Jrm. 3:6 - Yus Papí: Shuarja̱i̱ Yus Yamaram Chicham Najanamu

⁶ Uunt akupin Jusías pujumia nui̱ Uunt Yus chichartak “Yusan enentáimtichu Israer túruinia nu ¿wáiniamek? Ashí naint tura ashí numi ukat ukatin ainia nui̱ wéar tsanirmawaruiti.

Jrm. 3:6 Iomraidhean Croise

1 Akup. 14:23

Núnisaṉ ashí nainniumsha tura numi ukat ukatin wajamunam wakenmari̱ncha naint wákar najankamu yus enentáimtutai̱ncha nuyá̱ enentáimtutai̱ kayancha núnisaṉ Asera enentáimtutai̱ncha najankarmiayi.

YKan. 106:39

Kame nu yajauch túruiniamuja̱i̱ utsunáirar tsanirmatai̱ya̱ núnik peṉké netse ajasármiayi.

Jrm. 1:2

Kame Amuna uchirí̱ Jusías Jutá nuṉkanam akupin ajas traise uwí pujamunam Uunt Yusa chichame̱ Jirimíasan tarimiayi.

Jrm. 11:10

Warí emka aparí̱ armia nu Winia chichamprun umirkatniun nakitrar aents najanamu yus armia nu umirkatai tusar tikishmátrarmiayi. Yamaisha núnisaṉ Israer shuarsha tura Jutá shuarsha ni aparí̱ yajauchiri̱n waketrukiar aents najanamu yus tikishmátrar nisha Wi yaunchu ni apachri̱ji̱a̱i̱ chichaman najanamiaj núnaka peṉké yajauch awajtúrsarmiayi.”

Jrm. 17:2

Ni uchirí̱sha nuna wáinkiar enentáimtiarti tusar túraiti. Kame Asera áestai̱ri̱ nuyá̱ Asera yus najankamu ainia nusha tura Asera enentáimtutai̱ numisha ukatkat numia nui̱sha Asera yus enentáimtutai̱ naintcha mash wáinkiar nékainiawai.

Jrm. 3:8

Yusan enentáimtichu Israernaka tí tsanirma asamtai ájapma papin najatan susan akupkámjai. Tura ni kai̱sha ántichu Jutasha sapijmiatsuk we nisha núnisaṉ tsanirmamai.

Jrm. 31:22

Maaj, ántichu nuwa̱chí aya wekaikiní̱ ajawitmena aushá ¿urutáik sértiniaitiam? Kame imiá nusháa nuna Uunt Yus ju̱ nuṉkanam iniakmastatui. Nuwa̱ áishmaṉkan téntaktatui. Nuwa̱ yama anajmanairua núnis Israer ni Yusri̱n enentáimtustatui” tawai Uunt Yus.

Jrm. 5:11

Warí Israerka tura Jutasha Winia peṉké pachittsuk chikichja̱i̱ anaṉkruawaruiti” tawai Uunt Yus.

Jrm. 7:24

Túrasha Winia chichamprunka umirtukcharmai tura antutnaksha anturtukcharmai. Antsu ni yajauch enentái̱ wakeramuja̱i̱ métek ní iwiaramunak túrawarmai. Túmainiak eem wétsuk Yusnaka iniaisar úkumur waketkiarmai.

Isk. 16:35

Tuma asamtai aya̱shí̱n súrin nuwa̱á, Uunt Yusa chichame̱ antukta. Ame tsanirum tura najankamu yúsrum aya̱shim tsaṉkatka asakmin núnismek ame uchirmi numpé̱ ukaráru asakmin ame tsanirumin tura muí̱jramainiana nunasha irurartatjai. Tura iruraran misú ái̱rtatjame. Túran nuwa̱ tsanirmamtai itiur asuttiain nútiksanak túrattajme. Túran ni uwejé̱e̱n íktusartatjame. Nuya̱ṉka untsurí aentsun ikiatramkartatui tura untsurí nuwa̱sha iimiainiamunmaṉ ame je̱e̱min áesturmawartatui tura ame túraitmena nuja̱i̱ métek asuttiámawartatui. Nuna túran ame akikmakam aya̱shim surutaiṉkia inimiamtiksattajme. Nuya̱ṉka Winia suir kaje̱ntkamursha naṉkaamasmatai tsaṉkuran atakka kajekchattajai.

Use. 11:7

Tumai̱ Wi shuarka ántichu ajasár umiktinniasha nakitiáiniak aya kájertuiniawai. Nuyá̱ Naṉkamantu Yúsaitme turutainiayataṉ ishichkisha páantin awajtuiniatsui.

Suma. 2:17

Túrasha Uunt Yus akupkámu chichaman ni uuntri̱ umiriarmia núnisaṉ túrutsuk núnaka iniaisar nuya̱ṉka wárik kanakiármiayi. Tuma asar najankamu yusan tikishmátainiak tsanirma núniarmiayi. Túmainiak sumamtikniuncha peṉké anturkacharmiayi.