Jrm. 3:3 - Yus Papí: Shuarja̱i̱ Yus Yamaram Chicham Najanamu

³ Ame nu tura asakmin yumi yutukcharuiti tura nu arant arakan tsakatmaktincha yutukcharuiti. Túmaitiatmek tsanirma nuwa̱ natsantaincha urukainia núnismek amesha peṉké natsa̱a̱rchaitme.

Jrm. 3:3 Iomraidhean Croise

Naṉ. 19:34

Tura nuyá̱ kashin iwiá̱i̱ kain chichareak “Wikia ya̱u̱ kashi ii aparí̱ji̱a̱i̱ tsaniṉkian kanarchamkaj. Jú̱ káshisha ataksha áintsarik anamkatai. Tura ame niji̱a̱i̱ tsaniṉkiam kanarminiam. Túrarkia ni uchirí̱ mai̱ takursattaji” tímiayi.

Neka. 21:29

Shuar Yusan enentáimtichua nuka kajemtin íirkaiti antsu péṉkerka naka enentáimias wekainiaiti.

Isa. 5:6

Núnisnak kanawencha puruntrashtatjai. Nuiṉkia aya kampuntin atsú awajsattajai. Túram mashiak arakmachmin narasha tura jaṉkisha tsapakartatui. Núnisnak yumi yuturkai tusan yuraṉmincha akuptúkchattajai.

Jrm. 14:1

Uunt esat átatui tusa Jirimíasan Uunt Yusa chichame̱ tarimiayi. Tura náakam ainia nuka takarniúri̱n entsan akuptuiniakui nuṉka tá̱i̱miunmasha wénawai. Túrasha entsan wáinkiachar natsa̱a̱r yumiri̱n aya wá̱a̱nak takaku waketainiawai. Núnisaṉ kampunniunmaya̱ su japasha petsak yurumke̱ atsakui uchirí̱n ajapa ikiuiniawai.

Jrm. 36:2

“Israernancha tura Jutanuncha tura ashí uunt nuṉka mátsatkamua núnancha Jusías pujumia nu tsawant ámiji̱a̱i̱ chichastinian naṉkamamiaj ímianiaṉ tura yamaiya̱ ímiaja̱i̱sha chichasuitjiame. Tuma asamtai papí pénuimiu achikta túram nui̱ ashí Wi ámin tímiajmena nu aartá.

Jrm. 5:24

Tura ii Yusri̱ Uunt Yus arakan tsapamtik neremtikiattsa yumin ni wakerak akupniu nu núnisaṉ júuktin tsawant jeat tusa nákawa nu ashamkatai tuuka ishichkisha enentáimiainiatsui.

Jrm. 5:25

Atumí yajauchiri̱n yajá juramkintrume tura atumí tunaari̱ni̱ṉ péṉkersha wáintsurme.

Jrm. 5:3

Maa, Uunt Yusá ¿Ámeka nekasa nuna túrawarat tusamchak íimiam? Amek asutiáwarmame túrasha najaimiakcharuiti. Amutcha amukármame túrasha iwiarnartinniaka peṉké nakitiarmai. Ni enentái̱ kayaja̱i̱ naṉkaamas kátsuram ajasár yapi̱sha nusháa iira ajasár tunaarí̱ya̱ ayantár waketkitniun peṉké nakitrarmai.

Jrm. 6:15

Antsu mui̱jmiai̱ túramarum nui̱sha ¿natsa̱a̱rukaitrum? Ti nekas natsantai̱nchaitrume tura péejchachisha ajaschaitrume. Tuma asamtai Wi asutiáttajrumna nú tsawantinkia atumsha asutniáttarme” tawai Uunt Yus.

Jrm. 8:12

¿Antsu mui̱jmiainian túrawarua nui̱sha natsamainiawak? Warí nekasaiti peṉké natsa̱a̱rcharuiti ántsaṉ péejchachisha ajascharuiti. Tuma ásar iniainiana nuja̱i̱ métek iniarartatui. Tura asutniátin tsawant jeatéma nui̱ nekaska tukumkartatui” tawai Uunt Yus.

Jrm. 9:12

¿Ya shuarak timiá nékait ju̱na nekaatniusha? Uunt Yussha ¿yanak chichasuit? ju̱na paant awajsatniuncha. ¿Urukamtai nuṉkasha emesnaksha kampuntin atsú nuṉka núniksha naṉkaamakchamniasha ajasuit?

Isk. 3:7

Túrasha Israer shuarka tútaisha peṉké anturtamkachartatui. Warí, Winia anturtuktinniasha nakitiáiniawai. Ashí Israer shuarka ántichu ajasárai tura enentáisha kaya núnin kátsuram áiniawai.

Riw. 26:19

Atumí kakarmari̱ji̱a̱i̱ naṉkamantu enentáimtumarmena nunasha emestuktatjarme tura atumí nayaimpiri̱ncha kátsuram jírua núnin nuyá̱ nuṉkemniaka yaṉkú jírua timianú pisu awajsartatjai.

Ams. 4:7

Júuktincha menaintiú nantu táasmanum yumincha yútumtikiachmajai jú̱ni̱ṉkia yútumtikiun atumínkia yútumtikiachmajai. Tura yumi yutukchamunmaṉka nuṉka ju̱ju̱karmai. Núnisaṉ entsa umartai tusar aentssha chíkich péprunmaya̱ chíkich péprunam ashiniarmai túrasha kitiakéncha imikcharmai tura nuya̱sha Wíniaka peṉké enentáimtursacharmai” tawai Uunt Yus.

Sup. 2:1

Maa, natsantaincha shuara átumka iruntrarum enentáimpratarum.

Sup. 3:5

Túmaitkiuisha Jiuwaka aya tí peṉkernak túriniaiti, yajauchinkia túrashtatui. Táamtsuk tuke káshik ni naka sumamtiktairi̱n paant awajui tura Ni túrutai̱ya núnaka túrutskeka iniaisashtatui. Túrasha Yusan enentáimtichuka natsantan nékatsui.

Aji. 1:11

Nu arantcha pakanmasha tura nainniumsha uwa yumiri̱ncha tura asuitincha árak súana nunasha tríkiuncha núnisnak ashí árak nuṉká tsapainiana nui̱sha áitkiasnak aentsnasha waakancha ántsaṉ ashí takat ainia nunasha úunt esatan untsukan akuptúkarmajai” tawai Uunt Yus tímiayi.

Muis. 28:23

Yumisha yuturtamchattawai. Tura nuṉkasha káarmatai arakrumsha péṉker neretramchattawai.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.