Jrm. 3:25 - Yus Papí: Shuarja̱i̱ Yus Yamaram Chicham Najanamu

²⁵ Ii natsantí̱ni̱ṉ tepenaji tura ii yajauchiri̱ṉ mash amutmakji. Warí iisha tura ii aparí̱sha nátsauyajnia nuyá̱ juárkimiuk yamaiya̱ ju̱i̱sha Uunt Yus ii Yusri̱ncha yajauch túrawaruitji. Warí ii Yusri̱ Uunt Yusa chichame̱sha anturkacharuitji.

Jrm. 3:25 Iomraidhean Croise

YKan. 106:6

Israer shuarti, ii we̱a̱tri̱ tunáa túrawarmia núnisrik Ámin enentáimtachu asarⁱ tunáa túraitji.

YKan. 106:7

Ii aparí̱ yaunchu Ejiptunam ame ti waitnentainiakum aentsti túrachmin túramun wáinkiariat antra núnis enentáimtuiniak nekaacharmiayi. Antsu Kapantin Nayants yantam matsamsar umiktinian nakitiáiniak aya kájearmiayi. Jiin. 14:10-12

YKan. 109:29

Winia tsanumprutainia nuka natsanmaya̱ nuna entsarartatui tura ni natsantin pushí aentsua nútikia áentsrattawai.

Neka. 13:18

Shuar chichaream ántichua nuka kuítri̱ncha natsanmai̱ ajawiti antsu chichaman tí peṉker ántinia nuka arantúkmaiti.

Neka. 5:13

jú̱niktin asaná jintintruinia chichame̱ncha antuktinian imiá nakitniuyaj?

Isa. 50:11

Túrasha nekaatarum ji ashí akarume tura shiripkisha ekemarme. Tura atumí ji̱rí̱ tsáapnintri̱ji̱a̱i̱ṉ núnisrumek atumí shiripkiri̱ ekemákmaja̱i̱ṉ wekaarme. Túrasha Uunt Yuska nunak íkturmaki̱ akuptúrmaktatrume. Túrutmamtai waitsa pujutai̱niam matsamsattarme.

Jrm. 11:13

Jutanmasha ni ántar yusri̱nkia peprua ímiatrus ti takakui. Núnisaṉ Jerusaréṉnumsha ni yusri̱ Páaran kuṉkuin áestutai̱ṉkia natsanmai̱ ni jinti̱ írunna nunisha untsurí najatmamkaruiti.

Jrm. 12:13

Tríkiun arakáriat jaṉkin júukarmai. Jakamnia nekapenawai túrasha nuka peṉké yainiatsui. Uunt Yus kajekú asamtai arakan jukartatna nunasha natsantrartatui” tíniuiti.

Jrm. 14:7

Maa Uunt Yusru Ame naarmi aneṉkrattairmiji̱a̱i̱ túrata. Ti nekas ántichu ajasuitji núnisaṉ Aminí̱sha yajauch túraitji. Túmaitkiurnisha Ámeka iiji̱a̱i̱ pujame tura Ame náarmiji̱a̱i̱ anaikiamuitji. Tuma asamtai ajapa iniaikiartusaip.

Jrm. 2:17

Kame átumka péṉker jintianmaani̱ juamaitiatrum atumí Uunt Yusri̱ ajapa iniaisa ¿asarmechuk túrunaitrum?

Jrm. 2:19

Ame yajauchirmek asuttiámattawai. Yus enentáimtamuka ántraiti támena nuke áminkia surutmaktatui. Wats iisam nekaata. Atumí Uuntri̱ Uunt Yus ashamtsuk iniaisatniusha ¿urutmá yajauchikit tura urutmá yapaakit? tawai Ashí Akupniu Uuntri̱ Uunt Yus.

Jrm. 2:2

“Jerusaréṉ péprunam weme ántuiniamunam kakantram chicharainiakum Uunt Yus chichartak ‘Áminkia tuke enentáimtajme. Natsa asamka péṉker enentáimtursamiame. Anajmarma aneṉkrata núnisam kampuntin atsú nuṉkanam arakmamusha atsuiniamunmasha péṉker enentáimtursam nemartusam wekasamiame.

Jrm. 2:26

Kasa kasamú pujá wainkiam natsamana núnisar Israernumia̱ṉka úunt akupniusha unuimiákarusha tura Yúsnan pujurin áiniasha núnisaraṉ Yúsnan etserin áiniasha

Jrm. 20:18

¿Urukamtaitsuk init eṉketiatnasha jiinkiyaj? ¿Wáitsatniun tura wáitiain íistaj tusanash tura Winia tsawantrusha natsanmai̱ awajtiarmi tusanash jiinkiyaj?

