Jrm. 32:8 - Yus Papí: Shuarja̱i̱ Yus Yamaram Chicham Najanamu

⁸ Uunt Yus timia ímiatrusaṉ sepú á̱a̱ri̱n winia iichru uchirí̱ Janamír winia tarutmiayi. Tura chichartak ‘Anatútnum tura Piṉjiamínkia winia nuṉkar ana nu waitneasam sumakta. Pujustinkia ame nérenniuitme tura sumaktinkia áminiuiti. Áminiu sumarmakta.’ Nuiṉkia Uunt Yus timia nuna nekamjai.

Jrm. 32:8 Iomraidhean Croise

1 Akup. 2:26

Nuya̱ṉka úunt akupin Yúsnan pujurin Awiatáran chicharuk “Anatútnum ame apanu nérentin ajasaruitmena nui̱ wetá. Warí amesha mantamnamniaitme túrasha winia apar Tawit iwiaakai̱ Jiuwana Eṉketai̱ júkin asaakmin yamaikia máshtatjame. Núnismek winia apar ti nukap waitsamia nuja̱i̱ métek amesha waittsaitme.”

1 Akup. 22:25

Tura Mikiayás aya̱k “Wats nu tsawant jeamtai, ú̱mkataj tusam nui̱ waya̱m nui̱ waya̱m ajá wekaakum paant nekaattame” tímiayi.

Jrm. 1:1

Ju̱ka Irkíasa uchirí̱ Yúsnan pujurin Jirimías Piṉjiamín nuṉkanam Anatút peprunam Yúsnan pujurin pujuarmia nuna chichame̱nte.

Jrm. 32:2

Nu tsawantincha Papirúnianmaya̱ akupniu suntari̱ Jerusaréṉkan matsamtuk téntakar pujuriarmiayi. Kame Yusa chichame̱n etserin Jirimíaska úunt akupniu je̱e̱ á̱a̱ri̱n sepú wáinin matsamtai̱niam achikma pujumiayi.

Jrm. 32:25

Túmaitkiusha Uunt Yusá, Papirúnianmaya̱ aents íktustatiatmek chichartakum “Nekas sumakuiti tiarmi” tusam aents untsukarta. Tura ju̱ nuṉkaka ame kuitji̱a̱i̱ sumakta túrutme’” tímiayi.

Jrm. 32:7

‘Nekaata, Janamír ame íichrum Saruma uchirí̱ ámin winitramui. Tura ni chichartamuk “Winia nuṉkar Anatútnum sumakta. Warí ame wi shuar asam sumaktinmeka nérenniuitme” túrutui.’

Jrm. 33:1

Tura sepú wáinin matsamtai̱ á̱a̱ri̱n Jirimías achikma pujái̱ Uunt Yus ataksha chicharuk

Jrm. 37:12

Jirimías nuna nekáa Jerusaréṉnumia̱ jiinkí̱ Piṉjiamín nuṉkanam ni nuṉke̱n achikian pujustaj tu enentáimsamiayi.

Isk. 12:7

Kame turutmia núnisnak iwiarnaran shuar ni nuṉke̱ya̱ achikiar chíkich nuṉkanam júamua núnisnak winia warirun jukin tsawái̱ jiinkimjiai. Tura kí̱arai̱ṉkia tanishan winia uwejruja̱i̱ chiṉkian kirit ajá tesainia ai̱ ashí shuar iimiainiamunam winia takakmarun yakai̱rui̱ awantkan wémajai.

Sak. 11:11

Tura nu tsawantin chícham najanamu amia nuka nui̱ṉ amukámiayi. Nu túramun murikiun sunain armia nusha wáitkiaru ásar “Nekas Uunt Yusa chichame̱ya̱inti” tiármiayi.

Juaṉ 4:53

Nantu pukunta ai̱ Jesus “Ame uchiram péṉker ajasái” timia nuya̱i̱k michatraiti aparí̱sha tu enentáimsamai. Tuma asamtai nisha ashí ni shuari̱sha Jesusan nekas enentáimtusarmiayi.