Jrm. 26:15 - Yus Papí: Shuarja̱i̱ Yus Yamaram Chicham Najanamu

¹⁵ Túrasha ju̱ péṉker nekaatarum. Winia mántakrumka atumíin tura ju̱ péprunmasha núnisaṉ aents ju̱i̱ matsatainia nui̱sha umitmákcha numpé peṉké antra ukartatrume. Warí wi étserma atumsha ¿atumí kuishiji̱a̱i̱ṉ antukcharmek? Núnaka tu etserkata tusa Uunt Yus nekas akuptúkuiti” Jirimías tímiayi.

Jrm. 26:15 Iomraidhean Croise

Naṉ. 4:10

Tutai Yus chicharuk “¿Urukamtai ausha áitkiam? Ame yatsumi numpe̱ uputúrumna nu nuṉkaya̱ untsurun paant anturkajai” tímiayi.

Naṉ. 42:22

Tuíniakui Ruwincha chicharainiak “Enta, ai̱ yajauch awajsairap tíchamkiajrum. Támaitiatrum anturtukchamiarme. Yamaikia iistarum. Ni jakamunam ii itiurchat pujuiniaji” tímiayi.

2 Akup. 24:4

Warí shuar warinkish túracharu numpe̱ uputúrar tura Jerusaréṉ péprunmasha nu numpan ipiakamtai Uunt Yuska tsaṉkuratniunka peṉké nakitrámiayi.

Neka. 6:16

Yus nakitia nuka sais áiniawai nuíchuka siátiti kame Yus peṉké muí̱jiamuka jú̱ áiniawai.

Neka. 6:17

Naṉkamantu íimiamsatin, waitruatin, maṉkartuatin,

Jrm. 2:30

Atumí uchirí̱ncha yáiṉchartinian ántran asutiáwaruitjiai. Chicharkámash Winia chichamprunka peṉké antukcharuiti. Tura úunt ya̱wa̱ emesmak itiurawa nútiksar atumí puya̱rí̱ Yúsnan etserniun amukáruiti.

Jrm. 2:34

Aents kuítri̱ncha tura umitmákcha ainia nuna numpé̱ ame entsarmarmincha máatraitme. Warí kakarmaja̱i̱ je̱á̱ waya̱ttsa pujasha wáinkiachuitme. Túrasha nuka ashí túraitiatam ámeka

Jrm. 26:12

Tura nuna tuíniakui ashí úuntri̱n núnisaṉ ashí shuar nui̱ pujuarmia nuna Jirimías chicharainiak “Ju̱ je̱a̱ Uunt Yusa Je̱e̱ tura ju̱ péprusha amuukattawai tusan wi étserma antukurmena núnaka tu etserkata Uunt Yus nekas turutin asamtai tajai.

Jrm. 30:1

Uunt Yusa chichame̱ Jirimíasa tarí chicharuk

Jrm. 7:6

yajaya̱ aentssha mitiaikiasha waje̱sha wáitkiachkurminkia nútiksarmek ju̱i̱ tunamkachua nuna numpé̱ uputachkurminkia ántsamek atumek yajauch awajmámkuram chíkich yus áiniana nu tikishmátchakrumni̱ṉkia

Mat. 26:25

Nuyá̱ Jútas suruktaj tana nu Nin chichaak “Uuntá nuikia ¿wíashitiaj?” takui̱ Jesus “Ee, nekas ámetme” tímiayi.

Mat. 26:4

Túrawar anaṉka achikiar maatai tusar Jesusan chichaman jurusármiayi.

Tur. 7:60

Tura tikishmar áujuk “Uuntá, winia jú̱tikruinia ju̱sha makuaraip” tímiayi. Tura nuna ti iniais jakamiayi.

Apu. 16:6

Iis, nu shuar amé shuarumincha tura ame chichammin etserniuncha máwar ni numpe̱n ukatraru ásarmatai Amesha núnismek numpa áarume. Maa, páchitsuk áitkianatin áiniawai.”