Jrm. 27:13 - Yus Papí: Shuarja̱i̱ Yus Yamaram Chicham Najanamu

¹³ Yuska Papirúnianmaya̱ úunt akupniun umirainiachuka mesetja̱i̱sha tsukaja̱i̱sha suṉkurja̱i̱sha uunt nuṉka mátsatkamun jákatniuiti takui̱ ¿urukamtaik amesha tura ame shuarumji̱a̱i̱sha Yus timia nuja̱i̱ métek jakatarum?

Jrm. 27:13 Iomraidhean Croise

Neka. 8:36

Antsu winia tuntupea iniaitiana nuka niṉki yajauch awajmamui tura ashí nakitruinia nuka jákatniun wakeruiniawai.”

Jrm. 17:4

Winia kajetair átum atumí tunaari̱ji̱a̱i̱ ji ikiapárurmena nu keek tuke kapa̱a̱na núniktatui. Kame atumí nuṉke̱ncha Wi susamajrumna nu atumí tunaari̱ji̱a̱i̱ nuka emeṉkákuitrume. Tura nékashtai̱ nuṉkanam atumí nemasri̱n takamtiksattajrume.

Jrm. 24:9

Tura ashí nuṉkanam akupniu nuṉké̱ áiniamunam Wi akuprartatjana nuiṉkia Israer shuar túrunawarma enentáimsar sapijmiatai tura natsan awajtai̱ núnisaṉ métektaku chichamja̱i̱ chichartai̱ áitkiasrik wishiktai̱ nuyá̱ yumiṉtai awajsartatjai.

Jrm. 27:8

Túrasha yamaikia uunt nuṉka mátsatkamu ainia nuka núnisaṉ chíkich akupeamu ainia nusha Papirúnianmaya̱ úunt akupin Napukutunusúran takareachunka tura kuntujé̱n numin awantkátjam tutai surimianka asutiáwartatjai. Kame nú uunt nuṉka mátsatkamun Wikia mesetja̱i̱sha tsukaja̱i̱sha núnisaṉ suṉkurja̱i̱sha ashí jaka amuumam asutiáwartatjai’ tawai Uunt Yus.

Jrm. 38:2

“Uunt Yus ujak chicharuk ‘Ju̱i̱ṉ péprunmaṉ juákuka mesetja̱i̱sha tsukaja̱i̱sha, suṉkurja̱i̱sha jákartatui. Antsu ju̱yá̱ jiinkí̱ Kartíu aentsnum surumakaruka iwiaaku juákartatui.

Jrm. 38:20

Takui̱ Jirimías chicharuk “Wi Uunt Yusa chichame̱n ujajmena ju̱ waitneasam anturkata. Túramka surunkashtatme antsu péṉker pujusam iwiaaku átatme.

Jrm. 38:23

Tura ashí ame nuwemsha uchirmesha Kartíu aentsnum surunkartatui. Amesha Papirúnianmaya̱ akupniúri̱ya̱ṉka pisarchattame antsu achikma átatme. Núnisaṉ jú̱ pepruka áesamu átatui’ tawai Yus” Jirimías tímiayi.

Isk. 18:24

“Túrasha aents péṉkeran túrin péṉker túrutairi̱n iniais ashí mui̱jmiainian Yusa enentáimtichu túrin áiniana nuja̱i̱ métek túraksha ¿iwiaaku pujusminkiait? Ashí péṉker túraitkiusha nuka peṉké enentáimtuntsashtatui. Antsu yajauchin túrak umitsuk tunaan tura asa ni tunaari̱ji̱a̱i̱ṉ jakattawai.

Isk. 18:31

Tura átum tunáa túraitrumna nuya̱ṉka kanakrum ashí iniaisatarum. Túrunarum yamaram enentai tura yamaram enentáimtairam achiktarum. Warí ¿urukamtaik Israer shuartirmesha jakatarum?