Jrm. 23:8 - Yus Papí: Shuarja̱i̱ Yus Yamaram Chicham Najanamu

⁸ Antsu Israer shuar tsakiṉmakarma arakaani̱sha tura ashí nuṉkanam matsatainian awakearar ‘Iwiaaku Uunt Yus yajá matsatainian ikiankarua nu iirui’ tiártatui. Túram ni nuṉke̱ni̱ṉ matsamsartatui” tawai Uunt Yus.

Jrm. 23:8 Iomraidhean Croise

Isa. 11:11

Ántsaṉ nu tsawantinkia Ni shuari̱n Asirianam, Ejiptunam, Pátrusnum, Itiupíanam, Iramnum, Senarnum, nuyá̱ Amat nuṉkanam tura nayants yantamnumsha ishichik juákaru pujuinia nuna Uunt Yus ni kakarmari̱ji̱a̱i̱ awakearartatui.

Isa. 14:1

Uunt Yuska ti nekas Jakupan waitnentrattawai tura Israernaka ataksha awaiṉki̱ achik ní nuṉke̱ni̱ṉ matsasártatui. Tura chíkich aentssha nui̱ káunkar niji̱a̱i̱ tsaniṉkiar Jakupa shuari̱ ajasártatui.

Jrm. 16:14

Tuma asamtai yamaikia nekaatarum, tsawant jeattawai. Kame nú tsawantinkia nekas tajai tusar ‘¡Iwiaakui Uunt Yus Israer shuaran Ejiptunam matsatun ji̱i̱rmia nuka!’ támaka atakka peṉké antuukashtatui, tawai Uunt Yus.

Jrm. 16:15

Nuka tútsuk antsu ‘¡Iwiaakui Uunt Yus Israer shuar arakaani̱ matsatun tura chíkich nuṉkanam achira yajá yaruakma matsatun awakear ikiankarmia nuka!’ títiatrume. Túram ní nuṉke̱ni̱n awakeararan ni úuntri̱n nuṉkan súsarmiaj nui̱ṉ matsasártatjai.

Jrm. 23:3

Tura Winia murikiur juákarun ashí nuṉkanam tsakiṉmakarmaj nuna ikiankaran ní sa̱a̱kri̱ni̱ṉ ataksha matsasártatjai. Túramka pampaṉkar tí untsurí ajasártatui.

Jrm. 29:14

Túrasha atumek e̱a̱tkarum waitkiattarme. Tura achirar yajá yaruakma átumka matsatrumin nuya̱ntka awakeartatjarme. Kame uunt nuṉka mátsatkamunam tura Wi ji̱i̱rá akuprámu tui̱ matsamsaitrum nui̱ pujarmini̱ṉ ashí ikiankan irurtatjarme. Túran tui̱ matsatrumnia̱ achira yaruaktarum tusan tsaṉkamkamjarum nui̱ṉ awakearan ataksha matsastatjarme tawai Uunt Yus.

Jrm. 30:10

Tura ámeka winia takartin Jakupá ashamkaip tura Israerá mayaim ishinkiaip tawai Uunt Yus. Nekaata áme shuarumin chíkich nuṉkanam achira yaruakman uwemtikniunka Witjiai. Jakupka aṉkant pujustaj tusa waketkittiawai tura niṉkia shiir enentáimias yáakesh itit awajsachma pujustatui.

Jrm. 30:3

‘Nekaata tsawant tsawa̱rtatui Wí shuarnaka kame Israer shuarsha núnisaṉ Jutá shuarsha achira yajá yaruakarman awakearartatjai. Túran ni úuntri̱n nuṉkan súsarmiaj nui̱ṉ ataksha awakearan matsasártatjai túran nui̱ṉ matsamsartatui’” tawai Uunt Yus.

Jrm. 31:8

Wats nekaata, nuṉká arakaani̱ matsatutirmincha ikiankattajrume tura nuṉka náṉkatramunam matsatrum nuya̱ncha irurtatjarme. Nuiṉkia kusurúsha, shutuapsha tura nuwa̱ ajamtincha nuyá̱ takusárusha páchitra ártatui. Kame ti untsurí ju̱i̱ṉkia káunkartatui.

Jrm. 32:37

Wikia tí kajekmajai. Yajá nuṉkanam tsakiṉmakan ashí nuṉkanam akuprámaj nuna ataksha awakearan ju̱i̱ ikiankan shiir matsasártatjai.

Jrm. 8:3

Tuma asamtai nu tsawantinkia ju̱ aents imiá yajauch iwiaaku juákarun tui̱ṉsha akuprattajna nui̱sha iwiaaku pujustinji̱a̱i̱ṉkia jákatin imiá péṉker átatui” tawai Ashí Akupin Uunt Yus.

Isk. 34:13

Tura péprunmaya̱ṉka ji̱i̱raran ashí nuṉkanmaya̱ṉ irurartatjai túran ni nuṉke̱ni̱ṉ ikiankartatjai. Tura Israernum naint írunna nui̱sha núnisaṉ ashintsanmasha nuyá̱ aents matsatainia nui̱sha péṉker wainiainiakun ayurawartatjai.

Isk. 36:24

Uunt Yus chichaak “Wisha atumín chíkich nuṉkanam pujuiniatirmin ashí juuka iruran atumí nuṉke̱ni̱ṉ awakearan matsastiniaitjiarme.

Isk. 36:35

Nuna wáinkiar chichainiak ‘Nuṉka ajapamu armia nu yamaikia Eten aja núnin ajaschaik. Tura ju̱ péprusha emeskar ajapamu armia núchak yamaikia iwiarkar wénuimiunam ataksha aents matsatainia’ tiártatui.

Isk. 37:25

Winia takartin Jakupan nuṉkan susamiaj nui̱ matsasártatjai tura ni we̱a̱tri̱ matsamtainmaṉ pujusártatui. Nui̱ṉkia ni uchirí̱sha nuyá̱ nuna uchirí̱sha tura ashí ni shuarak nui̱ṉ tuke pujusártatui, tura Winia takartin Tawit ni úuntri̱ṉkia átatui.

Isk. 39:28

Nuja̱i̱ Wi achirar chíkich nuṉkanam yaruakarat tusan tsaṉkamkan iniaisámiaj nuyá̱ Wiki ataksha chíkich nuṉkanmaya̱ chikichkiṉkisha ikiutsuk ni nuṉke̱ni̱n awakearan irurmatai nui̱ṉkia Wi nekas ni Úunt Yusri̱ntjiana nuna nekarawartatui.

Juir 3:7

Tura átum tui̱ surukmiarum tímianianak ataksha awakearan ikiankartatjai. Túran atumniasha nútiksanak yapajkiattajrume.

Mik. 7:15

Wi Ejiptunmaya̱ ji̱i̱ran yarumkun aents túrachminian túrakun iniaktusarmiaj nútiksanak iniaktustatjarme.

Sup. 3:20

Átum achirar yaruakma matsatrumin aṉkant awajsattajrumna nuka atumí jí̱ji̱a̱i̱ṉ wainkiattarme. Túrunawakrumni̱ṉkia nu tsawantinkia Wiki ikiankattajrume túran Wiki irurtatjarme nu tsawantinkia. Túran ashí nu nuṉkanam aents matsatainia nu shiir awajtai̱ tura nekaamu árat tusan apujsattajrume” tawai Jiuwá.