Jrm. 30:3 - Yus Papí: Shuarja̱i̱ Yus Yamaram Chicham Najanamu

³ ‘Nekaata tsawant tsawa̱rtatui Wí shuarnaka kame Israer shuarsha núnisaṉ Jutá shuarsha achira yajá yaruakarman awakearartatjai. Túran ni úuntri̱n nuṉkan súsarmiaj nui̱ṉ ataksha awakearan matsasártatjai túran nui̱ṉ matsamsartatui’” tawai Uunt Yus.

Jrm. 30:3 Iomraidhean Croise

Ists. 3:1

Kame waketrar kaunak pujuiniamu siati nantu jeamunam chikichik enentáiniak júsar Jerusaréṉ péprunam iruntrarmiayi.

Ists. 3:12

Nuyá̱ Yúsnan pujurin tura Riwí shuarsha uuntri̱ armia nusha tura ti uunt armia nusha Uunt Yusa Je̱e̱ je̱a̱mtin juarma yamái wainji tusar ti kakantar útiarmiayi. Túmainiamunam chíkichkia warainiak charaatun ajarmiayi.

Ists. 3:8

Kame Saratiára uchirí̱ Surupapír nuyá̱ Jusatáka uchirí̱ Jesúa ni yachi̱sha núnisaṉ ashí Yúsnan pujurin ántsaṉ Riwí shuar tura ashí achirar yajá yaruakma Jerusaréṉnum waketrar káunkarmia nuyá̱ chikichik uwí amukar chíkich uwí naṉkama jimiará nantu jeamunam Uunt Yusa je̱e̱n je̱a̱mtan naṉkamawarmiayi. Tura Riwí shuarsha painti uwí íniaṉkasaṉ takaku armia nu Uunt Yusa Je̱e̱n je̱a̱mtan juárkiarmiayi.

YKan. 126:4

Maa Uunt Yusa ii achir yarurmakarmiaj nuyá̱ atsunum ashints wáinkiatniua nútikiam awaketmarta.

YKan. 53:6

¡Iisiá, Seúnnumia̱ uwemtikkiartin Israer shuaran aṉkant awajsaṉka péṉker ainti! Kame ni shuari̱ achirar yajá yaruakman Yus awakearmataiṉkia Jakupusha tura ni shuari̱sha wararsatin ártatui.

Jrm. 16:15

Nuka tútsuk antsu ‘¡Iwiaakui Uunt Yus Israer shuar arakaani̱ matsatun tura chíkich nuṉkanam achira yajá yaruakma matsatun awakear ikiankarmia nuka!’ títiatrume. Túram ní nuṉke̱ni̱n awakeararan ni úuntri̱n nuṉkan súsarmiaj nui̱ṉ matsasártatjai.

Jrm. 23:5

Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Jrm. 27:11

Tura uunt nuṉka mátsatkamu Papirúnianmaya̱ úunt akupniun umirainiak kuntuje̱n numin awantkartatna núnisa nuka ní nuṉke̱ni̱n takakmas tuke nui̱ṉ matsamsartatui” tawai Uunt Yus.

Jrm. 27:22

‘Yusa Je̱e̱n takakmatai ainia nu Papirúnianam yaruakma ártatui. Tura Wi íistaj tusan wétataj nú tsawant jeatsa̱i̱ṉ nui̱ṉ pujusártatui. Tura nu tsawant jeamtai mash ikiankan awakeartatjai’ tawai Uunt Yus” tímiayi Jirimías.

Jrm. 29:10

Tura Papirúnianam Wi timiaj núnisaṉ sataintia uwí jeamtaikia atumín waitnentakun waketrukin tura Winia chichamprun umíakun ataksha ju̱i̱ṉ awakeartatjarme tawai Uunt Yus.

