Jrm. 24:10 - Yus Papí: Shuarja̱i̱ Yus Yamaram Chicham Najanamu

¹⁰ Nuna túrakun nin tura ni úuntri̱ncha nuṉkan súsarmiaj nuya̱ṉka mesetja̱i̱ tsukaja̱i̱ núnisnak suṉkurja̱i̱ amú amú awajsartatjai” tawai Uunt Yus.

Jrm. 24:10 Iomraidhean Croise

1 Akup. 14:15

Túrasha pintiu entsa amuram urukawa nútiksaṉ Uunt Yus Israer shuarnaka kakaram awati umuchrattawai. Núnisaṉ ni úuntri̱n Uunt Yus péṉker nuṉkan súsarmia nuya̱ṉka ji̱i̱r Yúpratis entsa amaini̱ tsakiṉmakartatui. Warí numin najankamu yusri̱ enentáimtutai̱ awajsarmanum Aseran tikishmátainiak Uunt Yusan akajkaru ásarmatai núnaka túrattawai.

Jrm. 16:4

tí najamin suṉkurja̱i̱ kajinkiartatui. Túrasha e̱a̱tcha e̱a̱rchamu núnisaṉ iwiartasha iwiarsachma ártatui. Antsu arakan péṉker neremtikin nuṉká matsasma núnisar juákartatui. Kame mesetja̱i̱ tura tsukaja̱i̱ amunkartatui. Nuyá̱ ni aya̱shi̱nkia nanamtin yukartin tura nuṉkaya̱ yajasma yukartin ainia nuna yumaṉke̱ ajasártatui” turutmiai.

Jrm. 19:7

Tura Jerusaréṉ nuyá̱ Jutanmaya̱ shuara enentáimmiari̱nkia ju̱i̱ ashí emestuktatjai. Núnisnak ni iwiaakmari̱n e̱a̱tainia nuna uwejé̱n íktusaran ni nemasri̱ puya̱ja̱i̱ amukarat tusan tsaṉkatkartatjai. Kame nu aentsu aya̱shí̱nkia yakiya̱ nanamtin yukartin tura nuṉkaya̱ yajasma yukartin ainia nuna yumaṉke̱ ajasártatui.

Jrm. 21:9

Kame ju̱ péprunam juákartatna nuka puya̱ja̱i̱ mantamnawartatui. Ántsaṉ tsukaja̱i̱sha suṉkurja̱i̱sha jákartatui. Túrasha Papirúnianmaya̱ aents akintrutmakar matsamprutmakarainia nui̱ junakim pachiniamka ni atarartatna nu yurumkum iwiaaku átatme.’

Jrm. 27:8

Túrasha yamaikia uunt nuṉka mátsatkamu ainia nuka núnisaṉ chíkich akupeamu ainia nusha Papirúnianmaya̱ úunt akupin Napukutunusúran takareachunka tura kuntujé̱n numin awantkátjam tutai surimianka asutiáwartatjai. Kame nú uunt nuṉka mátsatkamun Wikia mesetja̱i̱sha tsukaja̱i̱sha núnisaṉ suṉkurja̱i̱sha ashí jaka amuumam asutiáwartatjai’ tawai Uunt Yus.

Jrm. 29:17

Ashí Akupin Uunt Yus tawai. Nekaatarum, Wi mesetnasha tsukancha tura suṉkurnasha akuptúkartatjai. Warí niṉkia ikiu kausha núnisaran enentáimtusartatjai. Núnisaṉ tí kaush ásarmatai yúachmin íkiua núnis awajsartatjai.

Jrm. 29:18

Tura mesetja̱i̱ suṉkurja̱i̱ tsukaja̱i̱sha asutiáwartatjai. Wi nuní̱ turamtai ashí uunt nuṉka mátsatkamunam akupáinia nu ashamái̱ íirmartatui tura ashamái̱ yumiṉkramu tura wishiktai̱ wi ajapa iniaisámiajrumna ímianiaṉ átumka átatrume.

Jrm. 32:24

Wats iistá, wénuk yumputaiji̱a̱i̱ yumpuṉki̱ waya̱war akintrutmaktai tusar ii pépruri̱n tíjiu̱ch ajasárai. Tura Papirúnianmaya̱ aentsja̱i̱ mániawarat tusa íktusmaiti. Núnisaṉ puya̱ja̱i̱ mantamnatniun tura tsukaja̱i̱sha nuyá̱ ijiaja̱i̱sha wáitsartatui. Ame chichakmiamna nuka ímiatrusaṉ jeariarai. Wats, ámeka iyaame.

