Jrm. 27:10 - Yus Papí: Shuarja̱i̱ Yus Yamaram Chicham Najanamu

¹⁰ Niṉkia wáitian etserainiawai atumí nuṉke̱ya̱ akantámkitiaj tusa tura Wi atumín ji̱i̱ra ajapam amuukarat tusar turamainiawai.

Jrm. 27:10 Iomraidhean Croise

Jiin. 22:18

Nuwa̱ uwishin ainia nuka iwiaaku pujustin tsaṉkatnakchati.

Jrm. 14:14

Nuyá̱ Uunt Yus chichartak “Yúsnan etserin ainia nu Winia náarun ántar pachisar waitruá etserainiawai. Kame Wikia niṉkia akupkacharuitjiai. Ímiaja̱i̱k wainkiamuncha waitruá etserainiawai tura ni enentái̱ji̱a̱i̱ṉ waitruá chichartamainiak ju̱ nuṉká ju̱ka mesetcha tsukasha atsuttawai turamainiawai. Túrasha nú Yusnan etserniuka mesetja̱i̱sha tsukaja̱i̱sha amuukartatui. Tura yana ujakármia nu aentsuk jákarmatai Jerusaréṉ jintianam ajapnawartatui. Túrawarmatai yáakesh nin iwiarsatniuka atsuttawai. Nuní̱ túrawaran ní yajauch túrutai̱ji̱a̱i̱ṉ akikiártatjai.

Jrm. 23:16

Ashí Akupin Uunt Yus jú̱nis tawai “Yúsnan etserin ainia nuna chichame̱ anturkairap. Warí átumka ‘ashí tí peṉkera nuna wainkiattajai’ tu enentáimpratarum tusar ántar ujatmainiawai. Kame ni enentáimsaṉ ímiaja̱i̱k wainkiamuncha ujatmainiawai túrasha nuka Uunt Yusa chichame̱nchuiti.

Jrm. 23:25

“Yúsnan etserin ainia nu Winia náarun ántar pachisar ¡Mesekamprajai, mesekamprajai! tusar wait chichaman etserainiana nunasha anturkaruitjiai.

Jrm. 27:14

Yúsnan etserin chichartamainiak ‘Papirúnianmaya̱ úunt akupin umirkairap’ waitruá étseruk turamainia nu anturkairap.”

Jrm. 27:15

Uunt Yus chichaak “Wi nu Yúsnan etserin ainia núnaka akupkacharuitjiai túramaitiat winia náarun ántar pachisar etserainiawai. Núja̱i̱ṉkia tsakiṉmamtikramak amutmakarmatai atumsha niji̱a̱i̱ métek jakattarme” tawai.

Jrm. 27:16

Tura Yúsnan etserin ainia nu tura ashí aents chicharkum “Jú̱nisam atumnia Yúsnan etserin ainia nuna chichame̱ anturkairap tiartá. Étseruk chichartamainiak ‘Nekaata Uunt Yusa Je̱e̱ya takakmatai ainia nu wárik Papirúnianmaya̱ ikiankatárme’ tuinia nuka ántar etserainiawai.

Jrm. 28:11

Tura ashí aents matsatmanum Ananías chicharuk “Uunt Yus jú̱nis tawai ‘Napukutunusúr Papirúnianmaya̱ úunt akupin uunt nuṉkan mátsatkamunam matsatáinia nuna kuntujén kijin awantkatniua nútikia pujurna nuya̱ṉka jimiará uwí átatna nuiṉkia kuntujé̱ya̱ jurusáram aṉkant matsamsartatui’ tawai” tímiayi. Tura Jirimíaska ni wéamunmaṉ wémiayi.

Jrm. 28:16

Tuma asamtai Uunt Yus jú̱nis túramui ‘Nekaata, Uunt Yus timia nuna umikchara̱i̱ṉ tusam ju̱ uwinmaṉ jakattame’ tawai” tímiayi.

Jrm. 32:31

“Tura ju̱ pépruka naṉkamawarmia nuyá̱ juárkimiutaik yamaiya̱ tímiaja̱i̱sha Winia suir awajtuiniak akajtuktinian iniaisacharuiti. Tuma asamtai yamaikia Wi íimmianumia̱ ji̱i̱raran shiákartatjai.

Jrm. 8:19

Pai yamaikia Wi shuara nawantri̱ yajá pujá winiak untsumui. ¿Nuikia Uunt Yuska Seúnnumka pujatsuk? ¿Kame ni úunt akupniuri̱ṉkia nui̱ṉkia atsawak? ¿Urukamtai nakumkamu yusja̱i̱ tura yajaya̱ itiamu ántar áiniana núja̱i̱sha akajtukuram?

Ukan. 2:14

Atumí Yúsnan etserniuri̱sha nekascha nuna tura wáurtaincha wáinkiaruiti. Tura átum achintrar junaktinian nékainiayat atumí tunaarí̱n nekaartamacharmai. Antsu ujatmákmin áyat wait chichaman imiamtikramprattsa ujatmákarmai.

Tan. 4:7

Nuya̱ṉka uwishniusha, yaaja̱i̱ nekamniusha, nekamin Kartíu tura jaká untsuusha káunkarmai. Túramtai wi mesekrampramaj nuna ashí ujakármajai. Túramaitiat mesekran nekaacharmai.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

Muis. 18:10

Núnisaṉ Israer shuartirmeka atumí uchirí̱ áishmaṉchiksha nuwa̱chiksha najankamu yusan aestua enentáimtuiniana nu wainniakcharti. Núnisaṉ iwianchnia̱ unuimiátai̱ papisha unuimiátrairap. Tura nekamin átincha unuimiátrairap. Núnisrumek uwishniumawairap.