Jrm. 3:16 - Yus Papí: Shuarja̱i̱ Yus Yamaram Chicham Najanamu

¹⁶ Nu nuṉkanam pujusrum núkap pampaakrum ti untsurí ajasrumsha ‘Uunt Yus Aentsja̱i̱ Chícham Najanamu Eṉketai̱’ tíchattarme tawai Uunt Yus. Kame Yusna Eṉketáiṉkia atsumnachu asamtai atakka awaiṉkirmeka peṉké najanashtatrume. Tura ukunmasha nuka peṉké enentáimtuschattarme.

Jrm. 3:16 Iomraidhean Croise

Isa. 61:4

Yaunchu emeskamu ainia nuna iwiarkar ataksha je̱a̱mkartatui tura we̱a̱t matsamtai̱ meṉkara armia nunasha ataksha iwiarkartatui. Núnisaṉ untsurí weanmaya̱ tí yaunchu matsamtai̱ pepru emeskamu ainia nunasha iwiarkartatui.

Isa. 65:17

Tura nekaatarum. Wikia nayaimpincha tura nuṉkancha yamarman najankartatjai. Nuiṉkia emka najankamu armia nuka peṉké kajinmátnaktiatui núnisaṉ enentáimtutcha enentáimtuntsashtatui. 2 Pit. 3:13; Apu. 21:1

Jrm. 3:17

Nu tsawantinkia Jerusaréṉnaka Uunt Yus Akupkur Pujutái̱ri̱ tu anaikiartatui. Tura ashí nuṉkanmaya̱ aentska Uunt Yusa náari̱n pachikiar Jerusaréṉnum iruntrartatui. Nuya̱ṉka ni enentái̱ kátsuram ásarmatai yajauch túriarmia núnisarka túrachartatui.

Jrm. 30:19

Nú aentsnumia̱ ame túramuja̱i̱ yumiṉsajme tusar waras pujuinia nuna chichame̱ jiinkiattawai. Tí nukap pampaṉtatrume túrunarum emeṉkáchmin ajastatrume. Antsu naṉkamantu awajsattajrume túrasha náakmachuka áchattarme.

Jrm. 31:27

“Núnisaṉ tsawant jeamtai Wi Uunt Yus asan Israer nuṉkanam tura Jutanmasha shuarnaka nuyá̱ taṉkuncha ti ipiampárartatjai.

Jrm. 31:8

Wats nekaata, nuṉká arakaani̱ matsatutirmincha ikiankattajrume tura nuṉka náṉkatramunam matsatrum nuya̱ncha irurtatjarme. Nuiṉkia kusurúsha, shutuapsha tura nuwa̱ ajamtincha nuyá̱ takusárusha páchitra ártatui. Kame ti untsurí ju̱i̱ṉkia káunkartatui.

Jrm. 7:4

Núnisrumek wáitrin ainia nu chichainiak ‘Uunt Yusa Jé̱e̱, Uunt Yusa Jé̱e̱, nekas jú̱waiti Uunt Yusa Je̱e̱ṉka’ ajainiakuisha nekasapitia tiirap.

Isk. 37:26

Nu arant aṉkant pujusárat tusan nu shuarja̱i̱ chichaman najanattaj nuka peṉké amukashtatui. Tura nui̱ pujusár pampaṉkarmatai ni pujuiniamunam Yus Shiir Awajtai̱ Je̱a̱run tuke nui̱ átinia nuna apujtusartatjai.

Ams. 9:9

“Tura Israer shuarnaka chíkich chíkich nuṉkanam pujuinia núnaka chikichkiksha meṉkaka̱i̱ṉ tusan trikiu chikichkisha nuṉká akaketsuk tsatsamátniua ímiatrus tsatsámnátⁱ tusan akupkartatjai.

Sup. 3:11

Nu tsawantinkia Winia umirtuktin nakitiakum túraitme núja̱i̱ṉkia natsan awajkámuka áchattame. Warí, ame naṉkamantu enentáimtumatairmin wararin ainia nu aentsnaka amiya̱ṉka jusattajai. Túramu asam Winia akantúrkamu náintrui̱ṉkia atakka peṉké naṉkamantuka enentáimtumaschattame.

Mat. 1:11

Jusíasa uchirí̱ Jekunías ni yachi̱ armia nuja̱i̱. Nui̱ Papirúnianmaya̱ aents Israer shuaran mesetja̱i̱ nupetkar Papirúnianam achirar júkiarmiayi.

Mat. 3:9

Atumsha ‘Iikia Aprajám weaitji’ tu enentáimtumasairap. Nuja̱i̱ uwemprashtatrume. Yus wakerakka ju̱ kayan Aprajáman tiraṉki̱ najankainti tímiayi.