Jrm. 26:18 - Yus Papí: Shuarja̱i̱ Yus Yamaram Chicham Najanamu

¹⁸ “Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12

Jrm. 26:18 Iomraidhean Croise

2 Akup. 19:25

Nu túrunatniun Wi yaunchu iwiaraitiaj nu ¿antukchakaitiam? Jú̱naka ti yaunchu iwiaraitiaj nuna yamaikia umikjiai. Tuma asamtai ámeka uunt pepru wenuke̱ sá̱a̱rkiaram emestukaruitme.

Neem. 4:2

Nuya̱ṉka Samarianmaya̱ aents ainia nusha tura Samarianmaya̱ suntarsha ántuiniamunam Samparát chichaak “Kakarmachu Jutá shuar, ¿warí jú̱tikiainia? ¿Ataksha Yusai̱ áestuatniun súsawartata? ¿Chikichik tsawantinkitsuk ashí mash amukártata? ¿Tímiau kaya esakútsuk najankartatuak?” timiai.

YKan. 79:1

Yusá, Ámin nekarmachu ainia nu Ame nuṉke̱mi̱i̱n utsanawarai. Tura Ame akantúkma Je̱e̱min arantutsuk ti yajauch awajsarai. ¡Túrawar Jerusaréṉnaka emeskar ikiukiarai!

Jrm. 17:3

Nainniumsha tura pakarí̱ncha ni áestutairi̱ irunainiawai. Kame átumka naint írunna nui̱ ashí atumí nuṉke̱n tikishmátin asakrumin atumí kuítri̱nkia atantramar ashí yarurkarti tusan súsartatjai.

Jrm. 51:37

Papirúnianka peṉké emeskan ashí yajasma matsamtai̱ awajsan aentska peṉké pujuschamnia tsuumai̱ awajsamu asamtai wishiktai̱ juáktatui.

Jrm. 9:11

Jerusaréṉnaka ashí emeskan tsái̱kian tepetar awajkattajai. Túran ku̱jancham matsamtai̱ awajsattajai. Tura Jutanan pepru irunainia nunasha ashí emeskaran aentsri̱sha atsá awajsartatjai.

Mik. 1:1

Jutanmaya̱ úunt akupin Jutam, Akaas tura Esekías pujusármia nu tsawantin Samaria tura Jerusaréṉ túrunatniun Muresétnumia̱ Mikíasan Uunt Yus iniaktusmia nuna Mikías etserkamia nuka ju̱i̱ti.

Mik. 4:1

Nuyá̱ amúamu tsawantinkia Uunt Yusa Je̱e̱ pujana nú naintkia chíkich naint ainia nuja̱i̱ naṉkamantu awajnástatui. Tura untsurí nuṉkanmaya̱ aents nui̱ tseke káunkartatui.

Sak. 8:3

Uunt Yus jú̱nis tawai ‘Wikia Seúnnaka atak ímiatrusnak awajsájai. Jerusaréṉnumsha matsastatjai. Nuyá̱ Jerusaréṉka Nékaskea Nú Pepru tunattawai. Núnisaṉ Ashí Akupin Uunt Yusna Naint Yusna Akantúkma Naint tunattawai.’