Jrm. 27:5 - Yus Papí: Shuarja̱i̱ Yus Yamaram Chicham Najanamu

⁵ ‘Uunt Yus chichaak Winia ti kakarmar kunturun iwiaintiukan nuṉkancha aentsnasha yajasmancha nuṉká írunna nunasha najankamjai tura wi yana wakeraj nuna súsaitjiai.

Jrm. 27:5 Iomraidhean Croise

Naṉ. 1:25

Kame Yuska kampunniunmaya̱ yajasmancha nú weanak tura taṉkuncha núninniak nuyá̱ japinias yujá ainia nunasha núninniak najankamiayi. Tura Yus nuna iis “péṉkeraiti” tímiayi.

Naṉ. 9:6

Kame aentska Wiya áantiaku najanachmakait. Tuma asamtai shuar chikichan mámtaiṉkia nisha mantamnatniuiti.

Ists. 1:2

“Wi Siru Pírsianmaya̱ úunt akupin asan ju̱ chichamam paant étsereajai. Nayaimpinmaya̱ Uunt Yus winia ashí nuṉkanam akupkatniun apujtusuiti tura Jutá nuṉkanam Jerusaréṉnum Uunt Yusa Je̱e̱ je̱a̱mtinian anaitiukuiti. Isa. 44:28

YKan. 102:25

Yámankamtaikniumia̱ nuṉkasha najanamiame tura nayaimpisha Amek ame uwejmiji̱a̱i̱ najankamiame.

YKan. 96:5

Chíkich nuṉka mátsatka ainia nuna yusri̱ṉkia aents najanamu áiniawai túrasha Uunt Yuska nayaimpin najanaiti.

Jiin. 20:11

Warí Uunt Yus nayaimpincha nuṉkancha nayantsancha tura ashí nui̱ írunna nunasha sais tsawantin najankamiayi tura najana umikiu asa siati tsawantiṉkia ayampramiayi. Tura Uunt Yus nú tsawantnaka ayamtai̱ atí tusa akanák shiir awajsámiayi.

Jiin. 6:6

Tuma asamtai Israer shuar jú̱nisam ujakárta. Wikia Úunt Yusaitjiai. Wi, Israer shuaran Ejiptunmaya̱ aents kakaram takamtikiainiak wáitkiainiamunmaya̱ aṉkant awajsartatjai. Winia kakarmarun akupkan tura ti naṉkamantu kakarmarja̱i̱ péṉkera nuna túrakun iniaktustatjana nuja̱i̱ uwemtikiainiakun íksanak Ejiptunmaya̱ṉka ti asutiáwartatjai.

Isa. 42:5

Kame nayaimpin najana ayapá̱ru asa nuṉkancha najana neremtikna núnisaṉ ju̱ nuṉkanam matsatainian mayatkatniun tura iwiaakmancha súana nu Uunt Yus chichaak jú̱nis tawai.

Isa. 44:24

Ame nukú waké̱ ínitia̱ṉ najatma nu Uunt Yus ámin aṉkant awajtámsa jú̱nis túramui “Wi Uunt Yus ashí nájanjai. Aya nayaimpiniak ayapá̱jai nuṉkancha Wiki ayapá̱jai.

Jrm. 27:4

‘Israera Yusri̱ Uunt Yus tawai’ tusa ni úuntri̱n ujakárat tusam akupkarta. Atumí uuntri̱ chicharkuram jú̱nis ujaktarum.

Jrm. 32:17

‘¡Ii Yusri̱ Uunt Yusá! Ámeka ashí tujintkiachu asam kunturam takuim nayaimpisha tura nuṉkasha najankamiame. Ame tujintkiamniaka ishichkisha peṉké atsawai.

Jrm. 51:15

Tura Uunt Yus ni kakarmari̱ji̱a̱i̱ nuṉkan najanamiayi. Núnisaṉ ni nekatairi̱ji̱a̱i̱ nuṉká irunainia nuna tura enentáimtairi̱ji̱a̱i̱ nayaimpiniam irunainia nunasha najankamiayi.

Tan. 2:38

Túrutma asa ashí nuṉkanam aents pujuinia nu tura ashí yajasma pujuinia nusha nuyá̱ nanamtin pujuinia nunasha ámin suramsaiti. Nuna tura ámin mash akupkarai tusa íkturmasuiti. Tura nu muuke̱ kuri ana nuka ámetme.

Tan. 4:14

Nisha kakantar chichaak “Ju̱ numikia ajaktarum. Túrarum kanawe̱ tsupirarum nuke̱sha utsaṉkrum nere̱nka tsakiṉmaktarum. Túrunamtai yajasma nui̱ weatáiniasha tura chiṉkisha kanawe̱n eketainia tsakiṉmakarti.

Tan. 4:17

Wats, Ashí Naṉkamantu Yusa nuke aentsu akupeamuri̱i̱n nekas akupniuiti. Tuma asamtai ni wakera nuna anainiuiti. Núnisaṉ ashí aentsnumia̱ péejchachia nuna akupin awajeawai. Tuma asamtai asutniana nuka nayaimpinmaya̱ wáinin akupkarma nuyá̱ tunaarincha ainia nuka etserkarma nuna ashí aents nekaawarat tusa uminkiattawai” tímiayi.

Tan. 4:22

Uunt akupniu, nekas ti émkaitme tura kakaram ajasuitmena nuka ameketme. Nuyá̱ ame akupeamurmesha naṉkamantu ajasam nayaimpiniam jeatak ajasuíti. Tura ashí nuṉkanmaya̱sha akupniuitme.

