Jrm. 27:21 - Yus Papí: Shuarja̱i̱ Yus Yamaram Chicham Najanamu

²¹ Ashí Akupin Uunt Yus Israera Yusri̱ Uunt Yusa Je̱e̱n tura úunt akupniu je̱e̱ncha Jerusaréṉnum juákarmia nuna chichaak

Jrm. 27:21 Iomraidhean Croise

2 Akup. 20:17

Nuyá̱ Uunt Yus chichartamuk ‘Nu tsawant átatna nuiṉkia ame je̱e̱min írunna nuna núnisaṉ ame we̱a̱trumi wariri̱ ikiurtámkiarma ainia nunasha Papirúnianam ashí yarutramkartatui. Túrutmawarmatai ámeka aya jú̱nik juáktatme túramui.

Ists. 1:11

Kame ashí Yúsnan takarkur takakmatai̱ kuriji̱a̱i̱ tura kuitji̱a̱i̱ najankamu armia nuka 5.400 ármiayi. Tura ashí achirar yaruakmaja̱i̱ Sespasár Papirúnianmaya̱ Jerusaréṉnum waketkiarmiayi.

Ists. 1:7

Núnisaṉ úunt akupin Napukutunusúr Jerusaréṉnumia̱ Uunt Yusa Je̱e̱ya̱n Yúsnan takarkur takakmatai̱n yaruak ni najanamu yusri̱ je̱e̱n ikiusármia nuna úunt akupin Siru jusa ashí awakearmiayi.

Isa. 39:6

Pai, antukta. Jiuwá chichartamuk ‘Nu tsawant átatna nui̱ṉkia ame je̱e̱min írunna nuna núnisaṉ ame we̱a̱trum warinia yamaisha tura yáunchusha ikiurtámkiarmia núnaka Papirúnianam ashí yarutramkartatui. Túrutmawarmatai ámeka aya jú̱nik juáktatme.

Jrm. 20:5

Núnisnak péprunam ashí kuítrum írunna tura takatrumiya̱ nerea nuna tura ashí shíirmach ainia núnaka íktusan iniaisattajai. Núnisnak Jutanmaya̱ úunt akupin ainia nuna ashí kuítri̱n ni nemasri̱ uwejé̱n íktuan iniaisattajai. Túramtai utsantua warirí̱ atantar Papirúnianam júkiartatui.

Jrm. 27:20

Warí Juakin Juasimia uchirí̱n Jutanmaya̱ úunt akupniun achik Papirúnianam Jerusaréṉnumia̱n tura Jutanmaya̱ ashí náakam armia nuna júkiarmia nuiṉkia Napukutunusúr Papirúnianmaya̱ úunt akupniuka chíkich yaruakmin irunainia nunasha yaruakcharman ukunmaṉka yaruakartatui.

Jrm. 27:22

‘Yusa Je̱e̱n takakmatai ainia nu Papirúnianam yaruakma ártatui. Tura Wi íistaj tusan wétataj nú tsawant jeatsa̱i̱ṉ nui̱ṉ pujusártatui. Tura nu tsawant jeamtai mash ikiankan awakeartatjai’ tawai Uunt Yus” tímiayi Jirimías.

Ukan. 1:10

Tura nemassha Ame Je̱e̱min ashí shíirmach írunna nuna kasamak yaruakarai. Tura Winia Shiir Awajtai̱ Je̱a̱rui̱ waya̱charti Ame tímiam nui̱ uunt mátsatkamunmaya̱ ainia wáinian Jerusaréṉsha wainkiayi.