Jrm. 22:21

Ámeka taramkam pujumam nui̱ chicharkamjame túrasha chichartakum ‘Anturkashtatjame’ turutmiame. Warí, nátsanmaya̱n ámeka túmaki̱ winiakum winia chichampruka peṉké anturtukchaitme.

Jrm. 3:13

Antsu áyatik ame yajauch túramuram “nekasaiti” titiá. Warí Uunt Yus ame Yúsrum kajerkam umirkachuitme. Túrakum ashí numi ukat ukatin írunmanum nékashtai̱ yus áiniana nu shiir enentáimtusaruitme. Túmakum Winia chichampruka peṉké anturtukchaitme túramui’ titiá” tímiayi Uunt Yus Jirimíasan.

Jrm. 31:19

Warí amiiya̱ kanakí̱ wekasan ti enentáimpramjai. Tura enentáimpran wi awajiamurun nekaaman kúntuts enentáimkiun makurún awatmiajai. Túran natsa asan peṉké netse túramajna nuja̱i̱ iniatsá̱ntran wishiknármajai’ úteawai.

Jrm. 6:26

Winia pépruru nawantri̱yá suí̱r pushí entsaram yuṉkunminiam tepekam túniṉkia túniṉkia ajata. Uchirí̱ peṉké chikichik asamtai kúntuts enentáimin ainia núnisam kúntuts enentáimprata. Warí emeskartinkia áya aneachma iinkia kautramkattaji.

Jrm. 7:19

Kame Winiaash akajtukarat. ¿Nekaska niṉki natsanmai̱ ajakartiniakchak áninia?” tawai Uunt Yus.

Jrm. 8:14

¿Urukamtai pujutrasha ajainiajⁱ? Iruntrartai túrawarar pepru wenuke̱ iwiartukar utúachmin awajkámu áiniana nui̱ utsanawarar kajiṉkiartaiyá. Warí ii Yusri̱ṉ Uunt Yusak amuukatniunam akuptámkarji. Túrak entsa tséas eṉketámun áatmakarji. Warí Uunt Yusai̱sha tunaaka túrawaruitji.

Jrm. 9:18

Kame wárikmasrum kaunkarum jakamnia nekapeakrum iin enentáimsarum úttiarum. Ii ji̱sha úttiarti tura ii urajkítri̱niasha entsa jíintrarti.

Isk. 2:3

Tura chichartak “Aentsu uchiri̱yá, Israer shuar ni aparí̱sha umichu tura ántichu ásarmatai nui̱ weme winia chichamur etserkai tusan akupkáttajme. Kame yáunchusha Winia nakitrurarmai tura yamái tsawanta ju̱i̱sha tuke núnisaṉ áiniawai.

Isk. 36:32

Israerá, jú̱ ti paant nekaatarum. Wi Uunt Yus Ashí Aentsu Uuntri̱ asan átum péṉker asakrumin jú̱naka jú̱tikiatsjai. Maa, Israer shuará, jú̱ nekaarum átum yajauch túramu nekamarum natsa̱a̱rum kúntuts enentáimpratarum” Yus tawai.

Tan. 12:2

Ántsaṉ ti untsurí jákarusha iwiarsamunmaya̱ nantakiartatui. Chíkichkia tuke iwiaaku pujustinian tura chíkichkia natsanmai̱ ajakar tuke wáitsatniunam wéartinian nantakiartiniaiti.

Sup. 1:17

Nui̱ṉkia Jiuwá íimmianum tunaan túrawaru ásarmatai wáitsatniuja̱i̱ ashí aentsun asutiáwartatjai. Túram kusurua áintsar yujartatui tura numpe̱sha nuṉká ju̱yu̱ri̱ya̱ núnisaṉ ukarattawai tura namaṉke̱ṉka ijia áinkiartatui.

Rum. 6:21

Tura núja̱i̱sha ¿warí péṉkerna yaintmakmarum? Iistá, yamái natsanmainchakait. Nusha jákatniunam júawai.

Suma. 2:2

Túrasha átumka ju̱ nuṉkanmaya̱ shuarja̱i̱ṉkia chícham peṉké najanawairap. Antsu átum ni yusri̱ áestutai̱ ainia nuka emestuktarum tímiajrume támaitiatrum átum winia chichamur antukchamiarme. ¿Ausha urukamtai umikchaitrum?