Jrm. 23:16 - Yus Papí: Shuarja̱i̱ Yus Yamaram Chicham Najanamu

¹⁶ Ashí Akupin Uunt Yus jú̱nis tawai “Yúsnan etserin ainia nuna chichame̱ anturkairap. Warí átumka ‘ashí tí peṉkera nuna wainkiattajai’ tu enentáimpratarum tusar ántar ujatmainiawai. Kame ni enentáimsaṉ ímiaja̱i̱k wainkiamuncha ujatmainiawai túrasha nuka Uunt Yusa chichame̱nchuiti.

Jrm. 23:16 Iomraidhean Croise

1 Akup. 22:11

Nuyá̱ Kiniana uchirí̱ Setekías kátsuram jiruja̱i̱ kachun najankauya nu chichaak “Uunt Yus chichaak ‘Sírianmaya̱ṉka ju̱ja̱i̱ iṉkiuam awakkam mash amuktatme’ tíniuiti” tímiayi.

2 Akup. 17:15

Kame Uunt Yus akupkámu tura Israer shuara we̱a̱trí̱ji̱a̱i̱ umiktin chichaman yaunchu najanamuncha nakitrar Yus umiktarum tusa chicharkarmaitiat antukcharmiayi. Tura ju̱ nuṉkanmaya̱ antra nuna wakerukar niṉki ántar awajmámsarmiayi. Warí aents ayamach matsamármia nuna túrutairi̱ átumka túrawairap Uunt Yus tímiaitiat nisha núnisaṉ túrawarmiayi.

Neka. 19:27

Uchiru, jintinkratai̱ nekatai̱nmaya̱ akantámkimia nuka anturkaip.

Jrm. 14:14

Nuyá̱ Uunt Yus chichartak “Yúsnan etserin ainia nu Winia náarun ántar pachisar waitruá etserainiawai. Kame Wikia niṉkia akupkacharuitjiai. Ímiaja̱i̱k wainkiamuncha waitruá etserainiawai tura ni enentái̱ji̱a̱i̱ṉ waitruá chichartamainiak ju̱ nuṉká ju̱ka mesetcha tsukasha atsuttawai turamainiawai. Túrasha nú Yusnan etserniuka mesetja̱i̱sha tsukaja̱i̱sha amuukartatui. Tura yana ujakármia nu aentsuk jákarmatai Jerusaréṉ jintianam ajapnawartatui. Túrawarmatai yáakesh nin iwiarsatniuka atsuttawai. Nuní̱ túrawaran ní yajauch túrutai̱ji̱a̱i̱ṉ akikiártatjai.

Jrm. 2:5

Uunt Yus chichartak “Átum Wini̱i̱ya̱ kanakrum antra nú werakrum atumsha ántar ajasúk tusasha atumí uuntri̱ armia nusha ¿warí yajauchinia Wini̱i̱ya̱ncha wáinkiarma?

Jrm. 23:21

Túrasha wikia Yúsnan etserin ainia núnaka akupkacharuitjiai túramaitiat niṉki tsékeṉkiarmai. Wikia chichascharmajai túramaitiat niṉki etserkarmai.

Jrm. 23:26

Maa, Yúsnan etserin ju̱ túrunattawai tusar wáitian etserainiak anaṉkartuatai tusar ní enentáimmianak etserainiana nuna enentái̱sha ¿urukutsuk ainia? tura nunasha ¿urutáitsuk iniaisarat?

Jrm. 29:23

Warí Israernum ti yajauchin túriniak ni írutramuri̱ nuwé̱ armia nuja̱i̱ tsanirmawarmai. Tura Winia náarun pachisar wait chichaman Wi titiarum tíchamun chichasáruiti. Núnaka imiá nekas nékajai tawai Uunt Yus” Jirimías papin áarmiayi.

Jrm. 29:8

Israera Yusri̱ Ashí Akupin Uunt Yus chichaak jú̱nis tíniuiti. Atumí yusri̱niun etserin tura nekamin atumíin pujuiniana nu anaṉkramawairap. Tura mesekar mesekrampramuri̱sha peṉké anturkairap.

Jrm. 9:12

¿Ya shuarak timiá nékait ju̱na nekaatniusha? Uunt Yussha ¿yanak chichasuit? ju̱na paant awajsatniuncha. ¿Urukamtai nuṉkasha emesnaksha kampuntin atsú nuṉka núniksha naṉkaamakchamniasha ajasuit?

Jrm. 9:20

Maa nuwa̱tírmesha Uunt Yusa chichame̱ antuktarum. Ni wene̱ya̱ chicham jiinia nuna atumí kuishi̱sha antukarti. Atumí nawantri̱sha tura aṉkant aṉkant atumí tsaníakmari̱sha jakamnia nekapeakur kúntuts enentáimkiur tutai tura ajakmárar uttai̱ jintintiatarum.

Ukan. 2:9

Wáitiri̱sha nuṉká utsaṉma tura asaktairi̱sha kupiniar mash mesekarmiayi. Tura nuṉka mátsatkamunam umiktin chicham akupkámu atsana nui̱ úunt akupniusha uchirí̱sha matsatainiawai. Núnisaṉ Yúsnan etserniuri̱ncha Jiuwanun ímiaja̱i̱ksha íimtikracharuiti.

Isk. 13:3

Uunt Yus Ashí Aentsu Uuntri̱ chichaak etserin enentáincha netse áiniana nusha aneararti. Warí peṉké wainkiachariat ní enentái̱ya̱nak ántar etserainiawai.

Isk. 13:6

Mesekranam ímiaja̱i̱k wainkiamusha ántar áiniawai. Túrasha nekas túrunattui tuinia nusha wáitiaiti. ‘Uunt Yus jú̱nis tawai’ turutainiawai túrasha Wikia etserkata tusan akupkacharuitjiai. Túmaitiat ni chichakma nuna umikiat tusa nákarainiawai.

Mat. 7:15

Aneartarum. Wáitruiniak ‘Wi Yúsnan étserjai’ tuinia nu írunui. Pátatek murikiua áinis yúpichuch áiniawai tura ni enentái̱n nekas úunt ya̱wa̱ áinis áiniawai. Pátatek shiir chichainiawai tura ni enentái̱n yajauch piákuiti.

Rum. 1:21

Yusan nékainiayat shiir awajsacharmiayi tura yumiṉsacharmiayi. Tuma ásar aya antra nunak enentáimtuiniak ni enentái̱ tunaaja̱i̱ piakai.

1 Jṉ. 4:1

Aneamu yatsuru, untsurí shuar wáitruiniak “wi Yúsnan etserniuitjiai” tuíniawai. Tuma asamtai ashí shuar “wi Yusa Wakaní̱n takakun chichaajai” tuinia nu péṉker nekaptsuk enentáimtusairap. Antsu íisrum nekas Yusa Wakanímpiashit tura chíkich wakaniashit nu nekaatarum.