Jrm. 26:8 - Yus Papí: Shuarja̱i̱ Yus Yamaram Chicham Najanamu

⁸ Kame Winia chichamur ashí shuar ujakárta. Uunt Yus timia nuna etserak umikmatai Yúsnan pujurniusha núnisaṉ Yúsnan etserniusha tura ashí shuar nui̱ pujuarmia nu Jirimíasan achikiar chicharainiak “Ámeka nekas jakattame” tiármiayi.

Jrm. 26:8 Iomraidhean Croise

Jrm. 1:19

Núnisaṉ ámiji̱a̱i̱sha mánaikiartatui túrasha Wi ámin uwemtikrattsan pujá asamtai peṉké nupettamkachartatui” tawai Uunt Yus.

Jrm. 18:18

Takui̱ chichainiak “Káunkatarum Jirimías chícham najatawarmi. Warí, Yúsnan takarniunka chícham jintíamuka taáttsashtatui tura chicharkatniusha neka ainia nunasha taáttsachartatui. Ántsaṉ Yúsnan etserniuncha chíchamka taáttsachartatui. Pai yamaikia winitiárum jiakarmi túrar ni chichame̱ṉka peṉké anturkachartai” tiármiayi.

Jrm. 18:23

Túrasha Ámeka Uunt Yusru, winia mantuatai tusar chichaman najatruinia nuka ashí nékame. Tuma asamtai ni tunáa túrawarmanumsha akikmatkaraip tura ni tunaarí̱sha Amiiya̱ṉka asakátraraip. Tura Ame kajetáiram jeattana nui̱ṉkia nu túrawarta antsu nui̱ṉkia Ámiji̱a̱i̱ nekapásarti” tímiayi Jirimías.

Jrm. 2:30

Atumí uchirí̱ncha yáiṉchartinian ántran asutiáwaruitjiai. Chicharkámash Winia chichamprunka peṉké antukcharuiti. Tura úunt ya̱wa̱ emesmak itiurawa nútiksar atumí puya̱rí̱ Yúsnan etserniun amukáruiti.

Jrm. 32:3

Warí, Jutanmaya̱ úunt akupin Setekías Jirimíasnaka achik chichaak “¿Urukamtai chichaakum ‘Uunt Yus tawai yamaikia nekaata, jú̱ peprunka Papirúnianmaya̱ úunt akupniu uwejé̱n íktusan iniaiyajai. Túram ata̱i̱ttiawai.

Jrm. 43:1

Uunt Yus nu aentsu Yusri̱ ashí aentsun tu ujakta takui̱ Jirimíaska núnaka mash ujak umikmatai

Ams. 7:10

Amasías Pitirnumia̱ yúsnan takarin Israer shuara akupniúri̱ Jirupuáman chichaman akuptak “Amussha Israernum ame akupniuitmena nuna wait chichamja̱i̱ anaṉkramui. Kame ni étserna nuja̱i̱ ju̱ nuṉkasha katsuntrachmin nekaprayi.

Mat. 22:6

Chikitcha ipiakratniun achikiar yajauch awajsarmai tura chikichnaka máwarmai.

Mat. 27:20

Túrasha Yúsnan pujurniu úuntri̱sha Israer shuara úuntri̱sha “Parapás aṉkant wetí tura Jesus mantamnati” titiarum tusar shuaran akatrarmiayi.

Tur. 5:33

Tutai nuna antukar ti kajerkarmiayi. Túrawar maatai tusar wakeriarmiayi.

Tur. 7:52

Iisiá, atumí úuntri̱sha Yusa etserniuri̱n tuke kajerin ármiayi. Tura nú arant atumí úuntri̱sha Tunaarincha tátatui tu etseru wekaan, mácharmakia. Nútiksarmek yamaisha Tunaarincha támania nusha atumek anaṉkarum máchmakuram.

Apu. 18:24

Kame ni akupkámuja̱i̱ péṉker shuar ti mantamnawaru asamtai nu péprunam ashí yaunchu Yusna etserniu numpe̱sha ashí Yus shuara numpe̱sha tura péṉker shuar ashí nuṉkanam maamu ainia nuna numpe̱sha nui̱ paant wainkiamniaiti” timiai.