Jrm. 22:8 - Yus Papí: Shuarja̱i̱ Yus Yamaram Chicham Najanamu

⁸ Untsurí aents ju̱ peprunam naṉkamainiana nu ni tsaniakmari̱n chicharainiak “¿Urukamtai ju̱nasha Uunt Yus uunt pépruncha jútikiait?” tiártatui.

Jrm. 22:8 Iomraidhean Croise

Jrm. 16:10

Ju̱ chicham aents ujaam chichartamainiak turamartatui ¿urukamtai Uunt Yussha iincha asutiá amutmaktaj turamajⁱ? ¿Tuit ii tunaarí̱sha tura ii Yúsri̱ji̱a̱i̱ yajauch túramusha tuit? turamartatui.

Jrm. 40:2

Nuya̱ṉka úunt akupniu wainniu kapitiántri̱ Jirimíasan péṉker enentáimturmiayi tura chicharuk “Uunt Yus ame Yúsrum ju̱ nuṉka emesnaktinniaka etserkamiayi.

Jrm. 40:3

Tuma asa Uunt Yusak jú̱tikiayi. Tura ni chichame̱nka ashí umikiai. Warí átumka tunáa túrakrum ni chichame̱nka peṉké anturkachuitrume. Tuma asarum átumka jú̱nikiurme.

Isk. 39:23

Kame chíkich nuṉkanmaya̱ aentska Israera shuari̱ṉkia ni yajauch túrutairi̱ni̱ṉ achirar yaruakarma yajá pujusárma nunasha nekaawartatui. Warí, Winia kajertukarmatai Wisha núnisnak yapirnaka ú̱rkarmajai. Túran ni nemasri̱n surukan iniaisarmajai túram mesetnum puya̱ja̱i̱ ashí jákarmiayi.

Isk. 5:15

Wi Uunt Yus asan ju̱na tajai, Wi kajekan asutián ashí emeskamajrumna nuna pachittsar aents atumíin ayamach matsatainia nu átumka katsektai̱ tura áujmattsar wishiktai̱ núnisrik atumsha aneartarum tutai nuyá̱ nu enentáimtusrikia sapijmiatai ajastatrume.

Tan. 9:7

Maa, Uuntru, naka péṉker túratniuka áminiuiti. Tura ashí Israernumia̱ tura Jutá shuar núnisaṉ Jerusaréṉnum pujuiniana nusha nuyá̱ Ámin nakitramainiakui ji̱i̱ra akuprarma tíjiu̱chisha núnisaṉ yajá pujuiniasha yamái urukainiawa núnisaṉ natsa̱a̱rtinkia íiniuiti.