Tan. 4:25

Tura áminkia aentsnumia̱ṉka ji̱i̱ki̱ ajunmiartatui. Túrutmawarmatai kampunniunmaya̱ yajasmaja̱i̱ tsaniṉkiam pujuttame. Túmakum waakaja̱i̱ métek sa̱a̱k yútatme. Núnisaṉ saana iniji̱á̱tmattawai. Ashí Naṉkamantu Yus akupin ainia nuna Úunt Akupniuri̱nti tura yana wakera nuna súwiti tu enentáimtumam nuní̱ túrunam siati uwí pujustatme.

Tan. 5:18

Arantutai úunt akupniu, Ashí Naṉkamantu Yus ame apan Napukutunusúran páantin awajás úunt akupin átinian susamiayi.

Tur. 14:15

Tura chicharainiak “Shuara, ¿urukamtai áitkiarum? Iisha yúschaitji. Átumea ánkitji. Peṉké ántrarum túrarmena nu ikiukrum nekas Yus nemarsatarum tusar iisha taji. Nekas Yuska nayaimpincha, nuṉkancha, nayantsancha tura ashí nui̱ írunna nunasha najanaiti.YKan. 146:6

Tur. 17:24

Nekaatarum, nu Uunt Yuska ashí nuṉkan tura nui̱ írunna nuna najanaiti. Tura Nisha nayaimpin nuṉkancha nérenniuri̱nti. Tura aents najanamu je̱a̱nam nú Yuska pujuchuiti.

Tur. 17:26

Nekaatarum. Ashí nuṉkanam matsamsarat tusa nú numpanmaya̱nak ashí aentsun najanamiayi. Tura Yuska ii tsawantri̱n nekapmaiti, ii pujustinniasha nútiksaṉ nakakmiayi.

Muis. 2:19

Túrasha nui̱ Amun aentsja̱i̱ wainniaiyakrumsha itit awajsairap. Tura ni nuṉké̱ ata̱i̱r nérentin ajastai tusarmesha mániawairap. Warí nu nuṉkanka Rauta shuari̱n nui̱ matsamsatniun súsaruitjiai. Tuma asamtai ni nuṉke̱nka amaschamniaitjiarme’ tímiayi.

Muis. 2:21

Nu aentska uunt pepru ti untsuríyayi. Tuma ásar Anak aentsua timianú naya ármiayi. Túrasha Uunt Yus nú aentsnaka Amun aents iimiainiamunam amukármiayi. Túramtai ni akintrukar matsamsarmiayi.

Muis. 32:8

Ashí Naṉkamantu Yus uunt matsamkamun aentsun nuṉkan susamiania nui̱sha aentsnasha akantrámiayi. Nui̱ aentssha tui̱ matsamsartata nunasha Israer shuarja̱i̱ métek nekapmar nuṉkan tesaráwarmiayi.

Muis. 4:17

Núnisrumek nuṉkaya̱ yajasma tura nanamtin ainia nusha nakumkarum najanawairap.

Muis. 4:25

Tuma asamtai uchirmakam núnismek tiraṉkrumkam úuntach ajasam pujusam wariṉkish nakumkam nájankum mui̱jmiai̱ ajasam Uunt Yus íimmianum yajauch túrakrum ákajeakrumni̱ṉkia

Muis. 4:32

Wats yaunchu ámeka atsaamin pujú armia nu tura Yus nuṉkan najana aentsnasha najanamia nuyá̱ juárkirum ashí nuṉkanmasha werum inintrústarum ¿chikichkisha túrachminian túramu wainkiashit? Nuíchuka ju̱naksha ¿antukuashit?

Muis. 4:35

Kame nekas Uunt Yus ju̱i̱ti. Antsu chíkich Yuska atsawai turuttiarat tusa iniakturmasmarme.

Muis. 5:16

Atumí aparí̱sha tura nukurí̱sha ti shiir enentáimtusrum arantúktiniaitrume. Nu túrakrumka nu nuṉkanmasha tí peṉker tura untsurí tsawant pujustatrume.

Muis. 9:29

Warí Israer shuarka Ame achikma áiniawai tura nekas Áminiu ásarmatai ame kunturam imiá kakarma nuja̱i̱ ji̱i̱ram yaruakmiame’ Yusan tímiajai.

Kurs. 1:16

Niji̱a̱i̱ Yus ashí nayaimpiniam írunna nunasha nuṉká írunna nunasha, ashí wáiniaj nunasha núnisaṉ wáintsuj nunasha mashⁱ najanamiayi. Nu arantcha ashí akupin ju̱ nuṉkanam írunna nusha, nayaimpiniam írunna nusha, iwianchnium írunna nusha, ashí Niji̱a̱i̱ najanamu ásar Nin umirkarat tusa najanamu áiniawai.

Isr. 1:2

Kame amúamu tsawantin pujajnia ju̱i̱ṉkia Ni Uchiri̱i̱ní̱ chichartamkaitji. Tura ashí írunna nunasha Niini̱ najanka asa Ni nérentin ajasti tusa Uchirí̱n ashí súsaiti.

Apu. 4:11

“Uuntá, ii Yúsri̱nme. Tuke shiir awajmáinme. Ashí naṉkaamas kakarmaitme. Amek ashí írunna nu najankaitme. Tura aya wakerakum najankamame. Ame wakerakmin irunainiawai” tuíniawai.