Jrm. 23:5 - Yus Papí: Shuarja̱i̱ Yus Yamaram Chicham Najanamu

⁵ Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Jrm. 23:5 Iomraidhean Croise

2 Sam. 23:3

Israera Yusri̱ chichakuiti tura Israernumia̱ kátsuram Kaya aentsun nekasa nuja̱i̱ métek túrawarat tusa akupeana nu chichartak ‘Yus ashamamuja̱i̱ akupeana nuka

YKan. 45:4

Mesetnum nupetmaku asam tura aya nekasa nu túrunati tusam wakerakum ti pachia asam nuyá̱ kakarmachu ainia nu ayamprúku asam tí paantniuitme. Tura untsuurum kakaram asamtai aentsti túrachminia nu túratin nekaattame.

YKan. 80:15

Ame untsuur uwejmiji̱a̱i̱ árak je̱e̱r tsapait tusam araamam nuka ju̱i̱ti.

YKan. 99:4

Maa kakaram úunt akupniu aya nekasa nuke túriniaitme. Ámeka naka nuke chichawitme. Ámeka Israerja̱i̱sha aya naka nu túrakum nekasa nuja̱i̱ métek sumamtikiaitme.

Isa. 4:2

Kame nu tsawantinkia Úunt Yusai̱ya̱ jé̱e̱rtatna nuka ti shíiram núnisaṉ tí paantin wararsamu átatui. Tura nu nuṉka arakri̱ nere̱ja̱i̱ ti wararsamu nuyá̱ Israer shuar iwiaaku pujuartatna nuna iwiarmamke átatui.

Isa. 42:6

“Wi Uunt Yus nekasa nuja̱i̱ métek túrakun untsukmajme. Tuma asan eṉkesan ewekámsattajme. Núnisnak péṉker wainkian ashí aentsja̱i̱ chícham najanamua núnisan apujsattajme ántsamek ashí nuṉká tsáapnintri̱ átatme. Ruk. 2:32; Tur. 13:47

Isa. 45:24

Kame Winia pachitias chichainiak “Aya Uunt Yusai̱ni̱ṉ nekasa nusha tura ti kakarmasha awai” turutiartatui. Tura ashí shuar Niji̱a̱i̱ kajernaikia nuka Ni pujamunam jeawar natsa̱a̱rartatui.

Isa. 52:13

Nekaatarum, Winia takartin nupetmaktatui. Kame uunt awajsar tura páantin awajsamu núnisaṉ ti náakam awajnástatui.

Isa. 53:10

Kame Uunt Yuska awatnarti timia nuja̱i̱ métek mantamnamiayi. Tura niṉkia tunaanum taṉku maar áestuatniua núniktin asa ukunam akiiniawartatna nunasha wáinkiartatui. Nuya̱ṉka náṉkatkachu tsawantnum pujustatui tura Uunt Yus wakeramuka níji̱a̱i̱ṉkia tuke péṉker uminkiattawai.

Isa. 53:2

Ni íismaka nuṉka káarunmaya̱ kaṉkap puṉkái̱ jeana núnikmiayi. Niṉkia naṉkamantu enentáimtumamuri̱sha atsumai, shíirmari̱sha wáitkiachmaji tura iisrisha wakerukchamniauyi.

Isa. 9:5

Kame nupa̱ jiji̱a̱i̱ áesatniua núnisar mesetnum wéakur sapat awerar tásaar ajataiṉkia núnisaṉ mesetnum entsatái̱ pushí numpamkamusha áesnakartatui.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Isa. 9:7

Tura Ni akuptáiri̱ncha nuyá̱ Tawitia pujutái̱ri̱ncha Ni akupeamuri̱ṉkia tí naṉkamantu kakaram ajas núnisaṉ aṉkant pujustincha náṉkatkachu átatui. Núnaka yamaiya̱ ju̱yá̱ tura tuke átinian nekasa nuja̱i̱ métek péṉker túrattawai. Kame Ashí Akupin Uunt Yusa nu tí akasmatak núnaka túrattawai.

Jrm. 22:30

Kame Uunt Yus chichaak “Jú̱ aishmaṉka náari̱sha ni shuari̱ncha nútiksarum áatratarum. Kame iwiaaku pujuttana nui̱sha warinkisha wáitmachu átatui. Warí, ni weanmaya̱ṉka chikichik áishmaṉkesha úunt akupin Tawit pujutai̱nmaṉka ekemsashtatui tura úunt akupniuka atakka akupin peṉké ajaschartatui Jutanmaṉka” tawai Uunt Yus.

Jrm. 23:6

Tura Ni akuptiatna nu tsawantinkia Jutanmaya̱ shuarka uwemprartatui. Núnisaṉ Israersha aṉkant sapijmiatsuk matsamsartatui. Túramu ásar ‘Uunt Yus ii nekasa nuja̱i̱ métek túrutai̱’ tu anaikiartatui.”

Jrm. 29:11

Wi atumín itiurkattajrum núnaka Wiki nékajai. Ukunam yajauch pujusa̱i̱rum antsu péṉker pujusmintrum tusan péṉker átinian tura shiir pujustinian iwiarturuitjiarmena nu nákastiniaitrume tawai Uunt Yus.

