Jrm. 23:2 - Yus Papí: Shuarja̱i̱ Yus Yamaram Chicham Najanamu

² Tuma asamtai Uunt Yus Israera Yusri̱ ní murikrí̱n wáinniun chicharuk “Winia murikiur péṉker wáintsuk awakkarum tsakiṉmakrum ipiskáitrurme. Nu túrakrum yajauch túraitrume tura átum nu tura asakrumin Wi íksanak atumín wáitsatniuja̱i̱ asutiáttajrume.

Jrm. 23:2 Iomraidhean Croise

Jiin. 32:34

Pai, yamaikia waketkitia. Túram Wi tímiajmena nui̱ Israer shuar yaruakta. Tura ame wéakmin winia nayaimpinmaya̱ suntar amiin eem wétatui. Nuyá̱ wi asutiátin tsawant jeattana nui̱ ni tunaari̱n asutiáwartatjai” tímiayi.

Jrm. 10:21

Warí murikiu wainniusha netse ajasár Úunt Yusnasha e̱a̱kcharuiti. Túmainiak péṉker wáinkiacharma ásar murikrí̱sha ashí tsakiṉmakaruiti.

Jrm. 11:22

“Ashí Akupin Uunt Yus jú̱nis tíniuiti Wi núnaka asutiáwartatjai. Nátsaka mesetnum jákartatui tura ni uchirí̱sha ni nawantri̱sha tsukái kajinkiartatui.

Jrm. 17:10

Wikia Uunt Yus aentsu enentáinkia émamkesan iirainiajai. Tura enentáimtairi̱nkia nekapsan iirainiajai. Tura asan ni wekasarmaja̱i̱ tura ni túramu urukuit nuja̱i̱ métek aṉkant aṉkant akiktiniaitjiai.

Jrm. 21:12

Tawit shuartirmesha Uunt Yus ju̱na tiniua nu antuktarum. ‘Nékaskea nuja̱i̱ métek péṉker súmamtikiuram achikiar jukimiu wáitkiasma nusha wárik aṉkant awajsatarum. Nuíchuka atumí yajauchiri̱n Winia kajetair ji keek aesa mash awajniua núnis kéekmataisha yaki ikiajnátramkatarum.’

Jrm. 23:34

“Kame Yúsnan etserin tura Yúsnan pujurin núja̱i̱nchuka yaaksha chichaak ‘Ju̱ etserkata Uunt Yus túrutui’ tákui̱ṉkia nú aishmaṉnaka jé̱e̱ntuk Wi asutiáttajai.

Jrm. 44:22

Warí, yajauch tura mui̱jmiai̱ áiniana nu átum túramarmena nuna nú arant katsunkí̱ wétinian Uunt Yuska peṉké tujintkiamai. Tuma asa atumí nuṉke̱ṉka aya jú̱nik juak ashammai ajas tura yajauch yumiṉkramu asa yamái urukuit núnis áentsri̱ncha ajasuíti.

Jrm. 5:29

Kame núnaka ¿túruiniankek asuttsuk iniaisartataj? Uunt nuṉka mátsatkamu tuma ainia núnaka Winia Wakantruka yapajkiachartatuak.

Jrm. 5:9

Nuna túmainiakiuisha ¿asuttsukek iniaisartataj? ¿Tura uunt nuṉka mátsatkamu túmaitkiuisha Wikia yapajmiákchattajak? tawai Uunt Yuska.

Jrm. 8:12

¿Antsu mui̱jmiainian túrawarua nui̱sha natsamainiawak? Warí nekasaiti peṉké natsa̱a̱rcharuiti ántsaṉ péejchachisha ajascharuiti. Tuma ásar iniainiana nuja̱i̱ métek iniarartatui. Tura asutniátin tsawant jeatéma nui̱ nekaska tukumkartatui” tawai Uunt Yus.

Isk. 34:5

Winia murikruka wainniuri̱ atsá ásarmatai yajá tsakiṉmakar kampunniunmaya̱ yajasma yukartin áiniana nu yuamnia ajasár yujainiawai. Warí, tsakiṉmakarusha.

Use. 2:13

Kame Páaran kuṉkuinian áestak kuishniun aki̱i̱tia̱i̱n aki̱a̱r tura tí shiirmach iwiarmamtaiji̱a̱i̱ iwiarmameak tsawantan ántar wasurka asamtai asutiáttajai. Túmak Wíniaka kajinmátruki̱ ni tsaniri̱ji̱a̱i̱ weúwiti” tawai Uunt Yus.

Mik. 7:4

Nuamtak peṉkeri̱ ainia nuka jaṉkia núnis áiniawai nuyá̱ péṉker túriniaitjiai tuinia nusha nara núnis áiniawai. Maa, némas winiatai tusa iin árumna nútirmin yajauch etserin asakrumin asutniátin jeayi. Tuma asamtai yamaikia waurkattarme.

Sak. 10:3

“Murikiu wáinniun kajerkarjai tura nin asutiáwartatjai. Ashí Akupin Uunt Yus ni murikrí̱ Jutan íistatui. Tura kaya eem apujtuatniusha núnisaṉ nuap je̱a̱ ajintruatniusha áitkiasan mánitiai̱ tíshimkiusha nuyá̱ ashí úunt akupniusha Jutanmaya̱ ártatui. Suntar kakarma núnisar tura Uunt Yus niji̱a̱i̱ pujá asamtai ni nemasri̱ncha emesrartatui.

Sak. 11:16

Warí, murik pisarmataisha páchichun núnisaṉ meṉkakamtaisha e̱a̱chun tura jápanum iniáa jáakuisha tsuáchun nuyá̱ pimpikniuncha ayurchan antsu aya péṉkeri̱ ainia nuna nawe̱n kupir namaṉke̱n yua nuna Wi ju̱ nuṉkanam murikiun wáinniun chikichkiniak apujsattajai.

Mat. 25:36

Pushir atsai̱sha átumka surusmiarme. Jaa tepai̱sha iiraimiarme. Sepunam eṉketai̱sha tarum iiraimiarme’ títiatui.

Mat. 25:43

Wait ajá wekai̱sha ikiatrachmarme. Pushirun imiamprai̱sha entsartin suruschamarme. Jaa tepai̱sha tura sepunam eṉketai̱sha íiraichmarme’ tiártatui.

San. 1:27

Nekas Yus Apa awajitsuk shiir umirkatin ju̱i̱ti, mitiaikiasha waje̱sha itiurchatnum pujuiniakuisha yáiṉtiniaiti tura ju̱ nuṉkanam ashí tunáa ana núja̱i̱sha máatrashtiniaiti.