Jrm. 29:14

Túrasha atumek e̱a̱tkarum waitkiattarme. Tura achirar yajá yaruakma átumka matsatrumin nuya̱ntka awakeartatjarme. Kame uunt nuṉka mátsatkamunam tura Wi ji̱i̱rá akuprámu tui̱ matsamsaitrum nui̱ pujarmini̱ṉ ashí ikiankan irurtatjarme. Túran tui̱ matsatrumnia̱ achira yaruaktarum tusan tsaṉkamkamjarum nui̱ṉ awakearan ataksha matsastatjarme tawai Uunt Yus.

Jrm. 3:18

Nu tsawantinkia Jutanmaya̱sha Israernumia̱ja̱i̱ métek wekasartatui. Túmainiak arakaani̱ matsatainia nuka ni aparí̱ nuṉkan nérentin ajasármia nú nuṉkanam tsaníakuk káunkartatui.

Jrm. 30:10

Tura ámeka winia takartin Jakupá ashamkaip tura Israerá mayaim ishinkiaip tawai Uunt Yus. Nekaata áme shuarumin chíkich nuṉkanam achira yaruakman uwemtikniunka Witjiai. Jakupka aṉkant pujustaj tusa waketkittiawai tura niṉkia shiir enentáimias yáakesh itit awajsachma pujustatui.

Jrm. 30:18

Uunt Yus chichaak “Nekaata achira yaruakma ainia nuna Jakupa shuari̱n ikiankartatjai ní shuari̱nkia waitnentrartatjai. Pépruka emeskarma ainia nui̱ṉ ataksha je̱a̱mkartatui tura úunt akupniu je̱e̱sha je̱a̱mkamu amia nui̱ṉ ataksha je̱a̱mnaktatui.

Jrm. 30:4

Uunt Yus Israernan tura Jutanun tiarmia nuka ju̱i̱ti.

Jrm. 31:16

Túrasha Uunt Yus chichaak “Rakirá úttsuk katsuntram itiatkata tura nea̱jkirmesha u̱ju̱jrata. Warí ame túramurminkia akikma átatme. Tuma asamtai ame uchirmeka ni nemasri̱ nuṉke̱ya̱ṉka waketkiar káunkartatui.

Jrm. 31:23

Nuyá̱ Ashí Akupin Uunt Yus Israera Yusri̱ jú̱nis tawai “Yajá yaruakma ataksha ikiankam Jutanam tura pepru nui̱ írunmanum matsamsarum nui̱sha tuke chichaakrum ‘Maa nekasa nuja̱i̱ métek túrutai̱ Yusa naintri̱ Uunt Yus shiir awajtámsati’ títiatrume.

Jrm. 31:27

“Núnisaṉ tsawant jeamtai Wi Uunt Yus asan Israer nuṉkanam tura Jutanmasha shuarnaka nuyá̱ taṉkuncha ti ipiampárartatjai.

Jrm. 31:31

Tura tsawant jeamtai Israer shuarja̱i̱ tura ashí Jutá shuarja̱i̱ yamaram chichaman Wi najanattajai.

Jrm. 31:38

Wats nekaatarum Uunt Yus ju̱nasha tawai. Tsawant jeattana nuiṉkia Ananér kumpinnium juárkimiuk Tsukin waiti tutaiya̱ tímianai Uunt Yusna pepru je̱a̱mnaktatui.

Jrm. 32:37

Wikia tí kajekmajai. Yajá nuṉkanam tsakiṉmakan ashí nuṉkanam akuprámaj nuna ataksha awakearan ju̱i̱ ikiankan shiir matsasártatjai.

Jrm. 32:44

Antsu nuṉkan kuitji̱a̱i̱ súmainiak papin najanawar asaktai̱n apujtuawar tura jimiará aentsun achikiar Piṉjiamínkia nuṉke̱nka Jerusaréṉkan téntakartatui. Jutá pépruri̱n tura pepru naintiar naintranmasha tura Sejeranmasha núnisaṉ Nekepnumsha pepru iruniartatna nui̱ Wikia yajá yaruakma ainia nuyá̱ awakearartatjai’” tawai Uunt Yus.

