Jrm. 23:11 - Yus Papí: Shuarja̱i̱ Yus Yamaram Chicham Najanamu

¹¹ Yúsnan etserniusha núnisaṉ Yúsnan pujurniusha Yusan enentáimtichu ajasárai. Ímia winia je̱a̱ruí̱sha ni yajauchiri̱n wáitkiaruitjiai” tawai Uunt Yus.

Jrm. 23:11 Iomraidhean Croise

Ists. 10:18

Chíkich nuṉkanmaya̱ nuwa̱n nuatraruka Yúsnan pujurniu uchirí̱ṉkia tiasisiáti ármiayi. Nuyá̱ Riwí shuarka sais ármiayi núnisaṉ kantamin armia nuya̱ṉka chikichik ámiayi tura waiti wáinniuka menaint ármiayi. Núnisaṉ Israer shuar náṉkamas armia nuka uchaintia ármiayi. Kame ashí ju̱ aentska chíkich nuṉkanmaya̱ nuwa̱n nuatkaru ásar chíkichkia uchincha yajutmaku ármiayi.

Jrm. 11:15

Winia aneamursha Winia Uunt Je̱a̱ruí̱sha ¿warinia nisha waya̱tniuit mui̱jmiainian ti nukap túrayatcha? Kame taṉku maar Yus susamua nu ¿ame wáitsattamna nú tsawant ame yajauch túramun ámin asaktúrmarminkiait warastaj tusamea?

Jrm. 23:15

Yúsnan etserin ainia nuna pachis Ashí Akupin Uunt Yus ju̱na tawai “Nekaata. Niṉkia yapan ayurawartatjai túran entsá tséas eṉkeamun árartatjai. Warí Jerusaréṉnumia̱ Yúsnan etserin ainia nuna etserkamuri̱ ashí nuṉkanam tí yajauch pampaṉkai.”

Jrm. 32:34

Antsu nu túrakrum winia naar shiir Awajtai̱ Je̱a̱rui̱ najankamu yus awayá̱rum tikishmáteakrum mui̱jmiainia nu túrakrum peṉké yajauch awajsaitrume.

Jrm. 5:31

Tuma ásar Yúsnan etserin ainia nusha waitruá etserainiawai tura Yúsnan pujurin áiniana nusha ní enentái̱ji̱a̱i̱ṉᵏⁱ jú̱nisar túratai tuíniawai. Tura Wi shuarsha nuna wakeruiniawai. Túrasha ni amuukatniuri̱ jeamtaisha atumsha ¿warí itiurkatarmek?

Jrm. 50:6

Kame wáinin yajauchinmaani̱ jintintiámu ásar murikiu wáinin péṉker wáinkiachma jíintrar kampunniunam náintiaani̱ náṉkamas wéar meṉkarar ni wenuimiuri̱n waya̱tniun kajinmatkiarua núnis Wi shuarka áiniawai.

Jrm. 6:13

Kame uchiimiak uunt áiniana nusha waitruar aya kuit achiktinniak wakeruiniawai. Núnisaṉ Yúsnan etserniuimiak Yúsnan takarniusha anaṉmainiawai.

Jrm. 7:30

Warí Wi íimmianum Jutá shuarka nekascha yusan mui̱jmiainian najanawar Yusa Je̱e̱n winia Naar pachitai̱niam awayá̱ tikishmátainiak yajauchin utsunáirarai.

Jrm. 8:10

Tuma ásarmatai ni nua̱rí̱ ainia núnaka chíkich aentsnum surutkartatjai tura arakri̱nkia utsantuawar nupetmakarua nuna súsartatjai. Warí uchichinmaya̱ juarki̱ úuntaimiak anaṉma kuítriniatniun wakeruiniawai. Ántsaṉ Yúsnan etserin ainia nuyá̱ juárkimiuk Yúsnan pujurniuimiak anaṉkartuiniawai.

Ukan. 2:20

Jiuwáa ya áitkiam nu iisam waitnentrarta. Warí ¿nukuachisha ni uchirí̱ takusarua nunakek yúawartata? ¿Nuikia Yúsnan pujurniusha tura Yúsnan etserniusha Yus Shiir Awajtai̱ Je̱a̱nmasha mantamnawartatuak?

Sup. 3:3

Tura úunt akupniu uchirí̱nkia uunt ya̱wa̱ tsará tsará ajana núnis ajapén matsatainiawai. Tura ni sumamtikniuri̱nkia kashi wekain rúpu yukartua kashin yuami̱j tusa ukunchí̱ṉkisha ampirmachua núnis áiniawai.

Sup. 3:4

Ni etserniuri̱sha péṉker umichu anaṉkartin áiniawai. Yúsnan pujurniusha Yus Shiir Awajtai̱ Je̱a̱ncha aya yajauchiji̱a̱i̱ imiararuiti. Akupkámuncha waitruawar etserainiawai.