Jrm. 27:7 - Yus Papí: Shuarja̱i̱ Yus Yamaram Chicham Najanamu

⁷ Ashí uunt nuṉka mátsatkamu ainia nu nincha ni uchirí̱ncha nuyá̱ tiraṉki̱ncha umirkartatui. Nuyá̱ ni nekas tsawantri̱ jeamam uunt nuṉka mátsatkamu ainia nu tura úunt akupin ainia nunasha iniatai̱ awajsártatui.

Jrm. 27:7 Iomraidhean Croise

YKan. 37:13

Túrasha nuna tsawantri̱ emesnarartatna nuna Jiuwaka neka asa wíshikiawai.

Isa. 13:1

Papirúnia urukatta nuna Amusa uchirí̱ Isayas ímiaja̱i̱k wainiak etserkamiayi. Tura tarach naint atsamunam ainia nui̱ awajárum takuitiarum. Núnisrumek aents untsuktarum túrakrumin kakaram áiniana nuna wáitiri̱n waya̱warti. Winia ti shiir awajsamu áinian útsuiniajai. Tura Winia kakaram ainia nunasha untsukarjai. Núnisaṉ Wi nupetmakui warainiana nunasha Wi kajekan akupkámurun umikiarat tusan akupénajai.

Jrm. 27:22

‘Yusa Je̱e̱n takakmatai ainia nu Papirúnianam yaruakma ártatui. Tura Wi íistaj tusan wétataj nú tsawant jeatsa̱i̱ṉ nui̱ṉ pujusártatui. Tura nu tsawant jeamtai mash ikiankan awakeartatjai’ tawai Uunt Yus” tímiayi Jirimías.

Jrm. 34:1

Napukutunusúr Papirúnianmaya̱ úunt akupin ashí ni suntari̱ji̱a̱i̱ tura ashí nuṉka Napukutunusúran umirin armia nuja̱i̱ tura nu arantcha ashí niisháa niisháa mátsatkamunmaya̱ aents Jerusaréṉkan núnisaṉ pepru ayatka téntak matsamármia nu mánit wéarmiayi. Nuya̱ṉka Uunt Yusa chichame̱ Jirimíasan tarimiayi.

Jrm. 44:30

Uunt Yus jú̱nis tíniuiti ‘Ju̱ nekaatarum, Jutanmaya̱ úunt akupniun Setekíasan Papirúnianmaya̱ úunt akupin Napukutunusúra uwejé̱e̱n íktusmiajai. Nútiksanak yamaikia ni nemasri̱ mátaj tusar ni iwiaakmari̱n e̱a̱tainiana nui̱ Ejiptunmaya̱ úunt akupin Parauṉ Úprancha ni nemasri̱ uwejé̱n íktusan iniaiyajai’ Uunt Yus tíniuiti” tímiayi.

Jrm. 52:31

Kame Jutanmaya̱ úunt akupin Juakinkia achikiar jukimiu traintisiáti uwí yajá pujamunam nantu túsetin tura tsawantka paintiséṉkutin Papirúnianmaya̱ úunt akupin Epirmirutak chikichik uwí úunt akupin pujus Jutanmaya̱ úunt akupin Juakinkian waitnentar tsaṉkur sepunmaya̱ṉka jí̱i̱kmiayi.

Tan. 2:37

Úunt akupniu, áminkia Yusak chíkich nuṉkanmaya̱ úunt akupin ainia nunasha iniaṉkas páantin naṉkamaku kakaram ajastinian tsaṉkatramkaiti.

Tan. 4:22

Uunt akupniu, nekas ti émkaitme tura kakaram ajasuitmena nuka ameketme. Nuyá̱ ame akupeamurmesha naṉkamantu ajasam nayaimpiniam jeatak ajasuíti. Tura ashí nuṉkanmaya̱sha akupniuitme.

Awa. 2:7

Túrasha átum atantrámuka tura atumí itiurchat awajtámkartincha aya aneachma ¿wajatramprachartatuak? Túrunawarmataiṉkia átumka ashí atantrámu ¿áchattarmek?

Awa. 2:8

Kame untsurí nuṉkanmaya̱ aents niniu atantáiniakrum aentssha ti kajeṉkrum numpa ti ukaru tura péprunmasha núnisaṉ aents nui̱ matsatainiasha ti itiurchat awajka asakrumin untsurí péprunmaya̱ aents atumniasha nútiksaraṉ atantramprattarme.

Apu. 14:8

Nuyá̱ chíkich suntar, jímiara nu, taa timiai “Pai, Uunt Papirúniaka peṉké meserai. Nisha tuke tsanirmatia núnisaṉ ashí aentsun aar anamkatniua núnisaṉ utsurmai. Tuma asa nisha nú aentsja̱i̱ nupetnak tuke emesnarai.”

Apu. 16:19

Ti uunt péprusha menaint nakantramai. Ashí nuṉkanmaya̱ péprusha sa̱a̱nakiarmai. Nui̱sha Yus ti kajerak Papirúniancha kajinmáttsuk ni kajetáiri̱n yapá umutai̱ya áintsaṉ aarmai.