Jrm. 23:6 - Yus Papí: Shuarja̱i̱ Yus Yamaram Chicham Najanamu

⁶ Tura Ni akuptiatna nu tsawantinkia Jutanmaya̱ shuarka uwemprartatui. Núnisaṉ Israersha aṉkant sapijmiatsuk matsamsartatui. Túramu ásar ‘Uunt Yus ii nekasa nuja̱i̱ métek túrutai̱’ tu anaikiartatui.”

Jrm. 23:6 Iomraidhean Croise

1 Akup. 4:25

Tura Saramúṉ iwiaaku pujumia nui̱ṉkia Israer nuṉkasha núnisaṉ Jutá nuṉkanmasha áintsaṉ Tan nuṉkanmaya̱ juarki̱ Pirshiwia nuṉka tímianaiya̱ aentssha aṉkant pujuarmiayi. Tuma asamtai uwa ajancha tura ikiu numi arakma ajancha aṉkant aṉkant takaku ármiayi.

YKan. 45:5

Tura naṉkiram tí tsakapia nuja̱i̱ úunt akupniu nemasri̱ enentái̱ncha íjiuartatme. Túram untsurí aents nupetkartatme.

Jiin. 9:26

Antsu Kusen nuṉkanmaṉka Israer shuar pujuarmia nui̱ṉkia míchaka kakekachmiayi.

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Isa. 35:9

Uwempraru ainia nuke nu jintianam wekaasartatui. Nuiṉkia úunt ya̱wa̱sha atsuttawai tura kajen yajasma ainia nuka nuniṉkia wekaicha ártatui.

Isa. 42:6

“Wi Uunt Yus nekasa nuja̱i̱ métek túrakun untsukmajme. Tuma asan eṉkesan ewekámsattajme. Núnisnak péṉker wainkian ashí aentsja̱i̱ chícham najanamua núnisan apujsattajme ántsamek ashí nuṉká tsáapnintri̱ átatme. Ruk. 2:32; Tur. 13:47

Isa. 54:17

Nuyá̱ jiru ame mantamnatin najanamuka mantamashtatui. Tura sumamtikiatin tsawant jeattana nu tsawantinkia náṉkamas aents ámin aushá chichartamainia nuka íksamek ashí sumamtikiawartatme. Ju̱ka Uunt Yusan takarin ainia nu sunasartin iwiarturma nuiti tura Wini̱i̱ni̱ṉ ni péṉker túramu paant awajtúsma átatui” tawai Uunt Yus.

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Jrm. 29:11

Wi atumín itiurkattajrum núnaka Wiki nékajai. Ukunam yajauch pujusa̱i̱rum antsu péṉker pujusmintrum tusan péṉker átinian tura shiir pujustinian iwiarturuitjiarmena nu nákastiniaitrume tawai Uunt Yus.

Jrm. 30:10

Tura ámeka winia takartin Jakupá ashamkaip tura Israerá mayaim ishinkiaip tawai Uunt Yus. Nekaata áme shuarumin chíkich nuṉkanam achira yaruakman uwemtikniunka Witjiai. Jakupka aṉkant pujustaj tusa waketkittiawai tura niṉkia shiir enentáimias yáakesh itit awajsachma pujustatui.

Jrm. 31:23

Nuyá̱ Ashí Akupin Uunt Yus Israera Yusri̱ jú̱nis tawai “Yajá yaruakma ataksha ikiankam Jutanam tura pepru nui̱ írunmanum matsamsarum nui̱sha tuke chichaakrum ‘Maa nekasa nuja̱i̱ métek túrutai̱ Yusa naintri̱ Uunt Yus shiir awajtámsati’ títiatrume.

Jrm. 32:37

Wikia tí kajekmajai. Yajá nuṉkanam tsakiṉmakan ashí nuṉkanam akuprámaj nuna ataksha awakearan ju̱i̱ ikiankan shiir matsasártatjai.

Jrm. 33:15

‘Tura nu tsawant jeattana nui̱ṉkia Wi Tawitiai̱ya̱ numí Kanawe̱ tsupikma je̱e̱r ataksha tsakana áitkiattajai. Nisha nekasa nuja̱i̱ súmamtikiuk ju̱ nuṉkanam esetar akupkáttawai.

Jrm. 33:16

Nu tsawantinkia Jutá shuarka uwemtikramu ártatui núnisaṉ Jerusaréṉnumia̱ shuarsha aṉkant sapijmiatsuk matsamsartatui. Tuma asamtai “Iin nekasa nuja̱i̱ ayamprutmaka Úunt Yusaiti” tu anaikiamu átatui.’

Isk. 21:27

Kame ashí emeskan emé emesu awajsattajai. Tura nekas sunastin táamam tuke emeskamuka átatui. Kame nekas nérentin asamtai núnaka Nin susattajai” tímiayi.

Isk. 38:14

Aentsu uchiri̱yá, maa yamaikia Yus Kúkan túratta nu ujakum Uunt Yus Ashí Aentsu Uuntri̱ chichartamuk ‘Nu tsawantai̱ Israer shuar Winia ainia nu itit awajsachma aṉkant ti shiir matsamsartatna nuka ¿ámeka nekashtatmek?’ túramui.

