Jrm. 3:18 - Yus Papí: Shuarja̱i̱ Yus Yamaram Chicham Najanamu

¹⁸ Nu tsawantinkia Jutanmaya̱sha Israernumia̱ja̱i̱ métek wekasartatui. Túmainiak arakaani̱ matsatainia nuka ni aparí̱ nuṉkan nérentin ajasármia nú nuṉkanam tsaníakuk káunkartatui.

Jrm. 3:18 Iomraidhean Croise

Naṉ. 12:7

Tura nú nuṉkanam Uunt Yus Apraman wantintiuk “Amé shuaran jú̱ nuṉkan susattajai” tímiayi. Tutai Apramka Yus wantintiukma asa Yusan shiir awajeak nui̱ kayan irumar Uunt Yus shiir awajkur áestutai̱n najanamiayi.

Isa. 43:5

Sapijmiakaip, warí Wi ámiji̱a̱i̱ṉkia pujajai. Kame amé shuarnaka nantu tatainmaya̱n ikiankartatjai antsu áminkia etsa̱ akatainmaya̱n itiattajme.

Isa. 43:6

Araki̱a̱ṉka surusta tiártatjai antsu nuṉkaani̱a̱ṉka emetawairap tiártatjai. Winia uchirka jeashtanmaya̱sha nútiksarmek nawantruka nuṉka náṉkata ímiania̱sha ikiatruktarum.

Jrm. 16:15

Nuka tútsuk antsu ‘¡Iwiaakui Uunt Yus Israer shuar arakaani̱ matsatun tura chíkich nuṉkanam achira yajá yaruakma matsatun awakear ikiankarmia nuka!’ títiatrume. Túram ní nuṉke̱ni̱n awakeararan ni úuntri̱n nuṉkan súsarmiaj nui̱ṉ matsasártatjai.

Jrm. 23:8

Antsu Israer shuar tsakiṉmakarma arakaani̱sha tura ashí nuṉkanam matsatainian awakearar ‘Iwiaaku Uunt Yus yajá matsatainian ikiankarua nu iirui’ tiártatui. Túram ni nuṉke̱ni̱ṉ matsamsartatui” tawai Uunt Yus.

Jrm. 3:12

Weme winia chichamur étserkum arakaani̱ íimsam chichaakum ‘Yusan enentáimtichu Israerá Wini̱i̱ṉ waketkitia. Túramka waitnenkartin asamtai Winia kajetái̱rka wáinkiashtatme. Ántsanak kajeknásha túkeka pujuschattajai.

Jrm. 30:3

‘Nekaata tsawant tsawa̱rtatui Wí shuarnaka kame Israer shuarsha núnisaṉ Jutá shuarsha achira yajá yaruakarman awakearartatjai. Túran ni úuntri̱n nuṉkan súsarmiaj nui̱ṉ ataksha awakearan matsasártatjai túran nui̱ṉ matsamsartatui’” tawai Uunt Yus.

Jrm. 31:8

Wats nekaata, nuṉká arakaani̱ matsatutirmincha ikiankattajrume tura nuṉka náṉkatramunam matsatrum nuya̱ncha irurtatjarme. Nuiṉkia kusurúsha, shutuapsha tura nuwa̱ ajamtincha nuyá̱ takusárusha páchitra ártatui. Kame ti untsurí ju̱i̱ṉkia káunkartatui.

Jrm. 50:20

Tura nu tsawant jeatta nuiṉkia Israera tunaarí̱sha tura Jutá tunaarí̱ iirmasarash peṉké waitniakchartatui. Warí ishichik ujukaruitjiana nuna tunaari̱nkia wikia tsaṉkuraruitjiai’ tíniuiti Uunt Yus.

Jrm. 50:4

Nuyá̱ Uunt Yus chichaak “Ukunam átatna nuiṉkia Israer shuar tura Jutá shuara tiraṉki̱sha káunkartatui. Túrunawar ni Yusri̱ Uunt Yusan útkamaikia e̱a̱kartatui.

Jrm. 50:5

Seúnnum wetái tusar jintiá anintrúsar jeawar chícham peṉké kajinmatkichmin najanamunam Uunt Yusai̱ weankártatui.

Jrm. 7:7

ju̱ nuṉkan atumí úuntri̱n yáunchuk tuke susamiaj nui̱ṉ atumniaka apujsattajrume.

Use. 1:11

Nuya̱ṉka Israer shuar Jutá shuarja̱i̱ iruntrar chikichik úuntri̱niak anaikiartatui. Túrawar ashí nuṉkanmaya̱ iruntrartatui. Warí Jisriira tsawantri̱ṉkia ti uunt átatui.

Use. 11:12

Kame Eprainkia waitji̱a̱i̱ tura Israerka anaṉkartutaiji̱a̱i̱ téntatkarai. Tura Jutaka Tunaarincha Yusan anaṉkartutsuk tí peṉker wáinkiartinian nékayat Yusai̱ya̱ kanakiar ní wakeramun túruiniawai.

Use. 2:2

“Atumí nukurí̱ súmamtikiakrumka sumamtikiatarum. Warí yamaikia winia nuá̱rchaiti tura wisha ni áishri̱sh áishri̱nchuitjiai. Tura tsanirmatainkia iniaisati tura tsaniri̱n netsepnum awaṉ tsanirmatainkia iniaisati.

Ams. 9:15

Tura ní nuṉke̱ni̱ṉ Wi súsarmiaj nui̱ṉ matsasártatjana nuya̱ntka peṉké achirar yaruakma áchartatui” nuní̱ tíniuiti Uunt Yus. Amus tu áarmiayi.

Sak. 10:6

Waitnentainiakun Jutanka kakaram awajsaran Jusé shuari̱nkia aṉkant awajsartatjai. Tura náakam ajasárua núnisar Eprainniumia̱ṉka Uunt Yusai̱ warasartatui. Tura ní uchirí̱sha núnaka wáinkiar núnisar warasartatui. Tuíntsuk matsatainia nui̱sha Wíniaka enentáimturiartatui. Áitkiasnak tui̱ matsatainia nuya̱ntka ji̱i̱raran Karaatnum tura Ríwianunam ikiankartatjai. Túrasha ashí aents matsamsatin nuṉka jeashtatui. Núnisaṉ Asiria waantu enentáimtumatairi̱ncha emestukartatjai antsu Ejiptu akuptai̱ naṉkiri̱nkia emeṉkátkattajai.

Sak. 2:6

“Wi ashí nuṉkanam tsakiṉmakma pujatirmesha pai antuktarum” tawai Uunt Yus. “Túrarum arakaani̱ matsatutirmesha jíintratarum” Uunt Yus tawai.