Jrm. 33:26

nuiṉkia Wikia Jakupa tiraṉki̱ncha tura Winia takartin Tawitia tiraṉki̱ncha nakitrartatjai. Tura Tawitia uchirí̱nkia Aprajáma uchirí̱n, Isaknasha núnisan Jakupnasha, nin úunt akupin ajasarti tusan apujsashtatjai. Antsu nekas Wikia nin péṉkernum apujsattajai túran waitnentrartatjai’ tawai” tímiayi.

Jrm. 51:60

Tura Jirimías papinium aak Papirúnia nuṉkanam ti itiurchat átatna nuna áarmiayi.

Isk. 34:13

Tura péprunmaya̱ṉka ji̱i̱raran ashí nuṉkanmaya̱ṉ irurartatjai túran ni nuṉke̱ni̱ṉ ikiankartatjai. Tura Israernum naint írunna nui̱sha núnisaṉ ashintsanmasha nuyá̱ aents matsatainia nui̱sha péṉker wainiainiakun ayurawartatjai.

Isk. 36:24

Uunt Yus chichaak “Wisha atumín chíkich nuṉkanam pujuiniatirmin ashí juuka iruran atumí nuṉke̱ni̱ṉ awakearan matsastiniaitjiarme.

Juir 3:1

Nu túrunamtai tura nu tsawantinkia Jerusaréṉ pépruncha tura Jutá nuṉkancha aṉkant awajsattajna nui̱

Sup. 2:7

Kame Jutanmaya̱ iwiaaku juákaru nu nuṉkanmaṉka murikri̱n wainiartatui tura kí̱akuinkia Askarún shuar matsamin armia nu je̱a̱nam kániartatui. Warí, achira yaruakma matsatainia nuya̱ṉka Jiuwá ni Yusri̱ ata̱i̱niartatui.

Sup. 3:20

Átum achirar yaruakma matsatrumin aṉkant awajsattajrumna nuka atumí jí̱ji̱a̱i̱ṉ wainkiattarme. Túrunawakrumni̱ṉkia nu tsawantinkia Wiki ikiankattajrume túran Wiki irurtatjarme nu tsawantinkia. Túran ashí nu nuṉkanam aents matsatainia nu shiir awajtai̱ tura nekaamu árat tusan apujsattajrume” tawai Jiuwá.

Ruk. 17:22

Nuyá̱ ni unuiniamuri̱n chicharuk “Tsawant jeattawai atumsha Winia Aents Ajasu tutain ‘aya chikichík tsawantkesha Ni wainkiarkia maak’ turuttiatrume. Túrasha tujintkiattarme.

Ruk. 19:43

Kame ti itiurchat tsawant jeartámtatrume. Atumí nemasri̱ nuṉkaja̱i̱ a̱a̱ tanishan tanishmarar téntatramkattarme. Mesetan najatramattarme tura aatusha ju̱ni̱sha mash árentmaktatrume.

Ruk. 21:6

“Átum yamái shiir wáintrumna nu ashí emesnartatui. Kaya ekentramusha mash yumpuntrartatui” tímiayi.

Muis. 30:3

nui̱ṉkia atumí Uunt Yusri̱ ji̱i̱r ashí yajá nuṉkanam akuptámprarmia nuyá̱ waitnentramprar ataksha awaiṉki̱ ikiatmaktatrume.

Muis. 30:5

Tura yaunchu atumí uuntri̱ pujú armia nu nuṉkanmaṉ awaiṉki̱ apujtamsattarme. Nui̱ Nisha ashí túrittiarmena nunasha péṉker awajtúrmas nuyá̱ atumí úuntri̱ji̱a̱i̱sha naṉkaamas pampaṉtinian tsaṉkatramkattarme.

Isr. 8:8

Antsu péṉkercha áiniakui Israer shuaran chicharainiak “Uunt Yus tawai, Tsawant jeamtai ashí Israer shuarja̱i̱ yamaram chichaman najanattajai.