Jrm. 3:21 - Yus Papí: Shuarja̱i̱ Yus Yamaram Chicham Najanamu

²¹ Naintia chichamu ántuwawai. Nuka Yus yaintkiat tusa seainiak Israer shuar útainiamuiti. Warí yajauchin túruiniak Uunt Yusnaka ni Yusri̱nkia kajinmatkiaruiti.

Jrm. 3:21 Iomraidhean Croise

Neka. 10:9

Péṉker enentáiji̱a̱i̱ wekaana nuka imiatík enentáimtumatsuk wekaawai. Antsu umitmashím wekaana nuka ni túramuri̱n paant nekanattawai.

Neka. 19:3

Aentska ni nékashtairi̱ji̱a̱i̱ṉ yajauch wekainiaiti. Tura íksaṉ Uunt Yusan ni enentái̱ji̱a̱i̱ṉ makuwaiti.

Isa. 17:10

Warí ámin uwemtikramin Yuska ámeka peṉké kajinmátkiniaitme tura ejamtai̱ram Muchiṉsha ámeka peṉké enentáimtuschaitme. Tuma asam shíirmach araksha araktatrume núnisrumek chíkich nékashtai arakja̱i̱ apatkar jéemtikramusha araktatrume.

Jrm. 12:12

Atsamunam ashí naint írunna nuyá̱ ashí emeskartinkia káunkaruiti. Yamaikia iwiaaku ainia nu péṉker aṉkant pujusártinkia peṉké atsawai. Warí, nuṉka jú̱ náṉkatkamunmaya̱ juarki̱ atú náṉkatkana tímianaisha Uunt Yusa puya̱ri̱ ashí amukártatui.

Jrm. 18:15

Túrasha Wi shuarka Wíniaka kajinmátrukiar najankamu yus ainia nuna kuṉkuinian áestuiniawai. Kame nuna túruiniak yaunchu túrutairi̱nkia kajinmatkiar ti awajirar wekainiawai. Túmainiak jintia péṉker iwiarkamunam wekaatsuk yajauch jintianmaani̱ wekainiawai.

Jrm. 2:32

Warí natsach aentsja̱i̱ tsaniṉcha ainia nusha ni iwiarmamtairi̱ tí shiirmach iwiarkamu ainia nuna tura nuwa̱ nuatnaiyasha ni iwiarmamke̱n ¿kajinmátainiawak? Tuma ai̱ṉ Wi shuar nekapmarchamnia tsawant Wíniaka kajinmátrukiarai.

Jrm. 3:2

Paṉkaim náintiaani̱ íimsakiá. Ámiji̱a̱i̱sha ¿tui̱ tepescharuit? Arapianmaya̱ aents kampuntin atsú nuṉkanam urukainia núnisam jintiasha aents nákakaruitme. Ame tsanirmakum tura yajauch túrakum nuṉkasha mui̱jmiai̱ amajkaruitme.

Jrm. 31:9

Kame útkiar káunkarmataisha atsaṉkrartatjai. Nuya̱ṉka péṉker wainiainiakun entsa írunmanumaani̱ ewekásartatjai. Tura jintiasha péṉker pakamkamu asamtai peṉké tukumkachartatui. Warí Wikia Israera Aparí̱niaitjiai. Tura Epraincha Winia uchir iwia̱i̱ri̱nchukait.

Jrm. 7:29

Ame intiashmeka tsupiram ajapata. Naint tsékeṉkim wakam kúntuts jakamnia enentáimprata. Uunt Yuska suira kaje̱nak nakitiar jú̱ aentsnaka ajapa iniaisaruiti.’

Use. 13:6

Tura yurumkanka amasmajrume túramu asarum núkap yurumá ejemarum atumí enentái̱n naṉkamantu enentáimtumakrum Wíniaka kajinmátrukmiarme.

Mik. 3:9

Maa, Jakupa shuari̱ uuntri̱ árumna nútirmesha antuktarum tura Israera úuntri̱tirmesha péṉker sumamtiktsuk sumamtikiatin mui̱jmiai̱ awajeakrum nekas péṉkera nu ti yajauch awajearme. Atumí yajauchiri̱n Seunka pukuimiua núniktatui. Jerusaréṉka emeskar aya jú̱nik awajsar tsainiakuri̱ṉkia irumpramu átatui.

Wek. 22:32

Tura Uunt Yusa suntari̱ chicharuk “¿Urukamtai umpururmesha menaintiusha asutiam? Wats jú̱ nekaata, Wí iisam ame túramuram netse asamtai ame nemasrumea núnisan jiintiukjiame.

2 Kur. 7:10

Nekaatarum. Yus wakerana nútiksaṉ kúntuts katsunteakka ni enentái̱ Yusai̱ yapaji̱áwai. Nuiṉkia ni tunaarí̱ya̱ uwempraiti. Nuka “túrumainchu túraitjiai” tíchamniaiti. Antsu Yusan enentáimtutsuk kúntuts pujakka ni enentái̱ yapaji̱áshtatui, yapají̱tsuk ni tunaarí̱ya̱ uwemtsuk jakattawai.