Jrm. 30:2 - Yus Papí: Shuarja̱i̱ Yus Yamaram Chicham Najanamu

² “Uunt Yus Israera Yusri̱ jú̱nis chichaak ‘Wi ámin tájamna ju̱ka papinium ashí aartá’ tímiayi.

Jrm. 30:2 Iomraidhean Croise

Jiin. 17:14

Uunt Yus Muisaisan chicharuk “Tuke enentáimtutai̱ atí tusam yamái túrunania nu, papinium aartá. Tura Jusuí paant chicharkum ‘Amarík aentsnaka peṉké enentáimtuntsacharat tusan ju̱ nuṉkanmaya̱ṉka ashí amukártatjai titiá’ tímiayi.”

Isa. 8:1

Nuyá̱ Uunt Yus chichartak “Numi waṉkaram nakakmanum paant áujsamnia émamkesam MAJER-SHARAR-JÁSH-PAS aartá.

Jrm. 25:13

Tura yamaikia jú̱ nuṉkanmaya̱ aentsu asutniátniuri̱n ashí Wi tímiaj nuna tura ju̱ papinium áarman Jirimías yaunchu etserkamia nu ashí nuṉkanam mash uminkiattawai.

Jrm. 30:1

Uunt Yusa chichame̱ Jirimíasa tarí chicharuk

Jrm. 36:28

“Papí pénuimiu achikta tura nú chichamak papinium emka áarmam nuna Jutanmaya̱ úunt akupin Juasim áesamia nuja̱i̱ métek ashí aartá.

Jrm. 36:32

Nuyá̱ Jirimías chíkich papí pénuimiun achik Neríasa uchirí̱ papí ain Parukan susamiayi. Tura Jutanmaya̱ úunt akupin Juasim papin jinium áesamia nuna Jirimías atak ashí áamtikramiayi. Tura nu arantcha chíkich chichamnasha untsurín íikiak nuja̱i̱ métekrak áarmiayi.

Tan. 12:4

Warí, nekaatniusha tí nukap átatui tura untsurí aents nú nukap nekaatai tusar ju̱ní̱ wéar atuní̱ wéar ajartatui. Tuma asamtai Taniará amukatin tsawant jeamam ju̱ papisha nukukam peṉké urankashti tusam asakam péṉker ikiusta” turutmiai.

Rum. 15:4

Núnisaṉ ashí yaunchu Yus Papinium aarma iin jintintrámatniun áararmiayi. Nuja̱i̱ atsaṉtamkurin shiir wainkiattajnia nuka katsuntrar nákastatji.

1 Kur. 10:11

Yaunchu ii úuntri̱ji̱a̱i̱ túrunamu iin amúamu tsawantnum pujajnia nuna jintintramat tusa áarmaiti.

Muis. 31:19

Yus Muisaisan Jusuiji̱a̱i̱ chicharainiak “Kanta aartarum. Túrarum Israer shuar jintintiatarum” tímiayi. Nuyá̱ ataksha awaiṉki̱ Uunt Yuska chichaak “Péṉker nuṉkan Wi súsartatjana nui̱ péṉker pujuiniak yurumá ejemar nuérar chíkich yus ainia nuna tikishmátrartatui. Tura itiurchatan wáinkiar núnisaṉ kúntuts pujuiniak tsawant jeamtai jú̱ kantan kantamáiniak Yus nin tiarmia nuna enentáimturartatui. Wi nuṉkan amastatjarme tímiajrumna nui̱ wá̱i̱tskesha yamái urukarmea nuna nékajai. Tuma ásar Wíniaka anturtutsuk iniaitiusartatui” tímiayi Yus.

2 Pit. 1:21

Warí, Yúsnan etserin aya ní enentái̱ji̱a̱i̱ṉ peṉké etserkacharmiayi. Antsu Yusa Wakaní̱ ni enentái̱n útsuam Yusna nuna etserkarmiayi.

Apu. 1:11

Tura chichaak “Witjiai Émkanka tura Náṉkatkancha Wíkitjiai. Yáunchusha tuke pujuyajai. Núnisnak yamaisha tuke pujajai. Tuma asamtai wáinmena ju̱, papinium áaram Ásianam siati péprunam Yus shuar írunna nui̱ akuptúkarta. Jú̱ peprunam akupkarta, Ipisiusha, Ismirnasha, Pírkamusha, Tiatirasha, Sártissha, Piratírpiasha tura Rautiséasha” turutmiai.

Apu. 1:19

Tuma asamtai wainkiamna ju̱sha, yamái wáinmena nusha tura ukunam átatna nusha aartá.