Jrm. 27:6 - Yus Papí: Shuarja̱i̱ Yus Yamaram Chicham Najanamu

⁶ Wi yamaikia winia takartin Napukutunusúr Papirúnianmaya̱ úunt akupniu uwejé̱n ashí ju̱ nuṉkanka íktusan iniaisaitjiai. Nuya̱sha kampunniunam yajasma írunna nunasha ni iistí tusan súsaitjiai.

Jrm. 27:6 Iomraidhean Croise

2 Akup. 25:28

Juakinji̱a̱i̱ṉkia amikrí̱ya núnis chichasmiayi tura akupin Papirúnianam niji̱a̱i̱ pujuarmia nuja̱i̱ naṉkaamas páantin awajás apujsamiayi.

Isa. 44:28

Tura Wisha Sírun áujmakun ‘Winia shuar wáinniuka níyaiti. Wi wakerajna nuna mash umiktatui. Siru Ists. 1:2 Jerusaréṉkan títinkia ju̱i̱ti, je̱a̱ je̱a̱mma átatui tura Yusa Je̱e̱nka tépakmari̱nkia aeprukma átatui.’ ”

Jrm. 21:7

Uunt Yus chichaak “Nuyá̱ Jutanmaya̱ úunt akupin Setekíasnaka Papirúnianmaya̱ úunt akupin Napukutunusúra uwejé̱n íktusan iniaisattajai. Nuyá̱ takarniúrtiuk aentsush suṉkursha mesetcha tura tsuka amuumam péprunam juákarma núnaka ni nemasri̱ mátaj tusa e̱a̱inia nuna uwejé̱n íktusan iniaisartatjai. Túramtai puya̱ja̱i̱ máwartatui tura waitnentratniuka peṉké atsuttawai” titiá.’

Jrm. 22:25

Ame iwiaakmarmin e̱a̱iniana nuna suan iniaisattajme. Kame Kartíu aents káunkara̱i̱ṉ tusamsha ashamainiamna nui̱ Papirúnianmaya̱ úunt akupin Napukutunusúra uwejé̱e̱n íktuan iniaisattajme.

Jrm. 24:1

Papirúnianmaya̱ úunt akupin Napukutunusúr Jutanmaya̱ úunt akupin Juasimia uchirí̱n Jikiuníasan tura Jutanmaya̱ uuntri̱ armia nunasha je̱a̱ je̱a̱mniuncha, jiruja̱i̱ takakmauncha, Jerusaréṉnumia̱ Papirúnianam achir yaruakaru ai̱ ikiu jimiará chaṉkinnium chumpíamu Uunt Yusa Uunt Je̱e̱n eem apujsamun Uunt Yus iniaktursamai.

Jrm. 25:9

yamaikia ashí shuar arakaani̱ matsatainian tura winia takartinian Papirúnianmaya̱ úunt akupniun Napukutunusúran ashí shuar ju̱ nuṉkanam matsatainia nuna ántsanak nui̱ ayaam pujuinia nunasha káutkar mesetan najatawarti tusan útsukartatjai. Nuyá̱ emeska amukan áujmattsar wishiktai̱ tura peṉké atsá awajsattajai.

Jrm. 28:14

Israera Yusri̱ Ashí Akupin Uunt Yus jú̱nis tawai. Yamaikia ashí uunt nuṉka mátsatka ainia jú̱naka jiruja̱i̱ kuntujnum ikiurtai najanamun Papirúnianmaya̱ úunt akupniun Napukutunusúran umirkarat tusan ikiursajai, kame yamaikia umirkartatui. Núnisnak kampunniunmaya̱ yajasma ainia nunasha nin umirkartatui” tímiayi.

Jrm. 43:10

Túram chicharainiakum ‘Ashí Akupin Uunt Yus Israera Yusri̱ chichaak “Ju̱ nekaata, Winia takartin Papirúnianmaya̱ úunt akupniun Napukutunusúr utitiarum tusan akuptúktatjai. Túran kayan ukarmajna nui̱ ni akupkur pujutái̱ri̱n apujtustatjai tura jutai̱ je̱e̱ncha tí uuntan nui̱ ayapá̱rtatui.

Tan. 4:12

Nu numi nuke̱sha shíirmach tura tí nukap nerekuyi. Nuya̱nak ashí yurumátin armai. Ashí yajasma kampunniunmaya̱sha nu numi mikintrari̱n ejamiarmai. Núnisaṉ chiṉkisha ni kanawe̱n tuke matsamniuyi. Ashí iwiaaku ainia nusha nuya̱nak yurumiarmai.

Tan. 4:22

Uunt akupniu, nekas ti émkaitme tura kakaram ajasuitmena nuka ameketme. Nuyá̱ ame akupeamurmesha naṉkamantu ajasam nayaimpiniam jeatak ajasuíti. Tura ashí nuṉkanmaya̱sha akupniuitme.