Jrm. 3:15 - Yus Papí: Shuarja̱i̱ Yus Yamaram Chicham Najanamu

¹⁵ Tura murikiun wáinniuncha Winia enentái̱run nékaan amastatjarme. Túram tí peṉker nékainia ásar niṉkia tí shiir waitmaktatrume.

Jrm. 3:15 Iomraidhean Croise

Neka. 10:21

Péṉkera túrinkia ni chichame̱ja̱i̱ untsurí aentsun ikiakáiniawai. Antsu nétseka ní nekascharaṉ jáiniawai.

Jrm. 23:4

Nútiksanak murikiu wáinniuncha apujtusartatjai. Tura nisha péṉker wainiainiam sapijmiainiachuk atakka ashamkachartatui. Núnisaṉ chikichkiksha meṉkakashtatui” tawai Uunt Yus.

Jrm. 31:10

Maa, ashí nuṉkanmaya̱ shuartiram Uunt Yusa chichame̱ antukrum nayantsanam ayamach yajá matsatáinia nusha ju̱ nékamtikiatarum. ‘Uunt Yus Israer shuaran yajá tsakiṉmakarmia nuna ataksha irurartatui. Tura murikiu wáinin ni murikrí̱n irur wainia tímiatrus wáinkiartatui.’

Isk. 34:2

“Aentsu uchiri̱yá, Israer shuar murikiun wáinin ainia nu chicharainiakum ‘Uunt Yus chichaak “Murikiu wáinin niiṉki wáinmamainiana nuka aneararti. Warí, murikiu wáinniuka murikiun wáinkiachartinkiait” túramprume’ tusam murikiu wáinin ujakárta” tawai.

Isk. 34:23

Kame Winia murikru wáinkiatniunka chikichkiniak anaikian Winia takartin Tawitian apujsattajai. Tura niṉkia tí peṉker wainiainiak nú murikiu wainniuri̱ átatui. Jṉ. 10:16

Isk. 37:24

Nuiṉkia Winia takartin Tawitiak úunt akupin tura niṉki ashí wáinin átatui. Nuyá̱ Wi akupkámu umiktin chichamnasha uminiak péṉker túrawartatui.

Ruk. 12:42

Tutai Jesus chichaak “Atumsha péṉker takatan wáinniua núnisketrume. Takatan wáinin ni uuntri̱ takatrí̱n takainia nuna yurumátin jeamtai ayurkamna núiti ni úuntri̱n shiir umirna nu tura péṉker enentáimtana nu.

Tur. 20:28

Tuma asamtai emka atumek íimiastarum. Túrarum nuyá̱ chíkich Yus shuar iistarum. Yus shuaran wáinin ajastarum tusa Yusa Wakaní̱ achirmákurme. Yus shuar ainia núnaka ni numpe̱ja̱i̱ṉ Uunt Jesus sumakchakait.

1 Kur. 2:6

Túmaitiat Yusa nekatairi̱ átsuk. Yúsnan unuimiáraruja̱i̱ Yusa nekatairi̱n áujmatji. Tura Yusa nekatairi̱ṉkia aentsu nekatairi̱ áintsachuiti. Ju̱ nuṉkanam akupin ainia nuna nekatairi̱nchuiti Yúsnaka. Ju̱ nuṉkanam akupniúka ishichik pujus amukachartatuak.

1 Pit. 2:2

Antsu Uunt Jesukrístu waitnenkartutairi̱ nekapsa asarum uchi yama akiinia muntsun ti wakeruinia áintsarmek Yusa chichame̱ aya péṉkerkea nu ti wakeruktarum. Yusa chichame̱ja̱i̱ tuke tsawant tsakakrum tuke uwemprami tusarum túratarum.

1 Sam. 13:14

Túmaitiat ame akupeamurmeka amuturmaktatui. Warí Ni akupkámuri̱ umirkachu asakmin Uunt Yuska aentsun Ni wakerana nuja̱i̱ métek túrinian e̱a̱k anaikiayi ni aentsri̱n akupin átinniaka” tímiayi Samuir.