Jrm. 23:9 - Yus Papí: Shuarja̱i̱ Yus Yamaram Chicham Najanamu

^9-10 “Yúsnan etserin ainia nuja̱i̱ winia enentái̱rui̱ tí itit nekapeakui ashí winia ukunchrusha kurainiawai. Ni jinti̱ṉkia yajauchiti tura ní kakarmari̱ji̱a̱i̱ṉ naka túrichuiti. Kame núṉkaka aya tsanirmatain ajaschaik. Yumiṉkramu asa aya jú̱nik juakai túruna sa̱a̱k írunna nusha kákaarai. Uunt Yus tura Ni chichame̱ tunaarincha asa nampekua núnikjiai tura winiu áishmaṉka aya̱shí̱n amutar itiurniuit nútikruamtai kúntuts nekaprajai.

Jrm. 23:9 Iomraidhean Croise

YKan. 60:3

Maa tsawant ti itiurchat amé shuarumka iniaktusume. Tura umarar pemperaktak ajatai winiu iiṉkia áakrattrame.

YKan. 69:20

Winia wishikrurarma nu ti itiurchat enentáimtikrimiai. Túmakun tí kuntuts nekapeajai. ¿Yaki waitnentrurat? tímiajai. Támasha peṉké atsuarmiayi. Kame e̱a̱knasha wáinkiachmajai.

Isa. 28:1

Eprainniumia̱ shuar nampen ásar waantu enentáimtumamuja̱i̱ tawaspa etseṉkrakua ímiatrus enentáimtumak tura kuku̱j shíirmachitiat kaana núniniaitiat waantu enentáimtumainiana nuka núnisaṉ núkap takakainiak páantin enentáimtumainiana nusha tura winiú nampen ásar nékachu ajasáruka aneararti.

Isa. 29:9

Túrasha enentáimpratarum núnisaṉ nekaschaiti tákurmesha titiarum. Tura kusurúmsha kúsuruk juaktarum. Wíniusha úmachiatrumek nampektarum. Núnisrumek awartiusha umarchiatrumek pemperaktak ajá wekaitiárum.

Isa. 6:5

Nuya̱ṉka chichaakun “¡Chuwa jákashtatjak! Warí wikia nekas yajauchin chicháu tunáa túrin áishmaṉkaitiatan tura núnisaṉ yajauchin chicháu matsatainiamunam pujayatan Úunt Akupniun Ashí Akupin Uunt Yusan wainkiajai” tímiajai. Ruk. 5:8

Jrm. 20:9

Nin atakka peṉké enentáimtuschattajai tura ni naari̱ pachisnash chichatnash peṉké chichaschattajai. Tura winia enentái̱rui̱ ji kapá̱a̱ ukunchrui̱ wayá̱ núnis nekapeajai. Katsuntrataj tukamán tujintiajai.

Jrm. 36:16

Kame ashí nu chichaman antukar sapijmiakar nuamtak mái̱ iiniai ajarmiayi. Tura Parukan chicharainiak “Nekas ashí jú̱ chicham úunt akupin ujaktai” tiármiayi.

Jrm. 5:31

Tuma ásar Yúsnan etserin ainia nusha waitruá etserainiawai tura Yúsnan pujurin áiniana nusha ní enentái̱ji̱a̱i̱ṉᵏⁱ jú̱nisar túratai tuíniawai. Tura Wi shuarsha nuna wakeruiniawai. Túrasha ni amuukatniuri̱ jeamtaisha atumsha ¿warí itiurkatarmek?

Jrm. 8:18

Tí najaimia asan enentái̱rsha jakamnia nekapeawai túrasha tsuákri̱ṉkia peṉké atsawai.

Jrm. 9:1

Wi shuara nawantri̱ kaji̱ṉkiáru enentáimtusar káshisha tura tsawai̱sha úttinniasha ¿yaki entsa akaana nútikruat winia muukrui̱sha tura winia nea̱jkirnasha yaki púkuni jiinia nútikruat winia ji̱rui̱sha?

Ukan. 3:15

Uuntka ti waittsatniun surusuiti tura umartinniaka ti yapan surusuiti.

Isk. 13:3

Uunt Yus Ashí Aentsu Uuntri̱ chichaak etserin enentáincha netse áiniana nusha aneararti. Warí peṉké wainkiachariat ní enentái̱ya̱nak ántar etserainiawai.

Tan. 8:27

Wi Taniar kakarmachu wena wárumchik tsawant jaa pujumjai. Tura ayap ajasmaj nuiṉkia úunt akupniu takatrí̱n takarsamjai. Ímiaja̱i̱k wainkiamaj nuna ashamkamjai túran nekatnasha nekaachmajai.

Awa. 3:16

Nuna antukan takamtsuk purushniarmajai. Núnisnak chichamun antukan chichaktaj tukamán ajamjai. Tura ukunchrusha mamukárua núnikiarmai. Nuyá̱ makursha kurainiarmai. Tuma asamtai ni suntari̱ji̱a̱i̱ káutramkar wáitkiarmastin tsawant jeat tusan warinkisha itiurtsuk aya nunak enentáimtusan útkamaikia nákastatjai.

Rum. 7:9

Yaunchu akupkámun nékachkun náṉkamsanak enentáimniuyajai. Tura akupkámun nekaan tunaan nekaamjai tura jaka áintsanak ajasjai.