Jrm. 24:8 - Yus Papí: Shuarja̱i̱ Yus Yamaram Chicham Najanamu

⁸ Uunt Yus chichaak Jutanmaya̱ úunt akupin Setekíasnaka núnisaṉ úuntri̱ncha tura Jerusaréṉnumia̱ juákaru ju̱ nuṉkanam ikiukiarma áiniana ántsaṉ Ejiptu nuṉkanam pujuinia nunasha ikiu yajauch tí yajauch yúachmin ásarmatai muí̱jkiartatjana nútiksaran yajauch awajsartatjai.

Jrm. 24:8 Iomraidhean Croise

Jrm. 13:7

Nuya̱ṉka Yúpratis wena akachumtai̱ ú̱kman táuran jusamjai túrasha ashí mamuru asa wariṉkish itiurkachminiuyi.

Jrm. 21:10

Warí Uunt Yus chichaak ‘Ju̱ pépruka péṉker túrawarti tátsujai antsu yajauch túrawarat tusan kajerkarjai. Tuma asamtai Papirúnianmaya̱ úunt akupin ekemakti tusan íktusjai.’

Jrm. 24:2

Tura emka chaṉkinniumia̱ṉka ikiu tí peṉker eem nerekma tsamana ímiatrus armai tura chíkich chaṉkinniumia̱ṉka ikiu tí yajauch peṉké yúachmin kaushmaku armai.

Jrm. 24:5

“Uunt Yus Israera Yusri̱ chichaak Jutá suaran achirar yaruakarti tusaran ju̱ nuṉkanmaya̱ ji̱i̱raran Kartíu aentsu nuṉke̱e̱n akuprarmaj núnaka péṉker árat tusan ju̱ péṉker ikiu ainiana tímiatrusaraṉ íisartatjai.

Jrm. 37:10

Wats átum Kartíu aentsri̱ ashí nupetkarmesha tura mesetnum ni suntari̱ aya ishichik juákarua nuka nuap je̱e̱n ashí akaṉma ajasárusha aṉkant aṉkant ni je̱e̱ya̱ jíintrar jú̱ peprunka ekemákarainti” tímiayi.

Jrm. 37:17

Nuyá̱ úunt akupin Setekías Jirimíasan sepunmaya̱ ji̱i̱ktiarum tusa akupkámiayi. Túramtai ni je̱e̱n Jirimíasan itiamtai u̱u̱k inintrak chicharuk “¿Uunt Yusa chichame̱ áwak?” tutai Jirimías aya̱k “Ee awai” tímiayi. Tura tuke chichaki̱ weak “Papirúnianmaya̱ úunt akupniu uwejé̱e̱n íktuan iniaisattajme” tímiayi.

Jrm. 43:1

Uunt Yus nu aentsu Yusri̱ ashí aentsun tu ujakta takui̱ Jirimíaska núnaka mash ujak umikmatai

Jrm. 44:1

Ashí Israer shuar Ejiptu nuṉkanam Mikturnum Tápnisnum Mímpisnum tura Pátrusnum matsamármia núnan Jirimíasai̱ chícham tarimiania nuka chicharuk