Jrm. 26:5 - Yus Papí: Shuarja̱i̱ Yus Yamaram Chicham Najanamu

⁵ ántsarmek Winia takarniur Yúsnan etserniun Wi yawe̱tsuk akuptúkmajrumna nuna chichame̱sha anturkatin nakitiakrumni̱ṉkia

Jrm. 26:5 Iomraidhean Croise

2 Akup. 17:13

Nuyá̱ Uunt Yus Israernumia̱ shuaran tura Jutanmaya̱ shuarnasha ashí ni etserniuri̱ji̱a̱i̱ tura ashí neka Yus chichame̱n ujauya armia nuja̱i̱ chicharainiak “Atumí yajauch túrutairi̱ iniaisarum tura waketkirum Wi akupkámu umiktarum. Kame yaunchu atumí we̱a̱trí̱n ashí umikiarat tusan winia takartin Yúsnan etserniuja̱i̱ akupkámiajai” tímiayi.

2 Akup. 17:23

Tuma asamtai Uunt Yus ashí Ni takarin Yúsnan etserniuri̱ji̱a̱i̱ ujakármia nuja̱i̱ métek Israer shuaran íitian nakitiak níya̱ṉka shitiakarmiayi. Núnis túramtai Israer shuarnaka Asirianmaya̱ aents tariar achirar yaruakarmiayi. Túramu ásar juákaru yamaiya̱ ju̱i̱sha nui̱ṉ pujuiniawai.

2 Akup. 24:2

Túrasha Uunt Yus ni etserniuri̱ armia nuja̱i̱ timia nuna umíak Jutanmaya̱n ashí amukarat tusa Kartíanmaya̱sha, Sírianmaya̱sha tura Muápnumia̱sha núnisaṉ Amunnumia̱ suntarnasha akuptúrarmiayi.

2 Akup. 9:7

Tura ame úuntrumin Akaapa shuari̱ṉkia ashí amukártatme. Winia takarniúr Yúsnan etserniun núnisaṉ Uunt Yusa takarniúri̱ numpe̱n Jisawír ukakmánum yapajmiatrakum túrattame.

Ists. 9:11

Ámin takartámin Yúsnan etserin ainia nuní̱ akupkámiame. Ame chichaakum ‘Nui matsainia nu aentska Yusan enentáimtichu ásar ni mui̱jmiai̱ túrutairi̱n ashí nu nuṉkanmaṉka jamakaruiti tuma ásar aentscha ti netse ásarmatai waya̱rum nérentin ajastatrum nu nuṉkasha mui̱jmiai̱ ajasuíti tukartichmakam.

Jrm. 11:7

Warí atumí aparí̱nkia Ejiptunmaya̱ jí̱i̱rmiaj ímiainia̱ṉ tura yamaiya̱ ímiaja̱i̱sha tuke Winia chichamur anturtuktarum tusan tuke chicharkiaran winiajai.

Jrm. 29:19

Yúsnan etserin Winia chichamprun etseriarma nu yámankamtaikniumia̱ iniaitsuk ujatmákarat tusan akuptúkmiajrumna nusha peṉké anturkachmarme tawai Uunt Yus.

Jrm. 32:33

Antsu anturtukar umirtutsuk tuntupea iniaitiusarmai. Túrutainianak Wikia nin jintintiátniunka iniaisacharmajai. Túrasha peṉké pachittsacharmai núnisaṉ chicharmasha anturtuktinian peṉké nakitruraruiti.

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 35:17

Tuma asamtai Ashí Akupin Uunt Yus Israera Yusri̱ jú̱nis tawai. Jutancha tura Jerusaréṉnum matsatainia nú aentsnaka ashí ni yajauchiri̱n wáitkiasartatjai tusan ujakáruitjiai. Núja̱i̱sha anturtukcharmai. Untsukarmajai túramaitiat ái̱rkacharmai” tímiayi.

Jrm. 44:4

Wikia yaunchu tura iniaitsuk ashí winia takartin Yúsnan etserniun atumín chichartamuk “Ju̱ yajauchin Wi muí̱jiamu iyajna nuka túrawairap” túramprume turamarat tusan tuke akuptínjiarme.

Jrm. 7:13

Antsu yamaikia Uunt Yus chichaak “Ashí nu tura árumni̱ṉ péṉker enentáimpraku tusan chicharkamaitiatrum anturtukchamarme tura untsuamsha ái̱rkachmarme.

Jrm. 7:25

Atumí aparí̱ Ejiptunam matsatu jíintrarmia nuyá̱ juárkimiuk yamaiya̱ tímiaja̱i̱sha ashí Winia takartin Yúsnan etserin áiniana nuna kashi kashini̱ṉ táamtsuk tuke akuptúkiaran winiajai.

Isk. 38:17

Uunt Yus Ashí Aentsu Uuntri̱ jú̱nis chichaak “Winia takartin Israernumia̱ Yúsnan etserniun chicharainiakun ‘Wi aentsun itiurchat awajkartinian ikiatkartiniaitjiai’ tutai yaunchu etserkarmia nuka ¿ámechukaitiam?” tawai.

Ams. 3:7

Warí ii Uuntri̱ Jiuwaka ni takarniúri̱ Yúsnan etserin ainia nuna paant ujatskeka nekaachminia nuna túrichuiti.

Sak. 1:6

Túrasha Winia chichamprun tura akupkámurun Wíniana nuna etserniurja̱i̱ jintíamajna núnaka ¿atumí we̱a̱trí̱ṉkia antukcharmakia? Tuma ásar ataksha enentáimprar chichainiak ‘Ashí Akupin Uunt Yus ii túramuja̱i̱ tura wekasamuja̱i̱ métek asutiámji’” tiármiayi.

Apu. 11:18

Ashí aents kajertámkarmai. Tuma asamtai yamaikia ame kajerkatin tsawantrum jeayi. Jákarusha iniantkim ni túramuri̱ íisartatme. Túram amé shuarka shiir etserturmakua nusha tura Aminiak enentáimturmasarua nusha tura Ámin shiir awajtámsarua nusha ashí mash ti shiira nu súakum akiktatme. Antsu ju̱ nuṉkan emesniuka ashí emesratniunam akupkáttame” tiarmai.