Jrm. 21:9 - Yus Papí: Shuarja̱i̱ Yus Yamaram Chicham Najanamu

⁹ Kame ju̱ péprunam juákartatna nuka puya̱ja̱i̱ mantamnawartatui. Ántsaṉ tsukaja̱i̱sha suṉkurja̱i̱sha jákartatui. Túrasha Papirúnianmaya̱ aents akintrutmakar matsamprutmakarainia nui̱ junakim pachiniamka ni atarartatna nu yurumkum iwiaaku átatme.’

Jrm. 21:9 Iomraidhean Croise

Jrm. 21:7

Uunt Yus chichaak “Nuyá̱ Jutanmaya̱ úunt akupin Setekíasnaka Papirúnianmaya̱ úunt akupin Napukutunusúra uwejé̱n íktusan iniaisattajai. Nuyá̱ takarniúrtiuk aentsush suṉkursha mesetcha tura tsuka amuumam péprunam juákarma núnaka ni nemasri̱ mátaj tusa e̱a̱inia nuna uwejé̱n íktusan iniaisartatjai. Túramtai puya̱ja̱i̱ máwartatui tura waitnentratniuka peṉké atsuttawai” titiá.’

Jrm. 24:10

Nuna túrakun nin tura ni úuntri̱ncha nuṉkan súsarmiaj nuya̱ṉka mesetja̱i̱ tsukaja̱i̱ núnisnak suṉkurja̱i̱ amú amú awajsartatjai” tawai Uunt Yus.

Jrm. 27:11

Tura uunt nuṉka mátsatkamu Papirúnianmaya̱ úunt akupniun umirainiak kuntuje̱n numin awantkartatna núnisa nuka ní nuṉke̱ni̱n takakmas tuke nui̱ṉ matsamsartatui” tawai Uunt Yus.

Jrm. 27:12

Nuyá̱ wikia chíkich aentsun ujakmaj núnisan Jutanmaya̱ úunt akupin Setekíasan chicharkun “Papirúnianmaya̱ úunt akupniu akupeamuri̱ kuntuje̱n numin awantkartatna núnaka umirkátjai tákurmeka nuiṉkia atumsha iwiaaku pujustarum.

Jrm. 27:13

Yuska Papirúnianmaya̱ úunt akupniun umirainiachuka mesetja̱i̱sha tsukaja̱i̱sha suṉkurja̱i̱sha uunt nuṉka mátsatkamun jákatniuiti takui̱ ¿urukamtaik amesha tura ame shuarumji̱a̱i̱sha Yus timia nuja̱i̱ métek jakatarum?

Jrm. 38:2

“Uunt Yus ujak chicharuk ‘Ju̱i̱ṉ péprunmaṉ juákuka mesetja̱i̱sha tsukaja̱i̱sha, suṉkurja̱i̱sha jákartatui. Antsu ju̱yá̱ jiinkí̱ Kartíu aentsnum surumakaruka iwiaaku juákartatui.

Jrm. 38:3

Imiá nekas ju̱ péprunka Papirúnianmaya̱ akupniu suntari̱n íktustatjai túram akintkiartatui’ Uunt Yus tu tíniuiti” tímiayi.

Jrm. 39:18

“Warí ti nekas Wi aṉkant awajsattajme. Tura Winia nekas enentáimtursa asam ame iwiaakmarmeka nupetmakar ata̱i̱miua núnis arutrámtiatui” tawai Uunt Yus’ titiá” tímiayi.

Jrm. 45:5

Tura ame páantin ajastin e̱a̱mna nuka iniaisata. Warí wisha ashí iwiaaku ainia nuna mash amuktatjai. Antsu áminkia tuí̱ṉkish pujuttam nui̱ péṉker pujustinian tsaṉkatkattajme. Wi Uunt Yus asan jú̱naka tajai” tímiayi.

Isk. 5:12

Tuma asamtai atumíya̱ menaintiú akankámua nuyá̱ chikichík akankámuk suṉkurja̱i̱ tura tsukaja̱i̱sha jákartatui. Tura chíkich akankámu ártatna nuka ni nemasri̱ téntakar matsamtiartatna nui̱ṉ máwartatui. Nuyá̱ amúamu akankámu ainia núnaka Wikia yajá tsakiṉmakaran Winia puya̱run ukuinkian apapékartatjai.