Jrm. 3:8 - Yus Papí: Shuarja̱i̱ Yus Yamaram Chicham Najanamu

⁸ Yusan enentáimtichu Israernaka tí tsanirma asamtai ájapma papin najatan susan akupkámjai. Tura ni kai̱sha ántichu Jutasha sapijmiatsuk we nisha núnisaṉ tsanirmamai.

Jrm. 3:8 Iomraidhean Croise

Isa. 50:1

Uunt Yus chichaak “Atumí nukurí̱ nakitra ajapamu papisha ¿tui̱ aa? ¿Tura yana tumash asana surukuitjiarum? Nekaatarum, átumka atumí tunaari̱ni̱ṉ surunkamarme núnisaṉ átum nakitrakrumin atumí nukurí̱sha nakitniar ajapnamai.

Jrm. 2:19

Ame yajauchirmek asuttiámattawai. Yus enentáimtamuka ántraiti támena nuke áminkia surutmaktatui. Wats iisam nekaata. Atumí Uuntri̱ Uunt Yus ashamtsuk iniaisatniusha ¿urutmá yajauchikit tura urutmá yapaakit? tawai Ashí Akupniu Uuntri̱ Uunt Yus.

Jrm. 3:1

Nuwa̱ ajapamu waketki̱ niniurtukua nu ataksha ní áishri̱ni̱ṉ waketkiti ¿tíminkiait? ¿Nu mátsatkamusha takamtsuk mui̱jmiai̱ ajatsuk? Núnisam ámeka kayá yus tikishmátraitme túmakum nuwa̱ untsurí áishmaṉja̱i̱ tsanirma núnisam tsanirmaitme. Túmayatmekek ¿Amiini̱ṉ waketkittiaj túrutam? túramui Uunt Yus.

Jrm. 33:24

“Ámeka ju̱ shuar chichainiak ‘Uunt Yus jimiará matsatka aentsun Israer Jutaja̱i̱ Wí shuaraiti tusa achikiárat ajapawaruiti’ tiarma nuka ¿antukchamkum? Warí niṉkia Wí shuaran imiancha enentáimtuiniak uunt nuṉka mátsatka ímianu enentáimtuiniatsui.

Jrm. 5:7

Uunt Yus chichaak “Nuna túruiniancha ¿itiurak tsaṉkurartaj? Warí atumí uchirí̱ṉkia ajaprua iniaitiusarai. Túmainiak yuscha ainia nuna pachisar nekas túrattaji tuíniawai. Warí ni atsumainiamunka Wikia ashí súsarmajai túramaitiat niṉkia tsanirmawar aya̱shin súrin nuwa̱ matsamtainmasha tí waketiarmai.

Use. 3:4

Israer shuar núkap tsawant akupniúrtichu tura úuntri̱ncha pujusártatui. Núnisaṉ taṉkuncha maa áestutsuk tura ántar yusri̱ncha kayaja̱i̱ nakumkar najantsuk pujusártatui. Nu arant Yúsnan takarkur awaṉketai̱ tura nekatai̱ kayarí̱sha nuyá̱ najanamu yus nekaatai tusar inintrútai̱ najankamusha atsuartatui.

Muis. 24:1

Tura áishmaṉ nuwá̱ nuatak natsanmainian waitiak nakitiak ajapataj tákuṉka ájapeajai tama papin aar susa ‘yamaikia je̱a̱ruí̱ya̱ṉka jiinkí̱ wetá’ títiniaiti.

Muis. 24:3

Tura nú aishri̱sha nakitiar ájapeajai tama papin susa je̱e̱ya̱ ji̱i̱ki̱ akupkámtai nuíchuka ni jakamtaiksha