Isk. 48:35

Tura ashí pepru téntakar nekapmarmaka nuiwi mir mitru átatui. Nu tsawanta nuya̱ṉka nu pepru náari̱ṉkia UUNT YUS NUI̱ PUJAWAI tunattawai” timiai Yus.

Tan. 9:24

Áme shuarumka tura Yus akantúkma péprurmesha sataintia tumiṉ iwiarturmaiti. Nuja̱i̱ ashí tunáa tura yajauch túrutai̱sha amukáttawai. Núnisaṉ ashí tunáa túramuja̱i̱ métek akinkiartatui. Túrunamtai aya nekasa nuja̱i̱ métek túratin átatui. Núnisaṉ ímiaja̱i̱k wainkiamusha tura ukunam túrunatin etserkamusha uminkiattawai. Nuya̱ṉka Ti Shiir Tesamusha asuitiji̱a̱i̱ ukatnáktatui.

Tan. 9:7

Maa, Uuntru, naka péṉker túratniuka áminiuiti. Tura ashí Israernumia̱ tura Jutá shuar núnisaṉ Jerusaréṉnum pujuiniana nusha nuyá̱ Ámin nakitramainiakui ji̱i̱ra akuprarma tíjiu̱chisha núnisaṉ yajá pujuiniasha yamái urukainiawa núnisaṉ natsa̱a̱rtinkia íiniuiti.

Use. 1:11

Nuya̱ṉka Israer shuar Jutá shuarja̱i̱ iruntrar chikichik úuntri̱niak anaikiartatui. Túrawar ashí nuṉkanmaya̱ iruntrartatui. Warí Jisriira tsawantri̱ṉkia ti uunt átatui.

Use. 1:7

Antsu Jutanmaya̱ shuarnaka waitnentraran tíshimkiuja̱i̱nchu ántsaṉ puya̱ja̱i̱nchu tura kawaiji̱a̱i̱nchu nu arantcha mesetchaja̱i̱ antsu Ni Uunt Yusri̱ kakarmari̱ji̱a̱i̱ uwemtikrartatjai” tímiayi.

Use. 2:18

Tura nu tsawantinkia Israer shuaran waitnentraran ashí kampunniunmaya̱ yajasma ainia nuja̱i̱ tura yakiya̱ nanamtin ainia núja̱i̱sha nuyá̱ napiji̱a̱i̱sha nawamnairar pujusárat tusan chichaman najanattajai. Tura tíshimkiuncha puya̱ncha núnisaṉ mesetnasha atsutí tusan amuktatjai. Túran imiatkinchanum aṉkant apujsartatjai.

Apt. 1:17

Maa nui̱ Seun naintnium juákaruka uwempraru ártatui. Nu naintkia aya Yusnak akantúkma átatui. Nuya̱ṉka Jakup aentska mashⁱ ni takaku armia núnaka awaṉtumprartatui.

Apt. 1:21

Nuyá̱ uwemtikkiartin Seun naintnium wákartatui túrawar naintiar naintra Esaú nuṉkanka nékaskea nuja̱i̱ métek sumamtikiattawai. Nuya̱ṉka Jiuwá akupin ajastatui.

Sup. 3:13

Israernumia̱ juákarua nuka yajauchin túrichartatui tura wáitniasha chichaschartatui tura ni wene̱nia̱sha anaṉkartuatniuka atsuttui. Warí, péṉker wainkiamu ártatui. Tura yáakesh sapijmiamtikiachma péṉker kanarartatui.”

Sak. 10:6

Waitnentainiakun Jutanka kakaram awajsaran Jusé shuari̱nkia aṉkant awajsartatjai. Tura náakam ajasárua núnisar Eprainniumia̱ṉka Uunt Yusai̱ warasartatui. Tura ní uchirí̱sha núnaka wáinkiar núnisar warasartatui. Tuíntsuk matsatainia nui̱sha Wíniaka enentáimturiartatui. Áitkiasnak tui̱ matsatainia nuya̱ntka ji̱i̱raran Karaatnum tura Ríwianunam ikiankartatjai. Túrasha ashí aents matsamsatin nuṉka jeashtatui. Núnisaṉ Asiria waantu enentáimtumatairi̱ncha emestukartatjai antsu Ejiptu akuptai̱ naṉkiri̱nkia emeṉkátkattajai.

Sak. 3:10

Tura Ashí Akupin Uunt Yus jú̱nis tawai. Nu tsawantinkia aṉkant aṉkant atumí amikri̱ uwa tura ikiu numi ejetari̱n ipiattarme” tímiayi.

Rum. 3:22

Antsu iisha ashí shuarsha núnisaraṉ aya Jesukrístu shiir enentáimtakrin Yus “péṉkeraitme” túramniaitji.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Jir. 3:9

Nuna túran Niji̱a̱i̱ tsaniṉkian pujajai. Tura akupkámu umirkatniuja̱i̱ péṉker ajaschaitjiai antsu Krístun enentáimtakui Yus “péṉkeraitme” túrutui.