Jrm. 24:9 - Yus Papí: Shuarja̱i̱ Yus Yamaram Chicham Najanamu

⁹ Tura ashí nuṉkanam akupniu nuṉké̱ áiniamunam Wi akuprartatjana nuiṉkia Israer shuar túrunawarma enentáimsar sapijmiatai tura natsan awajtai̱ núnisaṉ métektaku chichamja̱i̱ chichartai̱ áitkiasrik wishiktai̱ nuyá̱ yumiṉtai awajsartatjai.

Jrm. 24:9 Iomraidhean Croise

1 Akup. 9:7

Wi Israer shuaran nuṉkan súsarmiaj nuya̱ṉka ji̱i̱ran akuprartatjai. Tura Winia náarun Shiir Awajtai̱ Je̱a̱ atí tusan imiatkincha awajsámaj nunasha ajapa ikiuktiatjai. Túramtai Israer shuarka ashí nuṉkanmaya̱ aents áujmattsar wishiktai̱ juákartatui.

YKan. 69:11

Núnisnak kúntuts pujakur entsatái̱ pushin entsarmatai áujmatkur anajmasar wishiktai̱ awajtúsarmai.

Isa. 65:15

Antsu Ashí Akupin Uunt Yus atumniaka amutmaktatrume. Wi achikma ainia nu yajauchiji̱a̱i̱ yumiṉkrar atumí náari̱ṉkia asakárartatui antsu Yus Ní shuari̱ náari̱nkia yapajtiuáwartatui.

Jrm. 19:8

Tura nu péprunka ashí emeskaran mui̱jmiai̱ wishiktai̱ awajsartatjai. Tura ashí shuar nuní̱ naṉkaamainiaka nuna wáinkiar ¡Aaj, ju̱sha! ¿Urukakua jú̱nikiuitia? tusar tí untsurí ajas araknasha tura shuarnasha emesin ju̱i̱ ashí naṉkaamasua nuna enentáimias ujujmiákiar naṉkaamartatui.

Jrm. 25:18

Jerusaréṉ tura Jutá pépruncha úunt akupniurtiuk tura úuntri̱ntiuk ashí emeskan amuktaj tusan áararmajai. Nu arant ashammai tura yumiṉkramu yamaiya̱ ju̱i̱sha urukuit núnis atí tusan túraitjiai.

Jrm. 26:6

antsu nui̱ṉkia Uunt Yusa Je̱e̱nka Sírun itiurkamaj nútikiattajai. Tura ashí nuṉkanam iismasha ju̱ pépruka yajauchiji̱a̱i̱ yumiṉkramu átatui” tawai Uunt Yus’” tímiayi Jirimías.

Jrm. 29:18

Tura mesetja̱i̱ suṉkurja̱i̱ tsukaja̱i̱sha asutiáwartatjai. Wi nuní̱ turamtai ashí uunt nuṉka mátsatkamunam akupáinia nu ashamái̱ íirmartatui tura ashamái̱ yumiṉkramu tura wishiktai̱ wi ajapa iniaisámiajrumna ímianiaṉ átumka átatrume.

Jrm. 29:22

Jutanmaya̱ Papirúnianam achirar yaruakma yumiṉkramu matsatna nuna chichainiak ‘Setekíasan tura Akaapan Papirúnianmaya̱ úunt akupniun jinium áesawarmia nútiksaṉ Uunt Yus amincha túrutmati’ tiártatui.

Jrm. 34:17

Núja̱i̱ṉkia Wi Uunt Yus asan tájarme. ‘Átum aṉkant aṉkant atumí yachi̱sha tura írutramuri̱sha iniatai̱ram matsatainia nu nekas aṉkant akupkachu asarum aṉkant awajsatin chicham najanamu umirtukchaitrume. Túrachu asakrumin Wikia íksanak atumín aṉkant akupáiniakun mesetja̱i̱sha, suṉkurja̱i̱sha tsukaja̱i̱sha ashí nuṉkanmaya̱ akupeamu ainia nunasha peṉké tsuumaiji̱a̱i̱ kúntuts pujusuk tusan tsaṉkatkattajrume.

Jrm. 42:18

Jirimías tuke chichaak “Ashí Akupin Uunt Yus Israera Yusri̱ chichartamuk ‘Ejiptunam pujustai tusarum wéakrumni̱ṉkia Winia suir kajetáirja̱i̱ Jerusaréṉnum matsatainian itiurkarmaj nútiksanak Winia kajetáirun atumín ukatrattajrume. Tura yumiṉkramu asarum kajertai̱ nuyá̱ yajauch chichartai̱ tura natsan awajtai̱ átatrume. Nuyá̱ atakka jú̱ nuṉkaka apajá̱srumsha peṉké íischattarme’ tawai.

Jrm. 44:12

Tura Jutanmaya̱ juákaru Ejiptunam matsamsatai tusar ní wakerusar ashinkiarma nunasha ashí amukártatjai Ejiptunmaṉ. Kame puya̱ja̱i̱ mantamná tura tsukái kají̱ ajainiak uchichinmaya̱ṉ juárkiṉ uuntcha amú amú ajasártatui. Túrunarum átumka aents pachisar yumiṉtai tura yumiṉkramua ántsarmek iisar ashamtai núnisrumek wishiktai̱ ajastatrume.

Jrm. 44:13

Núnisnak Jerusaréṉnumia̱n asutiáwarmajna nútiksarnak Ejiptunam pujuiniana nunasha mesetja̱i̱ tsukaja̱i̱ tura suṉkurja̱i̱ Wikia asutiáwartatjai.

Jrm. 44:22

Warí, yajauch tura mui̱jmiai̱ áiniana nu átum túramarmena nuna nú arant katsunkí̱ wétinian Uunt Yuska peṉké tujintkiamai. Tuma asa atumí nuṉke̱ṉka aya jú̱nik juak ashammai ajas tura yajauch yumiṉkramu asa yamái urukuit núnis áentsri̱ncha ajasuíti.

Isk. 5:8

Tuma asamtai Uunt Yus ashí aentsu Uuntri̱ ju̱na tawai ‘Wisha núnisnak Jerusaréṉká ámin kajerkattajme tura chíkich nuṉkanmaya̱ aents iimiainiamunmaṉ asutiáttajme.

Muis. 28:25

Uunt Yus tsaṉkampramkakrumin atumí nemasri̱ nupettamkattarme. Tura iruntrarum ashinkiayatrum nini̱ya̱ṉka tsakiṉmakarum pisaktatrume. Núnisrumek ashí nuṉkanmaya̱ aents yajauch iisma átatrume.

Muis. 28:37

Túram ashí nuṉkanam Uunt Yus tui̱ akuptámkattarum nui̱ pujakrumsha mui̱jtiai̱ ántsaṉ áujmattsarⁱ wishiktai̱ wekaittiarme.