23 Urías Ejiptunam pujan úunt akupin Juasimiai̱ júkiarmiayi. Túram puya̱ja̱i̱ máwar ni aya̱shí̱nkia náṉkamas aents iwiartai̱niam ajapawarmiayi.
Tura nisha ni we̱a̱tri̱ yajauch túrawarmia núnisaṉ túrak Uunt Yus íimmianumsha ti yajauchin túramiayi.
Atumí uchirí̱ncha yáiṉchartinian ántran asutiáwaruitjiai. Chicharkámash Winia chichamprunka peṉké antukcharuiti. Tura úunt ya̱wa̱ emesmak itiurawa nútiksar atumí puya̱rí̱ Yúsnan etserniun amukáruiti.
Warí, kawain íwiarua núnis iwiarsartatui. Kame japikiár júkiar Jerusaréṉ pepru wá̱i̱ti̱a̱i̱ri̱ya̱ núna á̱a̱win ajapawartatui.
Túrasha ju̱ péṉker nekaatarum. Winia mántakrumka atumíin tura ju̱ péprunmasha núnisaṉ aents ju̱i̱ matsatainia nui̱sha umitmákcha numpé peṉké antra ukartatrume. Warí wi étserma atumsha ¿atumí kuishiji̱a̱i̱ṉ antukcharmek? Núnaka tu etserkata tusa Uunt Yus nekas akuptúkuiti” Jirimías tímiayi.
Uunt Yus Juasiman Jutanmaya̱ úunt akupniun chicharuk “Ame shuaruminia̱ṉka Tawit pujutai̱nmaṉka pujuschattawai. Antsu ni aya̱shí̱nkia a̱a̱ etsa̱nam ajapamu átatui tura kashi micha amuam tepettawai.
Ni suntari̱n sepunmaya̱n Juaṉka muuke̱n tsupik itiarti tusa akupkámiayi.
Nisha Israer shuaraitiataṉ Yus Chichaman etserin armia nuna nuamtaketiat máwarmiayi. Tura nú weak Uunt Jesusnasha máwarmiayi. Tura iincha a̱a̱ ji̱i̱ki̱ akuptámkarmiaji. Maa, nisha Yusan shiir enentáimtikiainiatsui. Tura núnisaṉ ashí aentsun kajerainiawai.
Kayaja̱i̱ tukú mantamnawarmiayi, jímiapetek tsupinkiarmiayi, Yusan iniaisarat tusa nekapnasarmiayi, puya̱ja̱i̱ mantamnawarmiayi. Aya wékainiarmiayi, kuítrincha ásar nuapen entsararmiayi, shuar nincha áintrar wáitnenmai awajiármiayi.
Tura ni takatrí̱n umikiarmatai Ti Kajen Yajasma náṉkatkachu wa̱a̱nmaya̱ jiinia nu mesetan najata nupetak máwartatui.