Jrm. 26:3 - Yus Papí: Shuarja̱i̱ Yus Yamaram Chicham Najanamu

³ Maa anturtamkar aṉkant aṉkant ni yajauch túrutairi̱n iniaisarka maak árainti. Túrawarmataiṉkia ni yajauch túrawarmanum nin asutiáwartinian Wi iwiarturaruitiaj núnaka Wisha iniaisaintjiai.’

Jrm. 26:3 Iomraidhean Croise

1 Akup. 21:27

Tura Akaapsha nu chichaman antuk pushiri̱n ja̱a̱r ijiarma suí̱r pushin entsar núja̱i̱ṉ kanuumiayi. Kame túruna péejchach ajas wekaimiayi.

1 Akup. 21:29

“Akaap Wi íimmianum péejchach ajasu ¿wáinkiachumek? Kame túruna asamtai ni iwiaaku pujuttana nui̱ṉkia wáitkiaschattajai. Antsu ni uchirí̱ pujuttana nui̱ wáitkiastatjai” tímiayi.

Jrm. 26:13

Tuma asamtai yamaikia yajauch túratniuka tura atumí túrutairi̱sha iniaisarum atumí Uunt Yusri̱ chichame̱ anturkatarum. Nu túrakrumni̱ṉkia Uunt Yus asutiáwartatjai túramprumna núnaka asutiámashtatrume.

Jrm. 26:19

Nu arantcha Jutanmaya̱ úunt akupin Esekíassha ashí shuarja̱i̱ irunturar Mikíasan ¿máwarmakia? Antsu íksaṉ úunt akupniusha Uunt Yusan ashamak waitnenkarturta tusa Uunt Yusan ¿seachmakia? Nuna túramtaichuk Uunt Yussha nu aentsun waitnentrar asuttsuk ¿iniaisarmia? Warí, iikia imia iik yajauch awajmamainiaji” tiármiayi.

Jrm. 36:3

Jutá shuarnaka ashí Wi yajauch awajsartaj nuna antuk nekaawar ni yajauch wekatai̱ ikiukchartimpiash. Núja̱i̱ṉkia ni yajauch túrutairi̱n tura ni tunaari̱n tsaṉkuraraintjiai.”

Jrm. 36:7

Uunt Yus íimmianum aentsu seamuri̱ jeawainti tura aṉkant aṉkant ni yajauchiri̱ya̱ ataksha waketkiarainti. Warí Uunt Yusa kajetáiri̱ṉkia núnisaṉ Ni suíri̱ṉkia úuntaiti tusa jú̱ aentsun ujakáruiti” tímiayi.

Isk. 12:3

Tuma asamtai aentsu uchiri̱yá, chumpimiam ame pujamna nuyá̱ jiinkim chíkich nuṉkanam achikia júamua áintsamek tsawái̱ ashí aents iimiainiamunam ame je̱e̱minia̱ jiinkim chíkich nuṉkanam wetá. Núja̱i̱ṉkia ‘iikia ántichu shuarapitjia’ tu enentáimtumarchartimpiash.

Isk. 18:21

Kame Yusa enentáimtichu ashí ni tunáa túrutairi̱ya̱ kanakí̱ Wi akupkámun ashí umíakka tura péṉkera nuna ímiatrusaṉ túrakka ti nekas játsuk iwiaaku pujustatui.

Use. 11:9

Wikia áentschaitjiai antsu Úunt Yusaitjiai. Tura Peṉké Tunaarincha asan ju̱ aentsja̱i̱ pujakun péṉker enentáimpramaj nuna umíakun Eprainniaka asuttsuk iniaisattajai.

Juir 2:14

Nisha atumniaka asuttiamtsuk antsu péṉker pujutnum yumiṉkramainiak Uunt Yus atumí Yusri̱ súsatniuncha tríkiun tura wíniuncha suramsashtarpash.

Jns. 4:2

Tura Uunt Yusan chicharuk “Uunt Yusru, winia nuṉkarui̱ pujusan áuchunak tímiaj. Tuma asan Társes péprunmaani̱ pisamjai. Warí nékajme, Ámeka waitnenkartin Úunt Yusaitme, wárik kajechuitme. Núnismek tí waitnenkartin asam asutiáttajme táyatmek enentáimprakriṉkia itiurchatka akupchaitme.