antsu úunt akupin Napukutunusúrka tiasiúchu uwí akupin ajas pujamunam nuka túrunamiayi.

Jrm. 32:2

Nu tsawantincha Papirúnianmaya̱ akupniu suntari̱ Jerusaréṉkan matsamtuk téntakar pujuriarmiayi. Kame Yusa chichame̱n etserin Jirimíaska úunt akupniu je̱e̱ á̱a̱ri̱n sepú wáinin matsamtai̱niam achikma pujumiayi.

Jrm. 34:7

Papirúnianmaya̱ úunt akupniu suntari̱ Jerusaréṉkan tura Jutá pepru juákaru armia nuna Rákisja̱i̱ Asekan jatekármiayi. Jutanam aya ju̱ pépruka péṉker wenuimiu ásar juákarmiayi.

Tan. 4:1

Wi akupin Napukutunusúr ujaajrumna nu nekaatarum. Ashí aentstiram núnisaṉ mátsatkamu uunt nuṉkanmaya̱tirmesha tura chíkich chíkich chichamtin árumna nútirmesha shiir aṉkant matsamsatarum tajai.

Tan. 4:22

Uunt akupniu, nekas ti émkaitme tura kakaram ajasuitmena nuka ameketme. Nuyá̱ ame akupeamurmesha naṉkamantu ajasam nayaimpiniam jeatak ajasuíti. Tura ashí nuṉkanmaya̱sha akupniuitme.

Tan. 5:19

Tura naṉkamantu awajsamu asamtai ashí aents tura mátsatkamu uunt nuṉka ainia nuya̱sha núnisaṉ chíkich chíkich chichamtin ainia nusha ashamainiak kurainiarmiayi. Kame wakerakka máimiayi tura wakerakka iwiaaku atí tusa tsaṉkatmiayi. Núnisaṉ wakerakka naṉkamantu awajeak chikichnaka péejchach awajmiayi.