Jrm. 30:3

‘Nekaata tsawant tsawa̱rtatui Wí shuarnaka kame Israer shuarsha núnisaṉ Jutá shuarsha achira yajá yaruakarman awakearartatjai. Túran ni úuntri̱n nuṉkan súsarmiaj nui̱ṉ ataksha awakearan matsasártatjai túran nui̱ṉ matsamsartatui’” tawai Uunt Yus.

Jrm. 30:9

Antsu ni Yusri̱ Uunt Yusan tura ni úunt akupniuri̱ Tawitniasha umirkartatui. Kame Wi níniak ataksha nui̱ṉ apujtustatjai.

Jrm. 31:27

“Núnisaṉ tsawant jeamtai Wi Uunt Yus asan Israer nuṉkanam tura Jutanmasha shuarnaka nuyá̱ taṉkuncha ti ipiampárartatjai.

Isk. 21:27

Kame ashí emeskan emé emesu awajsattajai. Tura nekas sunastin táamam tuke emeskamuka átatui. Kame nekas nérentin asamtai núnaka Nin susattajai” tímiayi.

Isk. 34:16

Murik meṉkaka tura waaku ainia nunasha e̱a̱karan ni ai̱ matsatainia nui̱ awaiṉki̱ itiartatjai. Tura kupiniaku ainia nunasha penuarartatjai núnisnak jáiniancha ikiaká̱rartatjai. Nuyá̱ unuerma tura kakaram ainia núnaka amukártatjai” tawai Uunt Yus.

Isk. 34:29

Tura tí peṉker páantin ajanam apujsartatjai. Túramu ásar pujuartatna nui̱ṉkia atakka tsukaikia peṉké amukachartatui. Núnisaṉ chíkich aentssha natsanmai̱ awajkur wishiktasha wishikrachmin ajasártatui.

Tan. 9:24

Áme shuarumka tura Yus akantúkma péprurmesha sataintia tumiṉ iwiarturmaiti. Nuja̱i̱ ashí tunáa tura yajauch túrutai̱sha amukáttawai. Núnisaṉ ashí tunáa túramuja̱i̱ métek akinkiartatui. Túrunamtai aya nekasa nuja̱i̱ métek túratin átatui. Núnisaṉ ímiaja̱i̱k wainkiamusha tura ukunam túrunatin etserkamusha uminkiattawai. Nuya̱ṉka Ti Shiir Tesamusha asuitiji̱a̱i̱ ukatnáktatui.

Use. 1:11

Nuya̱ṉka Israer shuar Jutá shuarja̱i̱ iruntrar chikichik úuntri̱niak anaikiartatui. Túrawar ashí nuṉkanmaya̱ iruntrartatui. Warí Jisriira tsawantri̱ṉkia ti uunt átatui.

Use. 3:5

Tura Israer shuarka ataksha ni Uunt Yusri̱ enentáimturar ni akupniúri̱ Tawitiai̱ waketkiartatui. Tura amúamu tsawantinkia Uunt Yusan ashamainiak kuraṉkar waitnenkartutairi̱n seawar Nin weantúkartatui.

Ams. 9:11

Nu tsawant jeatta nui̱ṉkia Tawitia Yusa Je̱e̱n já̱a̱rar emestukma nuna ashí péṉker iwiarkattajai. Túran yaunchu amia tímiatrusnak awajsattajai.

Mik. 5:3

Túrasha nuwa̱ takustinia nu tsawantri̱ jeamam núnisaṉ chíkich nuṉkanam Israer shuar matsatainia ní shuarja̱i̱ iruntratai tusar waketkiar kaunmam Uunt Yuska ní shuarnaka ajapa iniaisartatui.

Sak. 3:8

Yúsnan pujurniu uuntri̱ Jusuiyá amesha tura ame tsaníakmaram Yúsnan pujurin ámiji̱a̱i̱ pujuinia nuja̱i̱ ukunam ártatna nuna nakumin árumin ju̱ anturkatarum. Nekaatarum, Winia takarniurun Kanawe̱n tutai jé̱e̱rtatna nuna utitiatjai.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Mat. 2:2

Taar inintruiniak “¿Israer shuara úunt akupniuri̱ tui̱ akiiniait? Etsa̱ tatainmaani̱ pujaati ni yaari̱ wainkiamji. Tura tikishmátratai tusar winiaji” tiármiayi.

Juaṉ 1:45

Nuyá̱ Jirip Natanaéran e̱a̱kmiayi. Tura wainiak chicharuk “Muisais Yus akupkámu papinium ‘Anaikiamu tátatui’ tu áarchamkia. Yaunchu Yúsnan etserniusha etserkacharukait. Nu shuar wainkiaji. Jesusaiti, Jusé uchirí̱. Nasarétnumia̱iti” tímiayi.

Juaṉ 1:49

Natanaér nuikia chichaak “Uuntá, nekas Yusa Uchirí̱nme. Israer shuar akupniuitme” tímiayi.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

Isr. 8:8

Antsu péṉkercha áiniakui Israer shuaran chicharainiak “Uunt Yus tawai, Tsawant jeamtai ashí Israer shuarja̱i̱ yamaram chichaman najanattajai.

Apu. 19:11

Nuyá̱ nayaimp uranniun wainkiamjai. Nui̱ kawái puju wantinkiamai. Nu kawainium ekema nuna naari̱ Tí Peṉker Umin tutaiyi. Núnisaṉ Ti Nekas Túrin tutaiyi. Tí peṉker Akupin asa aya nekas péṉker túrak mesetan najanaiti.