Jrm. 24:1 - Yus Papí: Shuarja̱i̱ Yus Yamaram Chicham Najanamu

¹ Papirúnianmaya̱ úunt akupin Napukutunusúr Jutanmaya̱ úunt akupin Juasimia uchirí̱n Jikiuníasan tura Jutanmaya̱ uuntri̱ armia nunasha je̱a̱ je̱a̱mniuncha, jiruja̱i̱ takakmauncha, Jerusaréṉnumia̱ Papirúnianam achir yaruakaru ai̱ ikiu jimiará chaṉkinnium chumpíamu Uunt Yusa Uunt Je̱e̱n eem apujsamun Uunt Yus iniaktursamai.

Jrm. 24:1 Iomraidhean Croise

2 Akup. 24:10

Nú tsawantin Papirúnianmaya̱ úunt akupin Napukutunusúra suntari̱ Jerusaréṉja̱i̱ mániatai tusar káutkar péprun téntakar matsamtúkarmiayi.

Isa. 13:1

Papirúnia urukatta nuna Amusa uchirí̱ Isayas ímiaja̱i̱k wainiak etserkamiayi. Tura tarach naint atsamunam ainia nui̱ awajárum takuitiarum. Núnisrumek aents untsuktarum túrakrumin kakaram áiniana nuna wáitiri̱n waya̱warti. Winia ti shiir awajsamu áinian útsuiniajai. Tura Winia kakaram ainia nunasha untsukarjai. Núnisaṉ Wi nupetmakui warainiana nunasha Wi kajekan akupkámurun umikiarat tusan akupénajai.

Jrm. 27:20

Warí Juakin Juasimia uchirí̱n Jutanmaya̱ úunt akupniun achik Papirúnianam Jerusaréṉnumia̱n tura Jutanmaya̱ ashí náakam armia nuna júkiarmia nuiṉkia Napukutunusúr Papirúnianmaya̱ úunt akupniuka chíkich yaruakmin irunainia nunasha yaruakcharman ukunmaṉka yaruakartatui.

Jrm. 28:4

Núnisnak Jutanmaya̱ úunt akupniun Juasimia uchirí̱ Juakinkian tura ashí Jutanmaya̱ achira Papirúnianam yaruakma armia núnaka awakeartatjai tura Papirúnianmaya̱ úunt akupniu kakarmari̱nkia jurukín kakarmachu awajsattajai’ tawai Uunt Yus” Ananías tímiayi.

Jrm. 29:1

Kame pepru úuntri̱n tura Yúsnan takarniuncha nuyá̱ Yúsnan etserniuncha núnisaraṉ ashí aentsun péprunmaya̱n achirar Jerusaréṉnumia̱ Papirúnianam Napukutunusúr yaruakarma tuke iwiaaku pujuarmia nuna Yúsnan etserin Jirimías papi̱n áatar Jerusaréṉnum pujus Papirúnianam akuptuiniak timia nuka ju̱i̱ti.

Jrm. 29:2

Nuka úunt akupin Jikiuníaska tura nukurí̱sha nuyá̱ ni yáintri̱sha núnisaraṉ Jutanmaya̱ja̱i̱ Jerusaréṉnumia̱ úuntri̱sha ántsaṉ úweje̱ja̱i̱ṉ takakmastinian unuimiátkarusha áitkiasaraṉ jiruja̱i̱ takakma armia nusha ashí yaruakarma ai̱ nuka túrunamiayi.

Jrm. 37:1

Papirúnianmaya̱ úunt akupin Napukutunusúr Jusíasa uchirí̱ Setekíasan úunt akupniua nútikia Jutanam apujsamiayi. Tura Juasima uchirí̱ Juakin pujuya nu akintiak akuptan naṉkamamiayi.

Ams. 3:7

Warí ii Uuntri̱ Jiuwaka ni takarniúri̱ Yúsnan etserin ainia nuna paant ujatskeka nekaachminia nuna túrichuiti.

Ams. 7:1

Uunt Jiuwá ímiaja̱i̱k ju̱na iniaktursayi. Tura ju̱ nekaata, kame árak juukma ataksha yama tsapainiamunam Niṉkia titikriátsan pampamtikmiayi. Tura ju̱sha nekaata, nu araksha émka júukmaka úunt akupin susamu ámanum ataksha yama tsaparmai.

Ams. 7:4

Uunt Jiuwá ju̱na iniaktursamai. Maa Uunt Jiuwaka asutkiartuattsa jinia untsumai. Tura jikia náṉkatkachu wa̱a̱n amuk nuṉkancha anu amukmai.

Ams. 7:7

Nuya̱ṉka ju̱nasha iniaktursamai. Jiru netuar wénuk naka najanamunam ayam Uunt wajamai. Kame kayaja̱i̱ je̱a̱min je̱a̱n je̱a̱mainiak netuar naka awajtai̱n uwejé̱n takakuyi.

Sak. 1:20

Nuya̱ṉka wárikmas kuatru aentsun úweje̱ja̱i̱ṉ warinkisha ti péṉker najanin ainia nuna Uunt Yus iniaktursamai.

Sak. 3:1

Nuya̱ṉka Yúsnan pujurniu uuntri̱ Jusuin iniaktursamai. Kame nisha Uunt Yusa suntari̱ íimmianum naka wajamai. Tura Jusuin sumamtikiataj tusa Satanás ni untsuuri̱ni̱ wajan wainkiamjai.