Jrm. 26:2 - Yus Papí: Shuarja̱i̱ Yus Yamaram Chicham Najanamu

² “Uunt Yus jú̱nis tawai ‘Ámeka Uunt Yusa Je̱e̱n wá̱i̱ti̱a̱i̱ri̱n ajapén wajasam ashí shuar Jutanmaya̱ Yusan enentáimtustai tusar Yusa je̱e̱n táartatna nu Wi titiá tájamna nu ashí ujakárta. Wi tájamna nuka chikichík chichamkesha kajinmattsuk tímiatrusmek ashí etserkata.

Jrm. 26:2 Iomraidhean Croise

Jrm. 1:17

Pai, yamaikia weme Wi títiatjamna nu etserkatin iwiarnarta. Túrasha pujuiniakuisha sapijmiakaip. Núja̱i̱nchuka ni pujuiniamunam íksanak ámin sapijmiamtiki̱a̱i̱jiam.

Jrm. 1:7

Tutai Uunt Yus chichartak “Wikia úchitjiai. Péṉker chichaktinian jeatsjai turutip. Antsu ashí Wi akuptiatjamna nui̱ wétatme túram ashí Wi títiatjamna nuke chichaktatme.

Jrm. 19:14

Tura Jirimíaska Tupitnium jú̱ etserkat tusa Uunt Yus akupkámia nuyá̱ waketki̱ támiayi. Nuyá̱ Uunt Yusa Je̱e̱n wá̱i̱ti̱a̱i̱ri̱n naka wajas ashí shuar iruntrarun chicharainiak

Jrm. 23:28

Yúsnan etserin ainia nu ni mesekrampramuri̱n étserkuṉka etserkarti. Antsu Winia chichamprun nekas etserniuitkiuṉka nekasa nuna tímiatrusaṉ etserkati.” Túrasha Uunt Yus chichaak “Trikiu péṉkeri̱ji̱a̱i̱ tura tsuátri̱ji̱a̱i̱sha ¿warí nusha íistiniaitiaj?” tawai.

Jrm. 25:2

Nu chichaman étseruk Jutanmaya̱ṉka ashí aentsun tura Jerusaréṉnum matsatainiancha ashí ujainiak Yúsnan etserin Jirimías chichaak

Jrm. 28:5

Nuyá̱ chíkich Yúsnan etserniusha matsatmanumaṉ tura ashí aents Uunt Yusa Je̱e̱n wajainiamunmaṉ Yúsnan etserin Jirimías etserniun Ananías ái̱kmiayi.

Jrm. 36:10

Nuyá̱ Parukka Uunt Yusa Je̱e̱n Yamaram waiti wá̱i̱ti̱a̱i̱ri̱n yakini̱ papí ain Sapana uchirí̱ Jemarías pujutai̱ tesamu ana nui̱ wakamiayi. Tura Parukka nui̱ wajasaṉ ashí shuar ántuiniamunam Jirimías aarma papí pénuimiu aan achik áujsamiayi.

Jrm. 42:4

Tutai Jirimías aya̱k “Antukjai. Átum tárumna nútiksanak atumí Uunt Yusri̱n seattiajrume. Uunt Yus turuttiatna núnaka ú̱rtsuk ímiatrusnak paant ujaktatjarme” tímiayi.

Jrm. 7:2

“Yamaikia Uunt Yus Je̱a̱ wá̱i̱ti̱a̱i̱ri̱n wajasam ju̱ chicham étserkum ashí Jutá shuartiram ju̱ wáitinmaani̱ waya̱rum Yus shiir awajkuram Uunt Yusa chichame̱ anturkatarum tiartá.

Jrm. 7:27

Tuma asamtai yamaikia Wi tájamna ju̱ ame ashí ujakártatme túrasha peṉké anturtamkachartatui. Ántsamek untsutcha untsukarta túrasha peṉké ái̱rmakchartatui.

Isk. 3:10

Nu arantcha chichartak “Ámeka aentsu uchiri̱yá, ashí Winia chichamprun títiatjamna nu kuíshmiji̱a̱i̱ péṉker antukam enentáimji̱a̱i̱ nekaata.

Isk. 40:4

Tura nu áishmaṉsha chichartak “Aentsu uchiri̱yá, ashí wi ámin iniaktustatjamna nu péṉker esetram iisam tura antukam nekaata. Kame ashí ame wáiniam nu Israer shuar ujakárta tusa itiamuitme” turutmiai.

Mat. 28:20

Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.

Ruk. 19:47

Tuke tsawantin Yusa Uunt Je̱e̱n Jesus uwempratin chichaman unuiniak pujái̱ Yúsnan pujurniu úuntri̱sha, Israer shuara jintinniuri̱sha tura pepru úuntri̱sha itiur mámniakit tusar ti enentáimsarmiayi.

Juaṉ 18:20

Jesussha aya̱k “Ashí aents iimiainiai̱ṉ tuke etserniuitjiai. Israer shuar iruntai̱nmasha tura Yusa Uunt Je̱e̱ncha nuyá̱ Israer shuar irunainia nui̱sha arantsuk tuke etserkaitjiai.

Juaṉ 8:2

Tura kashin tsawa̱r Yusa Uunt Je̱e̱n ataksha támatai ashí shuar Niin káutkarmiayi. Túrawarmatai Jesus pujus unuiniarmiayi.

Tur. 20:20

Ashí péṉker ana nu nekaatarum tusan miji̱atrutsuk jintintiámjarme. Iruntramarmena nui̱ tura aṉkant aṉkant atumí je̱e̱n pujumarmena nui̱sha Yus Chichaman ujakmajrume.

Tur. 5:25

Nu chichamaik áishmaṉ taa chichaak “Áishmaṉ átum sepunam eṉkeamarmena nu Yusa Uunt Je̱e̱n wajasar aentsun jintintiuk pujuiniawai” tímiayi.

Tur. 5:42

Tura Jesukrístunun áujmatsatniun peṉké iniaisacharmiayi. Antsu tuke tsawant Yusa Uunt Je̱e̱ncha tura chíkich je̱a̱nmasha páchitsuk etseriarmiayi.

Muis. 12:32

Ti shiir enentáimtusrum ishichkisha patatsuk tura ementasha ementsuk ashí akupkámu chicham umiktiniaitrume.

Muis. 4:2

Tura ju̱ akupkámu chicham patatsuk núnisaṉ ementsuk atumí Uunt Yusri̱ akupkámu chichamja̱i̱ akupeajrumna nu umiktarum.

Apu. 22:19

Núnisaṉ shuar ju̱i̱ áarman emeneakuiṉkia Yus ni náari̱n iwiaaku pujutai̱ papiniumia̱ japirattawai. Tura ti shiir péprunam waya̱tniun suritkiattawai. Nu péprusha tura nu papisha ju̱i̱ paant ujakma áiniawai.