Jrm. 32:25

Túmaitkiusha Uunt Yusá, Papirúnianmaya̱ aents íktustatiatmek chichartakum “Nekas sumakuiti tiarmi” tusam aents untsukarta. Tura ju̱ nuṉkaka ame kuitji̱a̱i̱ sumakta túrutme’” tímiayi.

Jrm. 34:17

Núja̱i̱ṉkia Wi Uunt Yus asan tájarme. ‘Átum aṉkant aṉkant atumí yachi̱sha tura írutramuri̱sha iniatai̱ram matsatainia nu nekas aṉkant akupkachu asarum aṉkant awajsatin chicham najanamu umirtukchaitrume. Túrachu asakrumin Wikia íksanak atumín aṉkant akupáiniakun mesetja̱i̱sha, suṉkurja̱i̱sha tsukaja̱i̱sha ashí nuṉkanmaya̱ akupeamu ainia nunasha peṉké tsuumaiji̱a̱i̱ kúntuts pujusuk tusan tsaṉkatkattajrume.

Jrm. 42:17

Ashí shuar nui̱ matsamsatai tusar Ejiptunam wétinian wakeriarma nuka mesetja̱i̱ tsukaja̱i̱ tura suṉkurja̱i̱ jákartatui. Núja̱i̱ṉkia iwiaakuka juákchartatui tura Wi ti yajauchin nin itiariártatjana nuiṉkia yáakesh ú̱mkatniuka atsuttawai’ tawai Uunt Yus” Jirimías tímiayi.

Jrm. 42:22

Antsu yamaikia ti nekas nekaatarum. Nu nuṉkanam werí matsamsatai tárumna nuiṉkia mesetja̱i̱ tsukaja̱i̱ suṉkurja̱i̱ kajiṉtatrume” Jirimías tímiayi.

Jrm. 5:12

Tura Uunt Yuska nékatsji tusar Uunt Yuska atsawai núnisrik puya̱sha tura tsukasha wáinkiashtatji.

Jrm. 9:15

Tuma ásarmatai Ashí Akupin Uunt Yus Israera Yusri̱ chichaak “Pai yamaikia jú̱ aentsnaka ajeján ayurawartatjai núnisnak entsancha tséas eṉkeamun árartatjai.

Jrm. 9:16

Núnisarnak nisha tura ni aparí̱sha nekaacharma nuṉkanam tsakiṉmakartatjai. Túrawaran tui̱ matsamártata nui̱sha puya̱ja̱i̱ amú amú awajsartatjai” tawai.

Isk. 6:11

Uunt Yus ashí mui̱jmiai̱ áiniana nuna asutiakui chíkichkia maamu chíkichkia suṉkurja̱i̱ tura chíkichkia tsukaja̱i̱ kaji̱nkiartatui. Paant pujuiniaka suṉkurja̱i̱ tura tíjiu̱ch pujuiniaka maamu ártatui nuyá̱ tenta matsamtuka eṉkeamuka tsukái jákartatui. Nu ashí naṉkaamasmatai Winia kajekmar naṉkaamastatui. Tura najanamu yus enentáimtutai̱ nainnium tura naintiar naintranmasha jákaru tepetar ajainiakui Wikia Úunt Yusaitiajna nuna nekarawartatui. Túran nuṉka kampuntin atsú tépakua nuyá̱ juárkiniak Tiprat nuṉka tímianai ashí amukáran aya jú̱nik júamtikiamtai Wikia Úunt Yusaitiajna nuna paant nekarawartatui’ tawai Uunt Yus” tímiayi.

Muis. 28:21

Tura átum nuṉka nérentin ajasrum matsamsattarmena nui̱ Uunt Yus atumín amumam suṉkuran akuptúrmaktatrumna nuka ju̱ suṉkur áiniawai,

Apu. 6:8

Takui̱ kawái yaṉkun wainkiamjai. Nui̱ ekemia nusha Jákatin náartiniuyi. Tura nuna úkuri̱n Jatai̱ nemarki̱ winimiai. Nusha ashí nuṉkanmaya̱ shuar kuatru akankarmanumia̱ chikichik mátin akupkámu armai. Nisha mesetja̱i̱ tsukaja̱i̱ nuyá̱ suṉkurja̱i̱ tura yajasmaja̱i̱ nu aentsun máwarmai.