Jrm. 3:1 - Yus Papí: Shuarja̱i̱ Yus Yamaram Chicham Najanamu

¹ Nuwa̱ ajapamu waketki̱ niniurtukua nu ataksha ní áishri̱ni̱ṉ waketkiti ¿tíminkiait? ¿Nu mátsatkamusha takamtsuk mui̱jmiai̱ ajatsuk? Núnisam ámeka kayá yus tikishmátraitme túmakum nuwa̱ untsurí áishmaṉja̱i̱ tsanirma núnisam tsanirmaitme. Túmayatmekek ¿Amiini̱ṉ waketkittiaj túrutam? túramui Uunt Yus.

Jrm. 3:1 Iomraidhean Croise

YKan. 106:38

Túruiniak Kanaannumia̱ najankamu yusan suíniak uchirí̱ncha nawantri̱ncha peṉké nékachun ni numpe̱n uputúrarmiayi. Tura nu numpa ukarmaja̱i̱ nuṉkasha mui̱jmiai̱n ajasmiayi.

Jrm. 2:20

Warí ámeka tí yaunchuya̱ṉ nuṉka pukutai̱ netuamun waaka nakitiak kupir jiṉkiarmári̱ncha tsuriar ikiuana núnismek amesha túramame. Tura chichaakum “Peṉké umirkashtatjai” tímiame. Tú takum aya̱shí̱n súrin nuwa̱ urukainia núnisam ashí naint tura ashí numi ukat ukatin ainia nui̱ ámeka tepekní̱ wekaimiame.

Jrm. 2:23

Kame ¿itiura wikia mui̱jmiainkia ajakchaitjiai tura Páarnasha peṉké enentáimtuschaitjiai tíminiaitiam? Wats pakanam túramamna nu enentáimsam náṉkamas wekain kamiyuch nekasapitia titiá.

Jrm. 2:7

Tura ashí írunna nu núnisaṉ péṉker yurumak yuámniuram tusan péṉker nuṉkanam atumniaka ikiankamjarme. Túramaitiatrum Winia nuṉkar átum amastinian anajmatramiajrumna nu yajauch mui̱jmiai̱ awajsarume.

Jrm. 22:20

Ríwianunam wakam untsumkata tura Pasannumka ame chichamen ántumtikiarta núnismek Awarímnumia̱sha untsumkata. Warí, ame tsanirmeka ashí emesnakcharaik.

Jrm. 3:22

Ántichu kajen uchí Wini̱i̱n waketratarum. Túrawakrumni̱ṉkia kajen ántichuitrumna nuya̱ṉka péṉker awajsattajrume. Pai, yamaikia Ámeka Uunt Yus ii Yusri̱ asakmin Aminí̱ wininiaji.

Jrm. 3:9

Kame ni tsanirmamuri̱ṉkia tiikia núkapchaiti tu enentáimias nu arantcha niṉkia kayaja̱i̱ tura numiji̱a̱i̱sha tsanirmamai túrak nuṉkancha peṉké mui̱jmiai̱ awajkámai.

Jrm. 31:22

Maaj, ántichu nuwa̱chí aya wekaikiní̱ ajawitmena aushá ¿urutáik sértiniaitiam? Kame imiá nusháa nuna Uunt Yus ju̱ nuṉkanam iniakmastatui. Nuwa̱ áishmaṉkan téntaktatui. Nuwa̱ yama anajmanairua núnis Israer ni Yusri̱n enentáimtustatui” tawai Uunt Yus.

Jrm. 4:1

Waketkitin wakerakmeka Wini̱i̱ṉ waketkitia Israerá tawai Uunt Yus. Wi íimmianumash ame mui̱jmiai̱ túrutairam iniaisámka tura náṉkamsam chichaachkumka

Jrm. 4:14

Maa, Jerusaréṉká uwemprataj tákumka netse enentáim yapaji̱áta. Tura yajauch túruktin iwiarkam takakmena nusha ¿urutáiṉ iniaisatam?

Ukan. 1:2

Káshikia tí waitiak úteak nea̱jkiri̱ṉkia yapiniam wea pujawai. Tura ni ashí anenaitiai̱ri̱ ainia nusha chikichkisha niin atsaṉkratniuka atsawai. Núnisaṉ ashí amikrí̱sha anaṉkawar nemasnaikiarai.

Isk. 16:26

Ame aya̱shim ti súrakum akajtukmame. Tuma asakmin kajerkan asutiámjame túran muí̱jramainia nui̱ surukmajme. Yamaikia nusháa ajasume tura iiji̱a̱i̱ tsanirmatai tusasha seatmacharmayi tura akirmatnasha akirmákcharmayi antsu ame tumá akikmakmame.

Isk. 16:35

Tuma asamtai aya̱shí̱n súrin nuwa̱á, Uunt Yusa chichame̱ antukta. Ame tsanirum tura najankamu yúsrum aya̱shim tsaṉkatka asakmin núnismek ame uchirmi numpé̱ ukaráru asakmin ame tsanirumin tura muí̱jramainiana nunasha irurartatjai. Tura iruraran misú ái̱rtatjame. Túran nuwa̱ tsanirmamtai itiur asuttiain nútiksanak túrattajme. Túran ni uwejé̱e̱n íktusartatjame. Nuya̱ṉka untsurí aentsun ikiatramkartatui tura untsurí nuwa̱sha iimiainiamunmaṉ ame je̱e̱min áesturmawartatui tura ame túraitmena nuja̱i̱ métek asuttiámawartatui. Nuna túran ame akikmakam aya̱shim surutaiṉkia inimiamtiksattajme. Nuya̱ṉka Winia suir kaje̱ntkamursha naṉkaamasmatai tsaṉkuran atakka kajekchattajai.

Use. 1:2

Kame juáruk Uunt Yus timian Useas etserkamia nuka ju̱i̱ti. Nuyá̱ Uunt Yus Useasan chicharuk “Yamaikia tsanirmatai nuwa̱ nuatkam nui̱ yajutmakta. Warí Israer shuar nui̱ pujuinia nu Uunt Yusan iniaisar aya tsanirmatnak pujurainia núnis áiniawai” tímiayi.

Use. 2:2

“Atumí nukurí̱ súmamtikiakrumka sumamtikiatarum. Warí yamaikia winia nuá̱rchaiti tura wisha ni áishri̱sh áishri̱nchuitjiai. Tura tsanirmatainkia iniaisati tura tsaniri̱n netsepnum awaṉ tsanirmatainkia iniaisati.

Sak. 1:3

Túrasha Wini̱n waketkiarti Ashí Akupin Uunt Yus tawai tura Wisha atumí̱n weakartatjai Ashí Akupin Uunt Yus tawai tiartá.

Mat. 5:31

Núnisaṉ yaunchu tiniu ármiayi ‘Shuar ni nua̱ri̱n ajapatniun wakera nuka papí najana susati.’ Muis. 24:1

Muis. 22:21

ni aparí̱ je̱e̱ya̱ a̱a̱ jí̱i̱kiar péprunmaya̱ aents kayaja̱i̱ tukurar máwartatui. Warí Israernum yajauchin túraiti. Áintsaṉ aparí̱ je̱e̱n tsanirma asamtai túrawartatui. Nu túrakrum atumíin tunáa pampartaj tau wárik asakáittiarme.