Jrm. 32:10 - Yus Papí: Shuarja̱i̱ Yus Yamaram Chicham Najanamu

¹⁰ Nuyá̱ papin najanamjai túran asakamjai. Nuya̱ṉka aentsun akikmajai túran kijin nekapmatai̱niam nekapmamjai.

Jrm. 32:10 Iomraidhean Croise

Naṉ. 23:16

Aprajámka ayu taku Jet aents pujuiniamunam Ijrun timia núnisaṉ nuyá̱ kuitji̱a̱i̱ṉ kuatrusiántu kuítian nekapma akikmiayi.

Naṉ. 23:20

Kame ni nuwe̱n iwiarsatniun Jet aents Aprajám susatai tiarmia nú nuṉkan wá̱a̱rtiuk Aprajámka sumak tuke nérentin ajasmiayi.

Anen. 8:6

Asakatniua áitkiasmek ame enentáimin winia péerkata. Kunturmincha sakarchamnia anujtúkta. Warí aneṉkrattaiṉkia jákatniua áintsaṉ ti kakarmaiti. Tura akasmaktiṉkia jatainium pujustinia áintsaṉ ti najamaiti. Ni jíri̱ṉkia ti kakaram tsué̱raiti.

Isa. 44:5

Ju̱na títiatui “Wikia Uunt Yúsnaitjiai, chíkichkia Jakup anaikiattawai tura chíkich uwejnum aak Úunt Yusnaitjiai tura Israera náari̱ji̱a̱i̱ anaikiamu átatui” títiatui.

Jrm. 32:12

Nuṉka sumakma papin Neríasa uchirí̱ Parukan susamjai. Neríassha Masíasa uchirí̱yayi. Kame winia iichru uchirí̱ Janamír pujamunmaṉ nu papin susamjai. Núnisaṉ nuṉka sumakma papin kuesmararma nusha matsatainiai̱ṉ tura ashí Israer aentssha sepú á̱a̱ri̱n irunmia nusha ashí iimiainiamunam Parukan susamjai.

Jrm. 32:25

Túmaitkiusha Uunt Yusá, Papirúnianmaya̱ aents íktustatiatmek chichartakum “Nekas sumakuiti tiarmi” tusam aents untsukarta. Tura ju̱ nuṉkaka ame kuitji̱a̱i̱ sumakta túrutme’” tímiayi.

Jrm. 32:44

Antsu nuṉkan kuitji̱a̱i̱ súmainiak papin najanawar asaktai̱n apujtuawar tura jimiará aentsun achikiar Piṉjiamínkia nuṉke̱nka Jerusaréṉkan téntakartatui. Jutá pépruri̱n tura pepru naintiar naintranmasha tura Sejeranmasha núnisaṉ Nekepnumsha pepru iruniartatna nui̱ Wikia yajá yaruakma ainia nuyá̱ awakearartatjai’” tawai Uunt Yus.

Tan. 8:26

Káshiksha tura kí̱arai̱sha ímiaja̱i̱k wainkiamna nuka imiá nekasaiti. Tura ame ímiaja̱i̱k wainkiamna nuka ikiusam wáinkiata. Kame ti ukunam uwir uwir túrunattana nú tsawantaiti nuka” tímiayi Kapriar.

Mat. 27:66

Tutai wéar iwiarsamun urankashti tusar etektukma iṉkiuṉmanum seraja̱i̱ yakarar ni áarmari̱n anujtúkarmiayi. Tura suntarnasha awajtúkiarmiayi.

Juaṉ 3:33

Antsu ni chichame̱n ántana nuka ‘Yusa Chichame̱ imiá nekasaiti’ tawai.

Juaṉ 6:27

Ju̱yá̱ yurumak amuukatin asamtai ti enentáimtuschatnuitrume̱. Antsu amuukashtin yurumak tuke iwiaaku pujustinian amaana nu takarsatniuiti. Nú yurumkanka Wi Aents Ajasu asan susattajrume. Tú tusa Yus Apa nuna túratniun surusuiti” tímiayi.

2 Kur. 1:22

Tura ukunam ii achiktatjinia nuna, nekas amastatjai tusa Yus ni Wakaní̱n ii enentái̱n apujturmaji. Nuja̱i̱ Níniuitji tusar paant nékaji.

Ipi. 1:13

Núnisaṉ atumsha nekas uwempratin chicham antukrum Kristu nekas enentáimtusurme. Túrarum Kristu shuar ajasákrumin Yus ni shiir Wakaní̱n akuptúktaj timia nuna akuptúrmakmai. Nuna tura “nekas Wí shuaraitrume” tawai.

Ipi. 4:30

Yusa Shiir Wakaní̱ kúntuts awajsairap. Warí, Yúsnaiti tusa pujurtamji. Tura pujurtamuk takamtsuk uwemtikramprattaji.

Muis. 32:34

‘Jú̱naka mash Wiki neka asan kuítrua nútiksan Winí̱ ú̱kan péṉker ikiusuitjiai.

Apu. 7:2

Kame kukarsha tura nayantsanmasha yajauch awajsatniun akupkámu armai. Tura chíkich suntarnasha etsa̱ tatainmaani̱ya̱ winian wainkiamjai. Tuke iwiaaku Yusa anujtutairi̱n takakuyi. Nusha kuatru suntaran kakantar untsúak timiai

Apu. 9:4

Chírichrincha ashí arakmancha ashí numincha yajauch awajsatin suritkiamuyi. Antsu áyatik shuar nijia̱i̱nium Yusa naari̱ áarar apujtuachmanak yajauch awajsatin armai.

Rut 4:1

Puassha pepru wá̱i̱ti̱a̱i̱ri̱n we pujumiayi. Tumai̱ Rútan nekas ámin waitmakminkia pujawai timia nu shuar naṉkaama wainiak untsuk itiá apujsamiayi.